កីឡាអន្តរជាតិ
អន្តរជាតិ
Liverpool ទិញChristian Benteke ពី Aston Villaក្នុងតម្លៃ៥២លានដុល្លារ
ក្រុមហង្សក្រហម Liverpoolបាននាំយកខ្សែប្រយុទ្ធChristian Benteke ពីក្រុម Aston Villa រួចរាល់ហើយក្នុងតម្លៃ៣២.៥លានផោន ប្រហែល ជិត៥២លានដុល្លារអាមេរិកកាលពីម្រិលមិញ។
ខ្សែប្រយុទ្ធអន្តរជាតិបែលហ្សិកវ័យ២៤ឆ្នាំរូបនេះ បានយល់ព្រមចុះកិច្ចសន្យារយៈពេលវែងជាមួយហង្សក្រហម ហើយ Benteke ក៏ជាកីឡាករទីពីរដែលមានតម្លៃថ្លៃផងដែរដែលអ្នកចាត់ទូទៅBrendan Rodgers នាំមកកាន់ទឹកដី Anfield ក្នុងរដូវក្តៅនេះ។
Benteke រកគ្រាប់បាល់បាន ៤៩គ្រាប់ សម្រាប់ការបង្ហាញខ្លួន ១០១ប្រកួតក្នុងទឹកដី Villa Park បន្ទាប់ពី Aston Villaនាំយករូបគេពីក្លិប Genk នៃប្រទេសបែលហ្សិក ក្នុងតម្លៃ ជាង១១ដុល្លារអាមេរិកកាលពីឆ្នាំ២០១២។
បន្ទាប់ពីធ្វើការពិនិត្យសុខភាពរួចរាល់ Benteke បាននិយាយថា «ខ្ញុំពិតជារីករាយណាស់ដែលបានមកកាន់ទីនេះ។ ខ្ញុំមកទីនេះដើម្បីឈ្នះពាន និងសម្រេចគោលដៅដ៏អស្ចារ្យជាមួយក្រុមថ្មីនេះ។ នេះជាក្លិបត្រឹមត្រូវសម្រាប់ខ្ញុំ ពីព្រោះខ្ញុំបានជជែកជាមួយអ្នកចាត់ការទូទៅយ៉ាងល្អ ហើយខ្ញុំចង់ក្លាយជាផ្នែកមួយនៃគម្រោងរបស់គាត់» ។
Bentekeជាកិឡាករទី័៧ ហើយដែល Liverpool នាំយកមកក្នុងរដូវកាលថ្មីនេះបន្ទាប់ពីលក់ Raheem Sterling ទៅឲ្យ មេឃខៀវ Man City ក្នុងតម្លៃ ជាង៧៨លានដុល្លារអាមេរិក។
ការផ្ទេរកីឡាករកន្លងមក៖
២២ កក្កដា
Christian Benteke[Aston Villa - Liverpool] តម្លៃ ជាង៥២លានដុល្លារ
Miguel Britos [Napoli - Watford] គ្មានតម្លៃខ្លួន
Jose Jurado [Spartak Moscow - Watford] តម្លៃបិទជិត
Manuel Lanzini [Al Jazira - West Ham] ខ្ចីជើង
២១ កក្កដា
AleksandarMitrovic [Anderlecht - Newcastle] ជាង ២០លានដុល្លារ
Kenneth Omeruo [Chelsea - Kasimpasa] ខ្ចីជើង
Benjamin Stambouli [Tottenham - Paris St-Germain] ជាង ៩លានដុល្លារ
Patrick Bamford [Chelsea - Crystal Palace] ខ្ចីជើង
១៧ កក្កដា
Fabian Delph [Aston Villa - Manchester City] ជាង ១២លានដុល្លារ
KikoCasilla [Espanyol - Real Madrid] ជិត ៧លានដុល្លារ
YayaSanogo [Arsenal - Ajax] ខ្ចីជើង
១៦ កក្កដា
YounesKaboul [Tottenham - Sunderland] មិនបង្ហាញតម្លៃផ្ទេរ
Stewart Downing [West Ham - Middlesbrough] ជិត ៩លានដុល្លារ
Santiago Vergini [Sunderland - Getafe] ខ្ចីជើង
Juanfran [Watford - Deportivo La Coruna] ខ្ចីជើង
Robinho [Santos - Guangzhou Evergrande] គ្នានតម្លៃខ្លួន
១៥ កក្កដា
JordyClasie [Feyenoord - Southampton] ជិត ១៣លានដុល្លារ
Jeremain Lens [Dynamo Kiev - Sunderland] ជិត ១៣លានដុល្លារ
Moha El Ouriachi [Barcelona - Stoke] តម្លៃបិទជិត
១៣ កក្កដា
AsmirBegovic [Stoke - Chelsea] ជិត១៣លានដុល្លារ
Filippo Costa [Chievo - Bournemouth] ខ្ចីជើង
Ollie McBurnie [Bradford - Swansea] តម្លៃបិទជិត
Morgan Schneiderlin [Southampton - Manchester United] ជិត៤០លានដុល្លារ
Bastian Schweinsteiger [Bayern Munich - Manchester United] ជាង ២៣លានដុល្លារបើតាមរបាយការណ៍
១២ កក្កដា
Glen Johnson [Liverpool - Stoke] គ្មានតម្លៃខ្លួន
IkerCasillas [Real Madrid - Porto] គ្មានតម្លៃខ្លួន
© រក្សាសិទ្ធិដោយ thmeythmey.com