កីឡាអន្តរជាតិ
×![]()
ក្រុមកីឡាបាល់ទាត់យុវជនក្រោមអាយុ១៣ឆ្នាំ (U13) ចំនួន៣២ក្រុមមកពីទូទាំងប្រទេសកំពុងត្រៀមខ្លួនប្រកួតក្នុងពានរង្វាន់បាល់ទាត់ជ្រើសរើសជើងឯកយុវជនក្រោមអាយុ ១៣ ឆ្នាំ ឆ្នាំ ២០១៥ ដែលរៀបចំឡើងដោយសហព័ន្ធកីឡាបាល់ទាត់កម្ពុជា នៅក្នុងបរិវេណមជ្ឈមណ្ឌលនិងសាលាបាល់ទាត់ជាតិបាទី នាដើមខែសីហា ខាងមុខ។
ក្រុមចំនួន៣២ត្រូវគណៈកម្មការរៀបចំការប្រកួតចាប់ឆ្នោតបែងចែកក្រុមជា ៨ ពូលផ្សេងគ្នា ដោយក្នុងនោះពូល A មានក្រុមយុវជនរតនៈ, ក្រុមសុវណ្ណភូមិពោធិចិនតុងទី១, កងរាជអាវុធហត្ថខេត្តពោធិ៍សាត់ និង ក្រុមរស្មីក្រហមក ហើយពូល B មានក្រុមអធិរាជភ្នំពេញ, ក្រុមអង្កការអភិវឌ្ឍន៍កុមារកម្ពុជា, ក្រុមកងរាជអាវុធហត្ថខេត្តកណ្ដាល និង ក្រុមខេត្តព្រះសីហនុ។ នៅពូល C មានយុវជនខេត្តព្រះវិហារ, កងរាជអាវុធហត្ថខេត្តកំពង់ធំ, ភ្នំពេញក្រោន និង ខេត្តកំពង់ឆ្នាំង ពូល D មានក្រុមខេត្តព្រៃវែង, មន្ទីរអប់រំយុវជននិងកីឡាខេត្តប៉ៃលិន, យុវជនឧត្តរ និង កងរាជអាវុធហត្ថខេត្តកំពង់ចាម។
ចំណែកពូល E មានក្រុមសៀមរាប, អធិរាជភ្នំស្វាយ, វិទ្យាល័យហ៊ុនសែនភ្នំពេញថ្មី និងខេត្តបាត់ដំបង ស្របពេលពូល F មានក្រុមអភិវឌ្ឍន៍បាល់ទាត់យុវជនភាគខាងជើង កងរាជអាវុធហត្ថខេត្តត្បូងឃ្មុំ, សាលាឃីងដឹមឃីដ និង ក្រុមខេត្តស្វាយរៀង ហើយពូល G មានក្រុមពិស្ណុការអាកាដឺមី, ក្រុមស្វាយរៀងអែហ្វស៊ី, ក្រុមកុមារឆ្លាមសមុទ្រ និង កងរាជអាវុធហត្ថខេត្តកំពត និង ពូល H មានក្រុម ត្បូងប៉ៃលិន, ក្រុមកងរាជអាវុធហត្ថខេត្តកែប, ខេត្តក្រចេះ និង មន្ទីរអប់រំយុវជននិងកីឡាខេត្តតាកែវ។
បើតាមលិខិតជូនដំណឹងលេខ ២៩១/១៥ ស.ប.ក/ស.ជ.ន ចុះថ្ងៃទី ១៤ ខែ កក្កដា ឆ្នាំ ២០១៥ របស់សហព័ន្ធកីឡាបាល់ទាត់កម្ពុជា ពានរង្វាន់នេះនឹងចាប់ផ្ដើមប្រកួតពីថ្ងៃទី ១៤ ដល់ ២៤ ខែ សីហា ឆ្នាំ ២០១៥ នៅលើទីលានទាំង ៤ ក្នុងបរិវេណមជ្ឍមណ្ឌលនិងសាលាបាល់ទាត់ជាតិបាទី ក្នុងខេត្តតាកែវ។
តាមគម្រោងដែលចេញដោយសហព័ន្ធកីឡាបាល់ទាត់កម្ពុជា នៅថ្ងៃទី ១២ ខែ សីហា ក្រុមទាំងអស់ធ្វើដំណើរទៅដល់កន្លែងប្រកួត ហើយមួយថ្ងៃបន្ទាប់ត្រូវប្រជុំបច្ចេកទេស និង សិក្ខាសាលាអំពីការប្រកួត។ ចាប់ពីថ្ងៃទី ១៣ ដល់ ១៦ ខែ សីហា ជាវគ្គប្រកួតជម្រុះតាមពូល។ ក្រុមលេខ ១ លេខ ២ តាមពូលមានឈ្មោះឡើងទៅលេងនៅវគ្គ ១៦ ក្រុមចុងក្រោយ ហើយត្រូវប្រកួតជម្រុះរហូតដល់វគ្គផ្ដាច់ព្រ័ត្រ ដែលរៀបចំនៅម៉ោង ៣ ល្ងាចថ្ងៃទី ២៤ ខែ សីហា ឆ្នាំ ២០១៥៕
© រក្សាសិទ្ធិដោយ thmeythmey.com
