ជាតិ
នយោបាយជាតិ
រូបថត៖ facebook
×![]()
ស្ទើរគ្រប់សារព័ត៌មានទាំងអស់នៅកម្ពុជា បានចុះផ្សាយអំពីការជួបជុំពិសាអាហាររួមគ្នា រវាងគ្រួសារប្រមុខរដ្ឋាភិបាលកម្ពុជា លោក ហ៊ុន សែន និងគ្រួសារមេបក្សសង្គ្រោះជាតិ លោក សម រង្ស៊ី។ ក្នុងទំព័រហ្វេសប៊ុកវិញ រូបភាពត្រៀបត្រាជុំវិញភាពស្និទ្ធស្នាលរបស់គ្រួសារថ្នាក់ដឹកនាំទាំងពីរ ត្រូវបានគេបង្ហោះ និងចែករំលែកតៗគ្នា អមទៅនឹងពាក្យពេចន៍កោតសរសើរជាច្រើន។ ដោយឡែកសម្រាប់យុវជនខ្មែរឥស្លាមវិញ ក៏បានចាប់អារម្មណ៍នឹងរូបភាព និងភាពស្និទ្ធស្នាលទាំងនោះដែរ ពួកគេយល់ថា វាជាកាយវិការនិងជាគំរូល្អ ដែលថ្នាក់ដឹកនាំទាំងពីរបានប្រើ សម្រាប់ដឹកនាំប្រទេសជាតិ។ ទន្ទឹមនឹងនេះ ពួកគេក៏ចង់ឃើញបណ្តាថ្នាក់ដឹកនាំនៅតាមមូលដ្ឋាន គប្បីមានរូបភាពដូចគ្នានេះដែរ។
ជារូបភាពដ៏កម្រ ដែលគ្រួសារថ្នាក់ដឹកនាំពីរ ដែលមាននិន្នាការនយោបាយផ្ទុយគ្នា អាចអង្គុយទាល់មុខគ្នាទទួលទានអាហារជុំគ្នានោះ។ លើសពីនេះទៀត គឺពួកគេបានបង្ហាញភាពស្និទ្ធស្នាលនឹងគ្នា តាមរយៈការថតរូបស៊ែលហ្វីនឹងគ្នាជាដើម។ រូបភាពទាំងនោះ ត្រូវបានសាទរ និងអបអរ ពីសាធារណជន ដែលចង់ឃើញថ្នាក់ដឹកនាំចេះចាប់ដៃគ្នា ប្រកាន់វប្បធម៌សន្ទនាជាធំ។
មិនត្រឹមតែពលរដ្ឋខ្មែរទេដែលចាប់អារម្មណ៍នឹងរូបភាពទាំងនោះ សូម្បីយុវជនខ្មែរឥស្លាម ក៏បានកោតសរសើរនឹងរូបភាពទាំងនោះដែរ។ ពួកគេថា ការអង្គុយទទួលទានអាហាររបស់លោកនាយករដ្ឋមន្ត្រី និងលោក សម រង្ស៊ី បង្ហាញពីគំរូល្អដល់ថ្នាក់ដឹកនាំដទៃទៀត។
លោក នាក់ សើគីរីន ជាយុវជនខ្មែរឥស្លាម និងជាសាស្ត្រាចារ្យផ្នែកច្បាប់មួយរូប បានកោតសរសើរចំពោះវប្បធម៌សន្ទនារបស់ថ្នាក់ដឹកនាំខាងលើ។ លោក សើគីរីន បន្ថែមថា វាគឺជារបត់នយោបាយដែលមានការរីកចម្រើន បើទោះបីជាពួកគេមានទស្សនៈនយោបាយផ្ទុយគ្នាយ៉ាងណាក្តី។ លោកបន្តថា ថ្នាក់ដឹកនាំទាំងពីរអាចចាប់ដៃ និងជជែកគ្នា ដោយគោរពនូវវប្បធម៌សន្ទនា ដើម្បីធ្វើការជាមួយគ្នា។ «វាខុសពីពេលមុនៗ ក្នុងនាមជាអ្នកដឹកនាំ គួរតែធ្វើបែបហ្នឹង។ បើយើងមានទំលាប់បែបនេះ គឺវាល្អ។ ការរីកចម្រើនទៅមុខបាន លុះត្រាតែយើងមិនបែកបាក់គ្នា ចេះសាមគ្គីគ្នា ហើយកាលណាយើងចេះសាមគ្គីផ្ទៃក្នុង នោះអ្នកខាងក្រៅគេនឹងមិនមើលងាយយើង។ គ្រួសារមួយអាចរីកចម្រើនទៅមុខបាន លុះណាតែពួកគេចេះសាមគ្គីគ្នា»។ នេះជាការពន្យល់របស់លោក សើគីរីន។
