ជាតិ
×![]()
ដោយ: ធឿន បញ្ញាឬទិ្ធ
ប្រធានគណបក្សសង្គ្រោះជាតិ លោក សម រង្ស៊ី បានបញ្ជាក់ថា មធ្យោបាយដែលមានប្រសិទ្ធភាពជាងគេនៅពេលនេះ គឺទាមទារឲ្យរដ្ឋាភិបាលអនុវត្តកិច្ចព្រមព្រៀងទីក្រុងប៉ារីស ឆ្នាំ១៩៩១ ស្ដីពីកម្ពុជា ដើម្បីជំរុញឲ្យប្រទេសវៀតណាមគោរពបូរណភាពទឹកដីប្រទេសកម្ពុជា។ ការលើកឡើងរបស់លោក សម រង្ស៊ី បែបនេះធ្វើឡើងក្រោយពីលោកនាយករដ្ឋមន្ត្រី ហ៊ុន សែន មិនឆ្លើយតបនឹងសំណើរបស់តំណាងរាស្ត្របក្សខ្លួន ដែលស្នើឲ្យរដ្ឋាភិបាលដាក់ពាក្យប្ដឹងទៅតុលាការអន្តរជាតិ ICJ ពីបញ្ហាព្រំដែនរវាងកម្ពុជា-វៀតណាម។
លោក សម រង្ស៊ី បានសរសេរនៅក្នុងហ្វេសបុករបស់ខ្លួនដូច្នេះថា៖«ដើម្បីជំរុញឲ្យប្រទេសជិតខាងគោរពបូរណភាពទឹកដី នៃប្រទេសកម្ពុជា មធ្យោបាយដែលមានប្រសិទ្ធភាពជាងគេ នៅពេលនេះ គឺការទាមទារពីសំណាក់រាជរដ្ឋាភិបាលកម្ពុជា ឲ្យមានការអនុវត្តន៍ឲ្យបានត្រឹមត្រូវ នូវកិច្ចព្រមព្រៀងទីក្រុងប៉ារីសឆ្នាំ ១៩៩១ ស្តីពីកម្ពុជា។
ប្រធានគណបក្សសង្គ្រោះជាតិរូបនេះ បន្ថែមថា ប្រទេសថៃ ប្រទេសឡាវ និងប្រទេសវៀតណាម ក៏ជាហត្ថលេខី នៃកិច្ចព្រមព្រៀងទីក្រុងប៉ារីសឆ្នាំ១៩៩១នេះដែរ ហើយហត្ថលេខីទាំងអស់នេះ ធ្លាប់បានសន្យាថានឹងគោរព ជួយការពារឯករាជ្យភាព អធិបតេយ្យភាព និងបូរណភាពទឹកដីនៃប្រទេសកម្ពុជាថែមទៀត ក្រោយពីការចុះហត្ថលេខា ថ្ងៃទី ២៣ ខែតុលា ឆ្នាំ ១៩៩១ ។ ត្រង់ចំណុចនេះលោក សម រង្ស៊ី បានសង្កត់ធ្ងន់ថា បើប្រទេសណាមួយ រំលោភបូរណភាពទឹកដីនៃប្រទេសកម្ពុជានោះនឹងត្រូវសហគមន៍អន្តរជាតិ ថ្កោលទោសធ្ងន់ធ្ងរ។
លោក កែម ឡី អ្នកវិភាគនយោបាយ យល់ថា ការលើកយកយន្ដការកិច្ចព្រមព្រៀងទីក្រុងប៉ារីសនៅពេលនេះ គឺគ្រាន់តែជាយន្ដការមួយសម្រាប់បង្ខំឲ្យភាគីវៀតណាមជាហត្ថលេខី គោរពបូរណភាពទឹកដីប្រទេសកម្ពុជាប៉ុណ្ណោះ។ តែសម្រាប់លោក កែម ឡី វិធានការប្ដឹងទៅតុលាការយុត្តិធម៌អន្តរជាតិ គឺជាវិធានការមួយល្អបំផុត ដែលអាចជួយដោះស្រាយបញ្ចប់បញ្ហាព្រំដែនរវាងកម្ពុជា-វៀតណាម ។
កាលពីពេលថ្មីៗនេះលោកនាយករដ្ឋមន្ត្រី ហ៊ុន សែន បានបញ្ជាក់ថា រដ្ឋាភិបាលរបស់លោកកំពុងព្យាយាមដោះស្រាយទំនាស់បន្ទាត់ព្រំដែនជាមួយប្រទេសវៀតណាម ដោយឈរលើមូលដ្ឋានច្បាប់ជាតិ និងអន្តរជាតិហើយ។ ការអះអាងរបស់លោក ហុន សែន ត្រូវបានធ្វើឡើងនៅក្របខណ្ឌនៃការឆ្លើយតបទៅតំណាងរាស្ត្រគណបក្សប្រឆាំងចំនួន១២រូប ដែលទាមទារឲ្យលោកប្តឹងប្រទេសវៀតណាមទៅតុលាការយុត្តិធម៌អន្តរជាតិ ( ICJ )។
