ជាតិ
នយោបាយជាតិ
×![]()
នៅព្រឹកថ្ងៃច័ន្ទរដ្ឋសភា អនុម័តសេចក្ដីស្នើច្បាប់ស្ដីពី ភតិសន្យាពិសេស ដោយសំឡេង១០២លើ១០៤សំឡេង។ ការអនុម័តច្បាប់នេះ ដើម្បីរៀបចំសណ្ដាប់ធ្នាប់និងស្ថិរភាពក្នុងជីវភាពរស់នៅរបស់ប្រជាពលរដ្ឋក្នុងសង្គម។ប្រធានមតិភាគច្រើន និងប្រធានក្រុមមតិភាគតិចនៃរដ្ឋសភា សុទ្ធតែអះអាងថាសេចក្ដីស្នើច្បាប់ភតិសន្យាពិសេស នេះអាចជួយការពារផលប្រយោជន៍ទាំងសងខាងរវាងម្ចាស់ផ្ទះជួលនិងនិងអ្នកជួល ដើម្បីការអភិវឌ្ឍសង្គម ប្រកបដោយចីរភាព និងសមធម៌សង្គម។
លោក សម រង្ស៊ី ដែលថ្លែងគាំទ្រសេចក្ដីស្នើច្បាប់ស្ដីពី ភតិសន្យាពិសេសនេះ (កិច្ចសន្យាជួល) បញ្ជាក់ថា ច្បាប់នេះអាចជួយដោះស្រាយនិងការពារដល់ការរស់នៅរបស់កម្មករ សិស្ស និស្សិត ដែលមកស្នាក់នៅបណ្ដោះអាសន្ន ដោយពុំត្រូវបានរំលោភសិទ្ធិកិច្ចសន្យាពីម្ចាស់ផ្ទះ។ លោកថា ច្បាប់នេះគឺអាចជួយការពារផលប្រយោជន៍ដល់ម្ចាស់ផ្ទះជួល និងអ្នកជួលរយៈពេល២ឆ្នាំនៅពេលច្បាប់ត្រូវបានអនុម័តជាធរមាន។ ថ្លែងអន្តរាគមន៍លើសេចក្ដីស្នើច្បាប់ភតិសន្យាពិសេសនេះ ប្រធានក្រុមមតិភាគតិចនៃរដ្ឋសភារូបនេះអះអាងយ៉ាងដូច្នេះថា៖«ច្បាប់នេះគឺម្ចាស់ផ្ទះគ្មានសិទ្ធិដេញកម្មករ អ្នកជួលដោយតាមតែអំពើចិត្តនោះទេក្នុងរយៈពេល២ឆ្នាំយ៉ាងតិច។ ហើយរយៈពេល២ឆ្នាំនោះ ម្ចាស់ផ្ទះគ្មានសិទ្ធិដំឡើងថ្លៃផ្ទះទេ ទោះកម្មករត្រូវបានដំឡើងប្រាក់ឈ្នួលក៏ដោយ។ច្បាប់នេះមានគោលបំណងការពារសិទ្ធិម្ចាស់ផ្ទះជួលនិងអ្នកជួល ដើម្បីជួយឲ្យសង្គមមានភាពជឿនលឿន អភិវឌ្ឍន៍សង្គមជាចីរភាព»។
ជាមួយគ្នានេះ លោក ស ខេង ប្រធានក្រុមមតិភាគច្រើនក្នុងរដ្ឋសភា ក៏បានសម្ដែងការគាំទ្រនិងវាយតម្លៃខ្ពស់ចំពោះសេចក្ដីស្នើច្បាប់នេះដែរ។ លោកបន្ថែមថា ក្រសួងមហាផ្ទៃ និងក្រសួងពាក់ព័ន្ធ បានប្រកាសជាអន្តរក្រសួងការរៀបចំថ្លៃសេវារដ្ឋបាល សម្រាប់ឲ្យអាជ្ញាធរតាមមូលដ្ឋាអនុវត្តសេចក្ដីស្នើច្បាប់ស្ដីពី ភតិសន្យាពិសេសនេះដែរ នៅពេលម្ចាស់ផ្ទះជួលទៅពឹងពាក់អាជ្ញាធរ។
សេចក្ដីស្នើច្បាប់ស្ដី ភតិសន្យាពិសេស ត្រូវបានតំណាងរាស្ត្រដែលមានអសនៈក្នុងរដ្ឋសភា មកពីគណបក្សប្រជាជនកម្ពុជា និងគណបក្សសង្គ្រោះជាតិ បានរៀបចំស្នើច្បាប់នេះឡើងក្នុងគោលបំណងធានាការពារសិទ្ធិ និងផលប្រយោជន៍របស់ភតិបតី(ម្ចាស់) និងភតិកៈ(អ្នកជួល) ដើម្បីស្ថិរភាពក្នុងជីវភាពរស់នៅ សណ្ដាប់ធ្នាប់ និងរបៀបរៀបរយសាធារណៈ ចៀសវាងការកើតមានទំនាស់រវាងម្ចាស់ផ្ទះជួលនិងអ្នកជួល។
