ជាតិ
នយោបាយជាតិ
រដ្ឋាភិបាលនឹងស្នើវិសោធនកម្មច្បាប់ NGOឡើងវិញ បើប៉ះពាល់សិទ្ធិនិងប្រយោជន៍ប្រជាជន
×![]()
ភ្នំពេញ៖ តំណាងរាស្ត្រគណបក្សប្រជាជនកម្ពុជា (CPP) ទាំង ៦៨រូប បានលើកដៃបោះឆ្នោតអនុម័តសេចក្តីព្រាងច្បាប់ស្តីពី សមាគម និងអង្គការមិនមែនរដ្ឋាភិបាល ជាស្ថាបពរ ទោះបីជាតំណាងរាស្ត្រខាងគណបក្សប្រឆាំងធ្វើពហិការក៏ដោយ នៅថ្ងៃទី១៣ កក្កដានេះ ។ ក្រោយពីសភាអនុម័តច្បាប់នេះរួច តំណាងរដ្ឋាភិបាល លោក ស ខេង បានថ្លែងថា ប្រសិនបើច្បាប់ NGOនេះ ធ្វើឲ្យប៉ះពាល់ដល់សិទ្ធិ និងផលប្រយោជន៍ប្រជាជន នៅពេលអនុវត្តនោះ រដ្ឋាភិបាលនឹងស្នើឲ្យពិនិត្យ ហើយធ្វើវិសោធនកម្មឡើងវិញ។
លោក ស ខេង បានអះអាងថា រដ្ឋាភិបាលនឹងស្នើឲ្យរដ្ឋសភាវិសោធនកម្ម ប្រសិនបើច្បាប់ស្តីពី សមាគម និងអង្គការក្រៅរដ្ឋាភិបាល អនុវត្តទៅហើយ ធ្វើឲ្យប៉ះពាល់ដល់សិទ្ធិ សេរីភាព និងផលប្រយោជន៍ប្រជាជន។ លោក ស ខេង និយាយបែបនេះ ក្រោយរដ្ឋសភាដែលមានកូរ៉ុមចូលរួមសុទ្ធតែតំណាងរាស្ត្រគណបក្សប្រជាជនកម្ពុជា អនុម័តច្បាប់ NGO នៅថ្ងៃចន្ទនេះ។ លោក ស ខេង បញ្ជាក់មុនបិទបញ្ចប់កិច្ចប្រជុំសភានៅថ្ងៃនេះដូច្នេះថា៖«បើវាប៉ះពាល់ដល់សិទ្ធិ និងផលប្រយោជន៍ពលរដ្ឋ ច្បាប់នេះនឹងត្រូវធ្វើវិសោធន៍កម្មឲ្យបានសមស្របឡើងវិញ»។
ជាងនេះទៀត លោក ស ខេង ក៏បានលើកឡើងតបទៅនឹងក្តីបារម្ភរបស់តំណាង NGO ដែលចាត់ទុក ច្បាប់នេះថា នឹងក្លាយជាឧបសគ្គសម្រាប់ការបំពេញការងារនោះ យ៉ាងនេះថា៖«ច្បាប់នេះ តាក់តែងឡើងតាមច្បាប់បរទេសមានស្រាប់ ដូចនេះកុំបារម្ភពេក ច្បាប់នេះនឹងមិនធ្វើប៉ះពាល់ដល់ដំណើរការងារ NGOទេ»។ យ៉ាងណា លោកមិនបានបញ្ជាក់ថា ច្បាប់នេះ ត្រូវបានដកស្រង់ចេញច្បាប់ប្រទេសណាមួយនោះទេ លោកគ្រាន់តែបញ្ជាក់ថា ច្បាប់នេះ គឺតាក់តែងតាមច្បាប់ប្រទេស ដែលកំពុងប្រឆាំងមិនឲ្យមានច្បាប់ NGO នៅក្នុងប្រទេសកម្ពុជា។
គួរកត់សម្គាល់ថា តំណាងរាស្ត្រមកពីគណបក្សប្រជាជនកម្ពុជាបានបញ្ចេញស្នាមញញឹម ក្រោយពេលដែលសេចក្តីព្រាងច្បាប់ស្តីពី សមាគម និងអង្គការមិនមែនរដ្ឋាភិបាល ដែលមាន ៩ជំពូក និង៣៩មាត្រាត្រូវបានអនុម័តរួច ក្នុងសម័យប្រជុំពេញ អង្គនៃរដ្ឋសភា លើកទី៤ នីតិកាលទី៥នេះ។ ទាំងតំណាងរាស្ត្រ ទាំងតំណាងរដ្ឋាភិបាល បានឡើងថ្លែងការពារសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល ដែលអង្គការក្រៅរដ្ឋាភិបាលទទួចឲ្យមានការបន្តពិគ្រោះយោបល់ និងពន្យារពេលអនុម័ត។ កិច្ចប្រជុំពេញអង្គរដ្ឋសភា រាល់ដងដែលមានតំណាងរាស្ត្រគណបក្សសង្គ្រោះជាតិចូលរួម តែងតែជជែកពិភាក្សាគ្នាយ៉ាងតឹងតែងមុននឹងអនុម័តសេចក្តីព្រាង ឬសេចក្តីស្នើច្បាប់ចម្រូងចម្រាស់ណាមួយ តែកិច្ចប្រជ្រុំព្រឹកមិញឮតែមតិគាំទ្រពីតំណាងរាស្ត្របក្សកាន់អំណាច៕
