ជាតិ
នយោបាយជាតិ
ក្រសួងការបរទេសនាំអ្នកកាសែតទៅព្រំដែនវៀតណាមក្នុងខេត្តត្បូងឃ្មុំ
×
រដ្ឋលេខាធិការក្រសួងការបរទេស លោក ឡុង វិសាលោ កំពុងដឹកនាំអ្នកសារព័ត៌មាន ទៅកាន់ព្រំដែនវៀតណាមក្នុងខេត្តត្បូងឃ្មុំនៅព្រឹកថ្ងៃទី២១ខែកក្កដានេះ។ ព័ត៌មាននេះត្រូវបានបញ្ជាក់ដោយអ្នកនាំពាក្យក្រសួងការបរទេស លោក ជុំ សុន្ទរី ដែលមិនទាន់ហ៊ាននិយាយចូលជ្រៅអំពីគោលបំណងនៃបេសកកម្មនេះ។
«យើងទៅព្រំដែនខេត្តត្បូងឃ្មុំ។ ខ្ញុំមិនទាន់អាចនិយាយចូលលម្អិតអំពីរឿងនេះនៅឡើយទេ»។ នេះជាការបញ្ជាក់របស់អ្នកនាំពាក្យក្រសួងការបរទេសកម្ពុជា។
ប៉ុន្តែលោក វ៉ា គឹមហុង ប្រធានគណៈកម្មការព្រំដែនកម្ពុជាវៀតណាមបានថ្លែងប្រាប់សារព័ត៌មានថ្មីៗនៅព្រឹកនេះថា ក្រុមការងារគណៈការព្រំដែនត្រូវទៅចំនុចបង្គោលព្រំដែនលេខ ៩៤ និង៩៥ ដែលជាកន្លែងកើតមានទំនាស់កន្លងមកនោះ។ ជាកន្លែងដែលកម្ពុជាអះអាងថា កសិករខ្មែរបានធ្វើស្រែចូលក្នុងទឹកដីវៀតណាម។
គេនៅមិនទាន់ដឹងច្បាស់នៅឡើយអំពីគោលបំណងនៃការធ្វើដំណើរទៅតំបន់មានទំនាស់ព្រំដែនជាមួយវៀតណាមក្នុងខេត្តត្បូងឃ្មុំនោះឡើយ។ លោក វ៉ា គឹមហុង គ្រាន់តែបញ្ជាក់ថា បេសកកម្មនោះ នឹងប្រព្រឹត្តទៅនៅលើដីខ្មែរតែប៉ុណ្ណោះ ហើយក៏មិនមានគម្រោងជួបធ្វើការងារជាមួយភាគីវៀតណាមឡើយ៕
Tag:
ព្រំដែនកម្ពុជាវៀតណាម
ខេត្តត្បូងឃ្មុំ
© រក្សាសិទ្ធិដោយ thmeythmey.com