ជាតិ
នយោបាយជាតិ
លោក វ៉ា គឹមហុង ថា ខ្លួនមិនធ្លាប់បង្ហាញផែនទីក្លែងក្លាយដល់ព្រះបរមរតនកោដ្ឋ
រូបខាងឆ្វេងលោក អ៊ុំ សំអាន និងខាងស្ដាំលោក វ៉ា គឹមហុង
×![]()
ទេសរដ្ឋមន្ត្រីទទួលបន្ទុកកិច្ចការព្រំដែន និងជាប្រធានកិច្ចការចម្រុះព្រំដែន លោក វ៉ា គឹមហុង បដិសេធថា រូបលោកមិនដែលយកផែនទីក្លែងក្លាយ ទៅបង្ហាញអតីតព្រះមហាក្សត្រ នរោត្តម សីហនុ ឡើយ។ ការបដិសេធរបស់លោក វ៉ា គឹមហុង ធ្វើឡើងក្រោយពីតំណាងរាស្ត្របក្សប្រឆាំងចោទប្រកាន់រូបលោក នៅទីស្ដីការគណរដ្ឋមន្ត្រីថា បានបង្ហាញផែនទីក្លែងក្លាយដល់អតីតព្រះមហាវីរៈក្សត្រ។
ឆ្លើយតបនឹងសំណួររបស់លោក អ៊ុំ សំអាន តំណាងរាស្ត្រគណបក្សប្រឆាំង ដែលបានរំលឹកពីរឿងខ្លួនធ្លាប់ចូលគាល់ព្រះបរមរតនកោដ្ឋកាលពីឆ្នាំ២០០០ ដោយបាននាំព្រះរាជឱង្ការព្រះអង្គថា លោក វ៉ា គឹមហុង ធ្លាប់យកផែនទីក្លែងក្លាយទៅបង្ហាញអតីតព្រះមហាក្សត្រនោះ លោក វ៉ា គឹមហុង បដិសេធថា លោកមិនធ្លាប់យកផែនទីមិនពិតទៅបង្ហាញអតីតព្រះមហាក្សត្រ នរោត្តម សីហនុ ទតដូចការចោទប្រកាន់របស់លោក អ៊ុំ សំអាន នោះទេ។ លោក វ៉ា គឹមហុង បញ្ជាក់ទៀតថា ផែនទីដែលរូបលោកបានរៀបចំរួចរាល់ហើយនោះ គឺលោកយកទៅតម្កល់ទុកដោយមិនបានបង្ហាញព្រះបរមរតនកោដ្ឋឡើយ។
ក្នុងការឆ្លើយឆ្លងទល់មុខគ្នានៅទីស្ដីការគណៈរដ្ឋមន្ត្រីកាលពីម្សិលមិញ ប្រធានគណៈកម្មាធិការព្រំដែនរូបនេះបញ្ជាក់យ៉ាងដូច្នេះថា៖«ព្រះកុរណាទ្រង់សោយទីវង្គតហើយ ព្រះកុរណាអត់ដែលឃើញផែនទីហ្នឹងទេ (ផែនទីសព្វថ្ងៃ) ។ ខ្ញុំអត់បានយកទៅបង្ហាញ(ទ្រង់)ទេ» ។
សូមស្ដាប់សំឡេងលោក អ៊ុំ សំអាន និងលោក វ៉ា គឹមហុង៖
ទេសរដ្ឋមន្ត្រីទទួលបន្ទុកកិច្ចការព្រំដែន និងជាប្រធានកិច្ចការចម្រុះព្រំដែន លោក វ៉ា គឹមហុង អះអាងថា គណៈកម្មាធិការព្រំដែនរបស់លោក បានអនុវត្តការងារ ដោយយោងតាមផែនទីព្រំដែននៃវិទ្យាស្ថានជាតិបារាំង ផែនទីតម្កល់ទុកនៅអង្គការសហប្រជាជាតិ និងផែនទីស ចម្លងពីប្រទេសវៀតណាម ដើម្បីជាមូលដ្ឋានគ្រឹះក្នុងការការពារទឹកដី។លោកបន្ដថា រដ្ឋាភិបាលមិនមែនប្រើប្រាស់ផែនទីក្លែងក្លាយ ដូចការចោទប្រកាន់របស់គណបក្សប្រឆាំងនោះទេ។ ជាមួយគ្នានេះ លោក វ៉ា គឹមហុង បញ្ជាក់ទៀតថា រដ្ឋាភិបាល បានអនុវត្តការងារតាមរយៈផែនទីទាំងនេះកន្លងមក មិនទាន់ឲ្យកម្ពុជាបាត់បង់ទឹកដីរបស់ខ្លួន ដូចការចោទប្រកាន់ឡើយ។