ប្រមុខរដ្ឋាភិបាល បន្ថែមថា កម្ពុជាវៀតណាម បានបោះបង្គោល និងកំណត់ខ្សែព្រំដែនបានប្រមាណជា ៨៣ភាគរយ ហើយ រីឯកំណាត់ព្រំដែនដែលនៅសេសសល់ រាជរដ្ឋាភិបាលទុកឲ្យគណៈកម្មាធិការចម្រុះកិច្ចការព្រំដែន និងក្រសួងការបរទេស បន្តការចរចាដោះស្រាយដោយសន្តិវិធីដើម្បីស្វែងរកលទ្ធភាពដំណោះស្រាយយុត្តិធម៌សមស្រប៕
លោក សម រង្ស៊ី បានសរសេរនៅក្នុងហ្វេសបុករបស់ខ្លួនដូច្នេះថា៖«ដើម្បីជំរុញឲ្យប្រទេសជិតខាងគោរពបូរណភាពទឹកដី នៃប្រទេសកម្ពុជា មធ្យោបាយដែលមានប្រសិទ្ធភាពជាងគេ នៅពេលនេះ គឺការទាមទារពីសំណាក់រាជរដ្ឋាភិបាលកម្ពុជា ឲ្យមានការអនុវត្តន៍ឲ្យបានត្រឹមត្រូវ នូវកិច្ចព្រមព្រៀងទីក្រុងប៉ារីសឆ្នាំ ១៩៩១ ស្តីពីកម្ពុជា។
ប្រធានគណបក្សសង្គ្រោះជាតិរូបនេះ បន្ថែមថា ប្រទេសថៃ ប្រទេសឡាវ និងប្រទេសវៀតណាម ក៏ជាហត្ថលេខី នៃកិច្ចព្រមព្រៀងទីក្រុងប៉ារីសឆ្នាំ១៩៩១នេះដែរ ហើយហត្ថលេខីទាំងអស់នេះ ធ្លាប់បានសន្យាថានឹងគោរព ជួយការពារឯករាជ្យភាព អធិបតេយ្យភាព និងបូរណភាពទឹកដីនៃប្រទេសកម្ពុជាថែមទៀត ក្រោយពីការចុះហត្ថលេខា ថ្ងៃទី ២៣ ខែតុលា ឆ្នាំ ១៩៩១ ។ ត្រង់ចំណុចនេះលោក សម រង្ស៊ី បានសង្កត់ធ្ងន់ថា បើប្រទេសណាមួយ រំលោភបូរណភាពទឹកដីនៃប្រទេសកម្ពុជានោះនឹងត្រូវសហគមន៍អន្តរជាតិ ថ្កោលទោសធ្ងន់ធ្ងរ។
លោក កែម ឡី អ្នកវិភាគនយោបាយ យល់ថា ការលើកយកយន្ដការកិច្ចព្រមព្រៀងទីក្រុងប៉ារីសនៅពេលនេះ គឺគ្រាន់តែជាយន្ដការមួយសម្រាប់បង្ខំឲ្យភាគីវៀតណាមជាហត្ថលេខី គោរពបូរណភាពទឹកដីប្រទេសកម្ពុជាប៉ុណ្ណោះ។ តែសម្រាប់លោក កែម ឡី វិធានការប្ដឹងទៅតុលាការយុត្តិធម៌អន្តរជាតិ គឺជាវិធានការមួយល្អបំផុត ដែលអាចជួយដោះស្រាយបញ្ចប់បញ្ហាព្រំដែនរវាងកម្ពុជា-វៀតណាម ។
កាលពីពេលថ្មីៗនេះលោកនាយករដ្ឋមន្ត្រី ហ៊ុន សែន បានបញ្ជាក់ថា រដ្ឋាភិបាលរបស់លោកកំពុងព្យាយាមដោះស្រាយទំនាស់បន្ទាត់ព្រំដែនជាមួយប្រទេសវៀតណាម ដោយឈរលើមូលដ្ឋានច្បាប់ជាតិ និងអន្តរជាតិហើយ។ ការអះអាងរបស់លោក ហុន សែន ត្រូវបានធ្វើឡើងនៅក្របខណ្ឌនៃការឆ្លើយតបទៅតំណាងរាស្ត្រគណបក្សប្រឆាំងចំនួន១២រូប ដែលទាមទារឲ្យលោកប្តឹងប្រទេសវៀតណាមទៅតុលាការយុត្តិធម៌អន្តរជាតិ ( ICJ )។
ប្រមុខរដ្ឋាភិបាល បន្ថែមថា កម្ពុជាវៀតណាម បានបោះបង្គោល និងកំណត់ខ្សែព្រំដែនបានប្រមាណជា ៨៣ភាគរយ ហើយ រីឯកំណាត់ព្រំដែនដែលនៅសេសសល់ រាជរដ្ឋាភិបាលទុកឲ្យគណៈកម្មាធិការចម្រុះកិច្ចការព្រំដែន និងក្រសួងការបរទេស បន្តការចរចាដោះស្រាយដោយសន្តិវិធីដើម្បីស្វែងរកលទ្ធភាពដំណោះស្រាយយុត្តិធម៌សមស្រប៕
Tag:
ព្រំដែន
កិច្ចព្រមព្រៀងទីក្រុងប៉ារីស
លោក សម រង្ស៊ី
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