រដ្ឋសភាបានអនុម័តសេចក្ដីស្នើច្បាប់ស្ដីពី ភតិសន្យាពិសេស ដោយសំឡេង១០២លើ១០៤សំឡេង។សេចក្ដីស្នើច្បាប់ស្ដី ភតិសន្យាពិសេសមានចំនួន៤ជំពូក និង១១មាត្រា៕
លោក សម រង្ស៊ី ដែលថ្លែងគាំទ្រសេចក្ដីស្នើច្បាប់ស្ដីពី ភតិសន្យាពិសេសនេះ (កិច្ចសន្យាជួល) បញ្ជាក់ថា ច្បាប់នេះអាចជួយដោះស្រាយនិងការពារដល់ការរស់នៅរបស់កម្មករ សិស្ស និស្សិត ដែលមកស្នាក់នៅបណ្ដោះអាសន្ន ដោយពុំត្រូវបានរំលោភសិទ្ធិកិច្ចសន្យាពីម្ចាស់ផ្ទះ។ លោកថា ច្បាប់នេះគឺអាចជួយការពារផលប្រយោជន៍ដល់ម្ចាស់ផ្ទះជួល និងអ្នកជួលរយៈពេល២ឆ្នាំនៅពេលច្បាប់ត្រូវបានអនុម័តជាធរមាន។ ថ្លែងអន្តរាគមន៍លើសេចក្ដីស្នើច្បាប់ភតិសន្យាពិសេសនេះ ប្រធានក្រុមមតិភាគតិចនៃរដ្ឋសភារូបនេះអះអាងយ៉ាងដូច្នេះថា៖«ច្បាប់នេះគឺម្ចាស់ផ្ទះគ្មានសិទ្ធិដេញកម្មករ អ្នកជួលដោយតាមតែអំពើចិត្តនោះទេក្នុងរយៈពេល២ឆ្នាំយ៉ាងតិច។ ហើយរយៈពេល២ឆ្នាំនោះ ម្ចាស់ផ្ទះគ្មានសិទ្ធិដំឡើងថ្លៃផ្ទះទេ ទោះកម្មករត្រូវបានដំឡើងប្រាក់ឈ្នួលក៏ដោយ។ច្បាប់នេះមានគោលបំណងការពារសិទ្ធិម្ចាស់ផ្ទះជួលនិងអ្នកជួល ដើម្បីជួយឲ្យសង្គមមានភាពជឿនលឿន អភិវឌ្ឍន៍សង្គមជាចីរភាព»។
ជាមួយគ្នានេះ លោក ស ខេង ប្រធានក្រុមមតិភាគច្រើនក្នុងរដ្ឋសភា ក៏បានសម្ដែងការគាំទ្រនិងវាយតម្លៃខ្ពស់ចំពោះសេចក្ដីស្នើច្បាប់នេះដែរ។ លោកបន្ថែមថា ក្រសួងមហាផ្ទៃ និងក្រសួងពាក់ព័ន្ធ បានប្រកាសជាអន្តរក្រសួងការរៀបចំថ្លៃសេវារដ្ឋបាល សម្រាប់ឲ្យអាជ្ញាធរតាមមូលដ្ឋាអនុវត្តសេចក្ដីស្នើច្បាប់ស្ដីពី ភតិសន្យាពិសេសនេះដែរ នៅពេលម្ចាស់ផ្ទះជួលទៅពឹងពាក់អាជ្ញាធរ។
សេចក្ដីស្នើច្បាប់ស្ដី ភតិសន្យាពិសេស ត្រូវបានតំណាងរាស្ត្រដែលមានអសនៈក្នុងរដ្ឋសភា មកពីគណបក្សប្រជាជនកម្ពុជា និងគណបក្សសង្គ្រោះជាតិ បានរៀបចំស្នើច្បាប់នេះឡើងក្នុងគោលបំណងធានាការពារសិទ្ធិ និងផលប្រយោជន៍របស់ភតិបតី(ម្ចាស់) និងភតិកៈ(អ្នកជួល) ដើម្បីស្ថិរភាពក្នុងជីវភាពរស់នៅ សណ្ដាប់ធ្នាប់ និងរបៀបរៀបរយសាធារណៈ ចៀសវាងការកើតមានទំនាស់រវាងម្ចាស់ផ្ទះជួលនិងអ្នកជួល។
រដ្ឋសភាបានអនុម័តសេចក្ដីស្នើច្បាប់ស្ដីពី ភតិសន្យាពិសេស ដោយសំឡេង១០២លើ១០៤សំឡេង។សេចក្ដីស្នើច្បាប់ស្ដី ភតិសន្យាពិសេសមានចំនួន៤ជំពូក និង១១មាត្រា៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
