កីឡាអន្តរជាតិ
អន្តរជាតិ
Arturo Vidal ទៅ Bayern Munich ខណៈ Atletico Madrid ទិញ Filipe Luis ត្រលប់ទៅវិញ
× ខ្សែបម្រើក្រុម Juventus កីឡាករ Arturo Vidal បានផ្ទេរទៅកាន់ក្រុម Bayern Munich ជាផ្លូវការហើយកាលពីម្សិលមិញ ខណៈ កីឡាករ Filipe Luis ត្រូវបានក្លិបចាស់ Atletico Madrid នាំយកទៅចូលរួមក្រុមវិញបន្ទាប់ពីចូលរួមជាមួយ Chelsea កាលពីរដូវកាលមុន។
បេក្ខភាពដែលជួយឲ្យក្រុមជម្រើសជាតិស៊ីលីឈ្នះពាន Copa America និង ជួយក្រុម Juventus ឈានដល់វគ្គផ្តាច់ព្រ័ត្រក្របខណ្ឌ Champions League កាលពីរដូវកាលមុននោះ បានព្រមព្រៀងចុះកិច្ចសន្យារយៈពេល៤ឆ្នាំឲ្យក្រុមជើងឯកអាល្លឺម៉ង់ក្នុងតម្លៃផ្ទេរប្រមាណជា២៦លានផោន ប្រហែល ជាង៤១លានដុល្លារអាមេរិក។
ខ្សែបម្រើសញ្ជាតិស៊ីលីវ័យ២៨ឆ្នាំ Arturo Vidal បានជួយឲ្យក្រុមសេះបង្កង់ Juventus ឈ្នះពាន Serie A ក្នុ្ងងក្របខណ្ឌកំពូលរបស់អ៊ីតាលី បួនដងសម្រាប់ការចូលរួមបួនរដូវកាលរបស់គេបន្ទាប់ពីផ្ទេរពីក្រុម Bayer Leverkusen កាលពីឆ្នាំ២០១១ ។
ចំណែកខ្សែការពារស្លាបរបស់ Chelsea កីឡាករ Filipe Luis បានទៅចូលរួមក្រុមចាស់ Atletico Madrid វិញដោយយល់ព្រមចុះហត្ថលេខារយៈពេល៤ឆ្នាំ ក្រោយចូលរួមជាមួយតោខៀវបានតែមួយរដូវកាល។
កីឡាករអន្តរជាតិរបស់ប្រេស៊ីលវ័យ២៩ឆ្នាំរូបនេះ បានបង្ហាញខ្លួនឲ្យតោខៀវ ២៦ដង និងជួយឲ្យក្រុមឈ្នះពាន Premier League ក្នុងក្របខណ្ឌកំពូលរបស់អង់គ្លេស និង League Cup ផងដែរកាលពីរដូវកាលមុន។
ការផ្ទេរកីឡាករកន្លងមក៖
២៨ កក្កដា
Filipe Luis [Chelsea - Atletico Madrid] តម្លៃបិតជិត
Arturo Vidal [Juventus - Bayern Munich] តម្លៃបិតជិត
Abou Diaby [Arsenal - Marseille] គ្មានតម្លៃខ្លួន
២៧ កក្កដា
Ibrahim Afellay [Barcelona - Stoke City] គ្មានតម្លៃខ្លួន
Jordan Ayew [Lorient - Aston Villa] តម្លៃបិតជិត
Steven Berghuis [AZ Alkmaar - Watford] ជាង ៧លានដុល្លារ
Sergio Romero [Sampdoria - Manchester United] គ្មានតម្លៃខ្លួន
២២ កក្កដា
Christian Benteke[Aston Villa - Liverpool] តម្លៃ ជាង៥២លានដុល្លារ
Miguel Britos [Napoli - Watford] គ្មានតម្លៃខ្លួន
Jose Jurado [Spartak Moscow - Watford] តម្លៃបិទជិត
Manuel Lanzini [Al Jazira - West Ham] ខ្ចីជើង
២១ កក្កដា
AleksandarMitrovic [Anderlecht - Newcastle] ជាង ២០លានដុល្លារ
Kenneth Omeruo [Chelsea - Kasimpasa] ខ្ចីជើង
Benjamin Stambouli [Tottenham - Paris St-Germain] ជាង ៩លានដុល្លារ
Patrick Bamford [Chelsea - Crystal Palace] ខ្ចីជើង
១៧ កក្កដា
Fabian Delph [Aston Villa - Manchester City] ជាង ១២លានដុល្លារ
KikoCasilla [Espanyol - Real Madrid] ជិត ៧លានដុល្លារ
YayaSanogo [Arsenal - Ajax] ខ្ចីជើង
© រក្សាសិទ្ធិដោយ thmeythmey.com