លោក អ៊ុំ សំអាន តំណាងរាស្ត្របក្សប្រឆាំងដែលស្ដាប់ការបកស្រាយរបស់រដ្ឋាភិបាលនោះ បដិសេធមិនទទួលស្គាល់ផែនទីរបស់រដ្ឋាភិបាលទេ ដោយថាផែនទីទាំងនោះគឺរដ្ឋាភិបាល យកផែនទីដែលរៀបចំបោះពុម្ភទាំងស្រុងឡើងវិញដោយវៀតណាម៕
ឆ្លើយតបនឹងសំណួររបស់លោក អ៊ុំ សំអាន តំណាងរាស្ត្រគណបក្សប្រឆាំង ដែលបានរំលឹកពីរឿងខ្លួនធ្លាប់ចូលគាល់ព្រះបរមរតនកោដ្ឋកាលពីឆ្នាំ២០០០ ដោយបាននាំព្រះរាជឱង្ការព្រះអង្គថា លោក វ៉ា គឹមហុង ធ្លាប់យកផែនទីក្លែងក្លាយទៅបង្ហាញអតីតព្រះមហាក្សត្រនោះ លោក វ៉ា គឹមហុង បដិសេធថា លោកមិនធ្លាប់យកផែនទីមិនពិតទៅបង្ហាញអតីតព្រះមហាក្សត្រ នរោត្តម សីហនុ ទតដូចការចោទប្រកាន់របស់លោក អ៊ុំ សំអាន នោះទេ។ លោក វ៉ា គឹមហុង បញ្ជាក់ទៀតថា ផែនទីដែលរូបលោកបានរៀបចំរួចរាល់ហើយនោះ គឺលោកយកទៅតម្កល់ទុកដោយមិនបានបង្ហាញព្រះបរមរតនកោដ្ឋឡើយ។
ក្នុងការឆ្លើយឆ្លងទល់មុខគ្នានៅទីស្ដីការគណៈរដ្ឋមន្ត្រីកាលពីម្សិលមិញ ប្រធានគណៈកម្មាធិការព្រំដែនរូបនេះបញ្ជាក់យ៉ាងដូច្នេះថា៖«ព្រះកុរណាទ្រង់សោយទីវង្គតហើយ ព្រះកុរណាអត់ដែលឃើញផែនទីហ្នឹងទេ (ផែនទីសព្វថ្ងៃ) ។ ខ្ញុំអត់បានយកទៅបង្ហាញ(ទ្រង់)ទេ» ។
សូមស្ដាប់សំឡេងលោក អ៊ុំ សំអាន និងលោក វ៉ា គឹមហុង៖
ទេសរដ្ឋមន្ត្រីទទួលបន្ទុកកិច្ចការព្រំដែន និងជាប្រធានកិច្ចការចម្រុះព្រំដែន លោក វ៉ា គឹមហុង អះអាងថា គណៈកម្មាធិការព្រំដែនរបស់លោក បានអនុវត្តការងារ ដោយយោងតាមផែនទីព្រំដែននៃវិទ្យាស្ថានជាតិបារាំង ផែនទីតម្កល់ទុកនៅអង្គការសហប្រជាជាតិ និងផែនទីស ចម្លងពីប្រទេសវៀតណាម ដើម្បីជាមូលដ្ឋានគ្រឹះក្នុងការការពារទឹកដី។លោកបន្ដថា រដ្ឋាភិបាលមិនមែនប្រើប្រាស់ផែនទីក្លែងក្លាយ ដូចការចោទប្រកាន់របស់គណបក្សប្រឆាំងនោះទេ។ ជាមួយគ្នានេះ លោក វ៉ា គឹមហុង បញ្ជាក់ទៀតថា រដ្ឋាភិបាល បានអនុវត្តការងារតាមរយៈផែនទីទាំងនេះកន្លងមក មិនទាន់ឲ្យកម្ពុជាបាត់បង់ទឹកដីរបស់ខ្លួន ដូចការចោទប្រកាន់ឡើយ។
លោក អ៊ុំ សំអាន តំណាងរាស្ត្របក្សប្រឆាំងដែលស្ដាប់ការបកស្រាយរបស់រដ្ឋាភិបាលនោះ បដិសេធមិនទទួលស្គាល់ផែនទីរបស់រដ្ឋាភិបាលទេ ដោយថាផែនទីទាំងនោះគឺរដ្ឋាភិបាល យកផែនទីដែលរៀបចំបោះពុម្ភទាំងស្រុងឡើងវិញដោយវៀតណាម៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