លោក ស ខេង បានអះអាងថា រដ្ឋាភិបាលនឹងស្នើឲ្យរដ្ឋសភាវិសោធនកម្ម ប្រសិនបើច្បាប់ស្តីពី សមាគម និងអង្គការក្រៅរដ្ឋាភិបាល អនុវត្តទៅហើយ ធ្វើឲ្យប៉ះពាល់ដល់សិទ្ធិ សេរីភាព និងផលប្រយោជន៍ប្រជាជន។ លោក ស ខេង និយាយបែបនេះ ក្រោយរដ្ឋសភាដែលមានកូរ៉ុមចូលរួមសុទ្ធតែតំណាងរាស្ត្រគណបក្សប្រជាជនកម្ពុជា អនុម័តច្បាប់ NGO នៅថ្ងៃចន្ទនេះ។ លោក ស ខេង បញ្ជាក់មុនបិទបញ្ចប់កិច្ចប្រជុំសភានៅថ្ងៃនេះដូច្នេះថា៖«បើវាប៉ះពាល់ដល់សិទ្ធិ និងផលប្រយោជន៍ពលរដ្ឋ ច្បាប់នេះនឹងត្រូវធ្វើវិសោធន៍កម្មឲ្យបានសមស្របឡើងវិញ»។
ជាងនេះទៀត លោក ស ខេង ក៏បានលើកឡើងតបទៅនឹងក្តីបារម្ភរបស់តំណាង NGO ដែលចាត់ទុក ច្បាប់នេះថា នឹងក្លាយជាឧបសគ្គសម្រាប់ការបំពេញការងារនោះ យ៉ាងនេះថា៖«ច្បាប់នេះ តាក់តែងឡើងតាមច្បាប់បរទេសមានស្រាប់ ដូចនេះកុំបារម្ភពេក ច្បាប់នេះនឹងមិនធ្វើប៉ះពាល់ដល់ដំណើរការងារ NGOទេ»។ យ៉ាងណា លោកមិនបានបញ្ជាក់ថា ច្បាប់នេះ ត្រូវបានដកស្រង់ចេញច្បាប់ប្រទេសណាមួយនោះទេ លោកគ្រាន់តែបញ្ជាក់ថា ច្បាប់នេះ គឺតាក់តែងតាមច្បាប់ប្រទេស ដែលកំពុងប្រឆាំងមិនឲ្យមានច្បាប់ NGO នៅក្នុងប្រទេសកម្ពុជា។
គួរកត់សម្គាល់ថា តំណាងរាស្ត្រមកពីគណបក្សប្រជាជនកម្ពុជាបានបញ្ចេញស្នាមញញឹម ក្រោយពេលដែលសេចក្តីព្រាងច្បាប់ស្តីពី សមាគម និងអង្គការមិនមែនរដ្ឋាភិបាល ដែលមាន ៩ជំពូក និង៣៩មាត្រាត្រូវបានអនុម័តរួច ក្នុងសម័យប្រជុំពេញ អង្គនៃរដ្ឋសភា លើកទី៤ នីតិកាលទី៥នេះ។ ទាំងតំណាងរាស្ត្រ ទាំងតំណាងរដ្ឋាភិបាល បានឡើងថ្លែងការពារសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល ដែលអង្គការក្រៅរដ្ឋាភិបាលទទួចឲ្យមានការបន្តពិគ្រោះយោបល់ និងពន្យារពេលអនុម័ត។ កិច្ចប្រជុំពេញអង្គរដ្ឋសភា រាល់ដងដែលមានតំណាងរាស្ត្រគណបក្សសង្គ្រោះជាតិចូលរួម តែងតែជជែកពិភាក្សាគ្នាយ៉ាងតឹងតែងមុននឹងអនុម័តសេចក្តីព្រាង ឬសេចក្តីស្នើច្បាប់ចម្រូងចម្រាស់ណាមួយ តែកិច្ចប្រជ្រុំព្រឹកមិញឮតែមតិគាំទ្រពីតំណាងរាស្ត្របក្សកាន់អំណាច៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
