ជាតិ
រដ្ឋសភាបន្តពិភាក្សានិងអនុម័តលើរបៀបវារៈចំនួន២នៅថ្ងៃទី២៩មិថុនា
× រដ្ឋសភាជាតិ នឹងបន្តសម័យប្រជុំលើកទី៤ នីតិកាលទី៥របស់ខ្លួននៅថ្ងៃទី២៩ខែមិថុនាខាងមុខនេះ ដោយបន្តពិភាក្សា និងរបៀបវារៈសំខាន់ៗចំនួន២ ។
យោងតាមសេចក្តីប្រកាសព័ត៌មានរបស់រដ្ឋសភាជាតិ របៀវារៈទាំង២នោះរួមមាន៖១. ការបោះឆ្នោតជ្រើសតាំងលោក ជា អឿង ជាសមាជិកគណៈកម្មការផែនការ វិនិយោគកសិកម្ម អភិវឌ្ឍន៍ជនបទ បរិស្ថាន និងធនធានទឹកនៃរដ្ឋសភា និងទី២. ពិភាក្សាលើសេចក្តីព្រាងច្បាប់ស្តីពីការទូទាត់ថវិកាទូទៅរបស់រដ្ឋសម្រាប់ការគ្រប់គ្រងឆ្នាំ២០១៣ ។
សូមបញ្ជាក់ថា នៅក្នុងកិច្ចប្រជុំនៅថ្ងៃទី២៣មិថុនា រដ្ឋសភាជាតិ បានអនុម័តលើរបៀបវារៈមួយចំនួនដូចជា អនុម័តប្រគល់សេចក្តីព្រាងច្បាប់ស្តីពីសមាគម និងអង្គការក្រៅរដ្ឋាភិបាលជូនគណៈកម្មការទី៥នៃរដ្ឋសភា ពិនិត្យ និងសិក្សា ដោយសហការជាមួយគណៈកម្មការទី៤ និងទី៦នៃរដ្ឋសភា ហើយធ្វើរបាយការណ៍ជូនគណៈកម្មការអចិន្ត្រៃយ៍រដ្ឋសភាវិញ។ អង្គប្រជុំក៏បានបោះឆ្នោត តាំងលោក ជា អឿង ជាសមាជិកគណៈកម្មការផែនការ វិនិយោគកសិកម្ម អភិវឌ្ឍន៍ជនបទ បរិស្ថាន និងធនធានទឹកនៃរដ្ឋសភា៕
© រក្សាសិទ្ធិដោយ thmeythmey.com