ជាតិ
នយោបាយជាតិ
សកម្មជនCNRPជាប់ឃុំទាំង១១នាក់ ស្នើលោក កឹម សុខា កុំយកបញ្ហាពួកគេទៅដោះដូរនយោបាយ
×![]()
ដោយ: ធឿន បញ្ញាឬទិ្ធ
សកម្មជនគណបក្សសង្គ្រោះជាតិទាំង១១រូបដែលកំពុងជាប់ឃុំខ្លួន ស្នើឲ្យមេដឹកនាំគណបក្សនេះ អនុវត្តការងាររបស់ខ្លួន ដោយមិនឲ្យយកបញ្ហាចាប់ឃុំខ្លួនរបស់ពួកគេទៅដោះដូរនយោបាយឡើយ។ នេះបើតាមប្រធានស្ដីទីគណបក្សសង្គ្រោះជាតិ លោក កឹម សុខា។
លោក កឹម សុខា ដែលបានចុះជួបសួរសុខទុកសកម្មជនទាំង១១ កាលព្រឹកថ្ងៃចន្ទនេះ បានបញ្ជាក់ថា សុខភាពរបស់សកម្មជនទាំងនោះធម្មតា មិនមានបញ្ហាអ្វីនោះទេ។ ហើយឧត្តមគតិជំហរបស់ពួកគេរឹងមាំ ដោយពួកគេនៅតែបង្ហាញក្ដីបារម្ភលើបញ្ហាយុត្តិធម៌សង្គម ។ លោកថា អ្វីដែលពួកគេចង់បានគឺយុត្តិធម៌ សម្រាប់ពួកគេក្នុងការប្រើប្រាស់សិទ្ធិសេរីភាពក្នុងសង្គមបន្ដទៀត។
លោក កឹម សុខា បន្ថែមថា លោកមិនឲ្យសកម្មជនទាំង១១នាក់នោះអស់សង្ឃឹមទេ ព្រោះលោកមានជំនឿចិត្តថា នៅមានច្រក៣ ក្នុងការជួយឲ្យពួកគេនៅក្រៅឃុំដូចជា ការតតាំងតាមផ្លូវច្បាប់ ប្ដឹងទៅសាលាឧទ្ធរណ៍ ដោយលោកបានលើកហេតុផលថា គ្រាដែលសាលាដំបូងរាជធានីភ្នំពេញ សម្រេចសាលក្រមកាត់ទោសសកម្មជនទាំងនោះ គឺមិនមានវត្តមានមេធាវីរបស់ចុងចោទឡើយ។ លោក បន្ថែមថា កិច្ចព្រមព្រៀងកាលពីថ្ងៃទី២២ កក្កដា និងវប្បធម៌សន្ទនារវាងគណបក្សទាំងពីរ ក៏ជាមធ្យោបាយដែលអាចជួយដោះលែងសកម្មជនខ្លួនដែរ។
កាលពីថ្ងៃទី២១ កក្កដា សាលាដំបូងរាជធានីភ្នំពេញ បានសម្រេចសាលក្រមសំណុំរឿងលោក មាជ សុវណ្ណារ៉ា និងសកម្មជនគណបក្សសង្គ្រោះជាតិចំនួន១០រូបទៀត ឲ្យជាប់ពន្ធនាគារ ៧ឆ្នាំ ទៅ២០ឆ្នាំ ពីបទ «ដឹកនាំកុបកម្ម និងអំពើចូលរួមក្នុងអំពើកុបកម្ម» ពាក់ព័ន្ធនឹងករណីប៉ះទង្គិចគ្នាដោយហិង្សា នៅក្បែរស្ពាននាគ កាលពីថ្ងៃទី១៥ កក្កដា ឆ្នាំ២០១៤ ៕
លោក កឹម សុខា ដែលបានចុះជួបសួរសុខទុកសកម្មជនទាំង១១ កាលព្រឹកថ្ងៃចន្ទនេះ បានបញ្ជាក់ថា សុខភាពរបស់សកម្មជនទាំងនោះធម្មតា មិនមានបញ្ហាអ្វីនោះទេ។ ហើយឧត្តមគតិជំហរបស់ពួកគេរឹងមាំ ដោយពួកគេនៅតែបង្ហាញក្ដីបារម្ភលើបញ្ហាយុត្តិធម៌សង្គម ។ លោកថា អ្វីដែលពួកគេចង់បានគឺយុត្តិធម៌ សម្រាប់ពួកគេក្នុងការប្រើប្រាស់សិទ្ធិសេរីភាពក្នុងសង្គមបន្ដទៀត។
លោក កឹម សុខា បន្ថែមថា លោកមិនឲ្យសកម្មជនទាំង១១នាក់នោះអស់សង្ឃឹមទេ ព្រោះលោកមានជំនឿចិត្តថា នៅមានច្រក៣ ក្នុងការជួយឲ្យពួកគេនៅក្រៅឃុំដូចជា ការតតាំងតាមផ្លូវច្បាប់ ប្ដឹងទៅសាលាឧទ្ធរណ៍ ដោយលោកបានលើកហេតុផលថា គ្រាដែលសាលាដំបូងរាជធានីភ្នំពេញ សម្រេចសាលក្រមកាត់ទោសសកម្មជនទាំងនោះ គឺមិនមានវត្តមានមេធាវីរបស់ចុងចោទឡើយ។ លោក បន្ថែមថា កិច្ចព្រមព្រៀងកាលពីថ្ងៃទី២២ កក្កដា និងវប្បធម៌សន្ទនារវាងគណបក្សទាំងពីរ ក៏ជាមធ្យោបាយដែលអាចជួយដោះលែងសកម្មជនខ្លួនដែរ។
កាលពីថ្ងៃទី២១ កក្កដា សាលាដំបូងរាជធានីភ្នំពេញ បានសម្រេចសាលក្រមសំណុំរឿងលោក មាជ សុវណ្ណារ៉ា និងសកម្មជនគណបក្សសង្គ្រោះជាតិចំនួន១០រូបទៀត ឲ្យជាប់ពន្ធនាគារ ៧ឆ្នាំ ទៅ២០ឆ្នាំ ពីបទ «ដឹកនាំកុបកម្ម និងអំពើចូលរួមក្នុងអំពើកុបកម្ម» ពាក់ព័ន្ធនឹងករណីប៉ះទង្គិចគ្នាដោយហិង្សា នៅក្បែរស្ពាននាគ កាលពីថ្ងៃទី១៥ កក្កដា ឆ្នាំ២០១៤ ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
