អន្តរជាតិ
×![]()
ដោយ: ធីតា
ការបោកបញ្ឆោតនៃតង្កៀបដែលចាប់ផ្នែកណាមួយនៃតុក្កតា រួចក៏ព្រលែងទៅវិញ ធ្វើឲ្យអ្នកយល់ថា ខ្វះតែបន្តិចទៀតទេ អ្នកនឹងចាប់បានតុក្កតាមួយនោះហើយ។ អារម្មណ៍នេះជំរុញអ្នកឲ្យចង់សាកល្បងម្តងហើយម្តងទៀត ឥតឈប់ឈរ។ ប៉ុន្តែ ហ្គេមចាប់តុក្កតាគ្រាន់តែជាឧបករណ៍ស្រូបប្រាក់ពីអ្នកឲ្យម្ចាស់របស់វាតែប៉ុណ្ណោះ។ អ្នកលេងមិនឈ្នះ មិនពាក់ព័ន្ធនឹងសមត្ថភាពរបស់អ្នកបន្តិចសោះឡើយ។
ជារូបភាព ចលនានៃតង្កៀបនេះអាស្រ័យទៅលើចរន្តអគ្គិសនី។ កម្លាំងនៃចរន្តអគ្គិសនីកំណត់លទ្ធផលនៃហ្គេម។ ប៉ុន្តែ តាមពិតទៅ ចាញ់ ឬឈ្នះស្ថិតនៅលើម្ចាស់ទូហ្គេមច្រើនជាង។ សម្រាប់ហ្គេមនេះ គេអាចកំណត់ប្រាក់ចំណេញប្រចាំថ្ងៃដែលគេត្រូវបានពីម៉ាស៊ីន។
ឧបមាថា តុក្កតាមួយថ្លៃ ១០ ដុល្លារ ហើយអ្នកលេងត្រូវតម្រូវឲ្យដាក់កាក់ម្តងបួនដែលស្មើនឹង ០,៧ ដុល្លារ (២៨០០រៀល)។ ម្ចាស់ទូបានកំណត់កម្មវិធីរួចទៅហើយ គឺម៉ាស៊ីនត្រូវស្រូបយកកាក់រហូតគ្រប់ថ្លៃដើម ទើបស្រូបប្រាក់ចំណេញជាក្រោយ។ ពេលណាដែលប្រាក់បានគ្រប់ចំនួនកំណត់ ទើបមានអ្នកឈ្នះម្តង។ វាក៏អាចទៅរួចដែរ ដែលកម្មវិធីត្រូវបានគេកំណត់ថា មិនឲ្យមានអ្នកឈ្នះម្នាក់សោះ ដើម្បីប្រមូលប្រាក់ចំណេញតែមុខគត់។
ហេតុនេះ ទោះជាអ្នកខំប្រឹងបញ្ជាតង្កៀបយ៉ាងណា ក៏អ្នកមិនអាចយកឈ្នះហ្គេមនេះបានដែរ។ ទោះជាអ្នកជាមនុស្សមានសំណាងរហូតមក ក៏ត្រូវតែចាញ់ដែរ។ បែបនេះ តើអ្នកចង់សាកល្បងយកឈ្នះហ្គេមនេះទៀតដែរទេ ?
Tag:
ហ្គេម
© រក្សាសិទ្ធិដោយ thmeythmey.com