មិនត្រឹមតែថ្នាក់ដឹកនាំកំពូលទេ ដែលគួរធ្វើបែបនេះ ក្នុងនោះថ្នាក់ដឹកនាំគ្រប់កម្រិត ក៏គួរប្រកាន់នូវវប្បធម៌បែបនេះដែរ។ នេះជាការលើកឡើងរបស់លោក ហ៊ីម ខទៀត។ យុវជនឥស្លាមរូបនេះ អះអាងថា ខ្លួនពេញចិត្តចំពោះកាយវិការថ្នាក់ដឹកនាំទាំងពីរ ដែលមានលោក នាយករដ្ឋមន្ត្រី ហ៊ុន សែន និងប្រធានគណបក្សសង្គ្រោះជាតិ លោក សម រង្ស៊ី។ លោក ខទៀត រំពឹងថា ថ្នាក់ដឹកនាំទាំងពីរនឹងបន្តនូវវប្បធម៌នេះតទៅមុខទៀត ហើយលោកថា វានឹងផ្តល់ផលវិជ្ជមានសម្រាប់ប្រទេសជាតិ។
វាមិនគ្រប់គ្រាន់នោះទេសម្រាប់យុវជនឥស្លាមរូបនេះ។ លោក ខទៀត ក៏ចង់ឃើញគំរូនេះ ត្រូវបានថ្នាក់ដឹកនាំនៅតាមមូលដ្ឋានអនុវត្តន៍ដូចគ្នានេះដែរ។ លោក ខទៀត រៀបរាប់ចំណុចអវិជ្ជមានដែលលោកបានជួបនាពេលកន្លងមកដូច្នេះថា ៖« ឃើញថា មេភូមិនិងមេភូមិមិនត្រូវគ្នា ក្រុមប្រឹក្សាឃុំសង្កាត់ និងក្រុមប្រឹក្សាឃុំសង្កាត់ ដែលមាននិន្នាការនយោបាយផ្ទុយគ្នា គឺពួកគេមិននិយាយរកគ្នា ពេលខ្លះមានជម្លោះនឹងគ្នាផងដែរ។ ខ្ញុំចង់ឲ្យពួកគាត់ មើលគំរូល្អរបស់ថ្នាក់ដឹកនាំប្រទេស។ យើងនៅតែអាចធ្វើការរួមគ្នា បើទោះជាមានគិតខុសគ្នាយ៉ាងណាក្តី»។
គួររម្លឹកថា នៅល្ងាចថ្ងៃសៅរ៍ម្សិលមិញ គ្រួសារលោកនាយករដ្ឋមន្ត្រី ហ៊ុន សែន ដែលមានកូន និងកូនប្រសារ បានជួបជុំពិសារអាហាររួមគ្នានិងគ្រួសារលោក សម រង្ស៊ី ដែលមានកូនស្រី និងកូនប្រសារ នៅសណ្ឋាគារកាំបូឌីយ៉ាណា។ ការទទួលទានអាហារនេះ ក្រោយពីលោកនាយករដ្ឋមន្ត្រី បានបបួលលោក សម រង្ស៊ី ក្នុងពិធីបើកព្រឹត្តិការណ៍អង្គរសង្ក្រាន្តនៅខេត្តសៀមរាប អំឡុងខែមេសាកន្លងទៅ៕
ជារូបភាពដ៏កម្រ ដែលគ្រួសារថ្នាក់ដឹកនាំពីរ ដែលមាននិន្នាការនយោបាយផ្ទុយគ្នា អាចអង្គុយទាល់មុខគ្នាទទួលទានអាហារជុំគ្នានោះ។ លើសពីនេះទៀត គឺពួកគេបានបង្ហាញភាពស្និទ្ធស្នាលនឹងគ្នា តាមរយៈការថតរូបស៊ែលហ្វីនឹងគ្នាជាដើម។ រូបភាពទាំងនោះ ត្រូវបានសាទរ និងអបអរ ពីសាធារណជន ដែលចង់ឃើញថ្នាក់ដឹកនាំចេះចាប់ដៃគ្នា ប្រកាន់វប្បធម៌សន្ទនាជាធំ។
មិនត្រឹមតែពលរដ្ឋខ្មែរទេដែលចាប់អារម្មណ៍នឹងរូបភាពទាំងនោះ សូម្បីយុវជនខ្មែរឥស្លាម ក៏បានកោតសរសើរនឹងរូបភាពទាំងនោះដែរ។ ពួកគេថា ការអង្គុយទទួលទានអាហាររបស់លោកនាយករដ្ឋមន្ត្រី និងលោក សម រង្ស៊ី បង្ហាញពីគំរូល្អដល់ថ្នាក់ដឹកនាំដទៃទៀត។
លោក នាក់ សើគីរីន ជាយុវជនខ្មែរឥស្លាម និងជាសាស្ត្រាចារ្យផ្នែកច្បាប់មួយរូប បានកោតសរសើរចំពោះវប្បធម៌សន្ទនារបស់ថ្នាក់ដឹកនាំខាងលើ។ លោក សើគីរីន បន្ថែមថា វាគឺជារបត់នយោបាយដែលមានការរីកចម្រើន បើទោះបីជាពួកគេមានទស្សនៈនយោបាយផ្ទុយគ្នាយ៉ាងណាក្តី។ លោកបន្តថា ថ្នាក់ដឹកនាំទាំងពីរអាចចាប់ដៃ និងជជែកគ្នា ដោយគោរពនូវវប្បធម៌សន្ទនា ដើម្បីធ្វើការជាមួយគ្នា។ «វាខុសពីពេលមុនៗ ក្នុងនាមជាអ្នកដឹកនាំ គួរតែធ្វើបែបហ្នឹង។ បើយើងមានទំលាប់បែបនេះ គឺវាល្អ។ ការរីកចម្រើនទៅមុខបាន លុះត្រាតែយើងមិនបែកបាក់គ្នា ចេះសាមគ្គីគ្នា ហើយកាលណាយើងចេះសាមគ្គីផ្ទៃក្នុង នោះអ្នកខាងក្រៅគេនឹងមិនមើលងាយយើង។ គ្រួសារមួយអាចរីកចម្រើនទៅមុខបាន លុះណាតែពួកគេចេះសាមគ្គីគ្នា»។ នេះជាការពន្យល់របស់លោក សើគីរីន។
មិនត្រឹមតែថ្នាក់ដឹកនាំកំពូលទេ ដែលគួរធ្វើបែបនេះ ក្នុងនោះថ្នាក់ដឹកនាំគ្រប់កម្រិត ក៏គួរប្រកាន់នូវវប្បធម៌បែបនេះដែរ។ នេះជាការលើកឡើងរបស់លោក ហ៊ីម ខទៀត។ យុវជនឥស្លាមរូបនេះ អះអាងថា ខ្លួនពេញចិត្តចំពោះកាយវិការថ្នាក់ដឹកនាំទាំងពីរ ដែលមានលោក នាយករដ្ឋមន្ត្រី ហ៊ុន សែន និងប្រធានគណបក្សសង្គ្រោះជាតិ លោក សម រង្ស៊ី។ លោក ខទៀត រំពឹងថា ថ្នាក់ដឹកនាំទាំងពីរនឹងបន្តនូវវប្បធម៌នេះតទៅមុខទៀត ហើយលោកថា វានឹងផ្តល់ផលវិជ្ជមានសម្រាប់ប្រទេសជាតិ។
វាមិនគ្រប់គ្រាន់នោះទេសម្រាប់យុវជនឥស្លាមរូបនេះ។ លោក ខទៀត ក៏ចង់ឃើញគំរូនេះ ត្រូវបានថ្នាក់ដឹកនាំនៅតាមមូលដ្ឋានអនុវត្តន៍ដូចគ្នានេះដែរ។ លោក ខទៀត រៀបរាប់ចំណុចអវិជ្ជមានដែលលោកបានជួបនាពេលកន្លងមកដូច្នេះថា ៖« ឃើញថា មេភូមិនិងមេភូមិមិនត្រូវគ្នា ក្រុមប្រឹក្សាឃុំសង្កាត់ និងក្រុមប្រឹក្សាឃុំសង្កាត់ ដែលមាននិន្នាការនយោបាយផ្ទុយគ្នា គឺពួកគេមិននិយាយរកគ្នា ពេលខ្លះមានជម្លោះនឹងគ្នាផងដែរ។ ខ្ញុំចង់ឲ្យពួកគាត់ មើលគំរូល្អរបស់ថ្នាក់ដឹកនាំប្រទេស។ យើងនៅតែអាចធ្វើការរួមគ្នា បើទោះជាមានគិតខុសគ្នាយ៉ាងណាក្តី»។
គួររម្លឹកថា នៅល្ងាចថ្ងៃសៅរ៍ម្សិលមិញ គ្រួសារលោកនាយករដ្ឋមន្ត្រី ហ៊ុន សែន ដែលមានកូន និងកូនប្រសារ បានជួបជុំពិសារអាហាររួមគ្នានិងគ្រួសារលោក សម រង្ស៊ី ដែលមានកូនស្រី និងកូនប្រសារ នៅសណ្ឋាគារកាំបូឌីយ៉ាណា។ ការទទួលទានអាហារនេះ ក្រោយពីលោកនាយករដ្ឋមន្ត្រី បានបបួលលោក សម រង្ស៊ី ក្នុងពិធីបើកព្រឹត្តិការណ៍អង្គរសង្ក្រាន្តនៅខេត្តសៀមរាប អំឡុងខែមេសាកន្លងទៅ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
