អន្តរជាតិ
តួរគី ៖ ថៅកែក្រុមហ៊ុនមួយចែកប្រាក់ ២០ ម៉ឺនដុល្លារដល់បុគ្គលិករបស់ខ្លួនគ្រប់រូប
×![]()
ដោយ: ធីតា
ចំនួនទឹកប្រាក់ដែលបុគ្គលិកក្រុមហ៊ុននេះទទួលបាន គឺប្រៀបដូចជាឈ្នះឆ្នោតរង្វាន់ធំដោយមិនបាច់លេងដូច្នោះដែរ។ បុគ្គលិកទាំង ១១៤ នាក់នៃក្រុមហ៊ុនទទួលការបញ្ជាទិញអាហារតាមអ៊ីនធឺណេត Yemeksepeti.com សុទ្ធតែមានចំណែកទទួលបានអំណោយ បន្ទាប់ពីថៅកែរបស់ពួកគេបានលក់ក្រុមហ៊ុនក្នុងតម្លៃប្រមាណ 600 លានដុល្លារទៅឲ្យក្រុមហ៊ុនអាល្លឺម៉ង់មួយ។ ថៅកែក្រុមហ៊ុនតួរគីនេះបានចែកប្រាក់ជាង ២០ ម៉ឺនដុល្លារដល់បុគ្គលិកម្នាក់ៗរបស់ខ្លួន នេះបើតាមប្រភពព័ត៌មានពីគេហទំព័រតួរគី Hurriyet ។
ក្រុមហ៊ុនត្រូវបានបង្កើតឡើងកាលពី ១៥ ឆ្នាំមុនដោយប្រើដើមទុនត្រឹមតែជិត ៨ ម៉ឺនដុល្លារប៉ុណ្ណោះ។ បុគ្គលិកទាំងអស់បានសម្តែងនូវក្តីរីករាយយ៉ាងខ្លាំង នៅពេលទទួលបានមូលប្បទានបត្រជាទឹកប្រាក់ជាង ២០ ម៉ឺនដុល្លារ។ អ្នកខ្លះស្រែកហ៊ោ អ្នកខ្លះទៀតសរសេរលិខិតថ្លែងអំណរគុណ។ ពួកគេរំភើបខ្លាំងណាស់ ព្រោះកញ្ចប់ទឹកប្រាក់នេះនឹងជួយកែប្រែជីវិតរបស់ពួកគេ ខណៈដែលពួកគេទទួលបានប្រាក់បៀវត្សរ៍ប្រចាំខែចន្លោះពី ១ ០០០ ដុល្លារទៅ ២ ០០០ ដុល្លារប៉ុណ្ណោះ។
ថៅកែក្រុមហ៊ុននេះដែលនឹងបន្តធ្វើជាអ្នកដឹកនាំដដែល បើទោះបីជាក្រុមហ៊ុនប្តូរម្ចាស់ក៏ដោយ បានមានប្រសាសន៍ថា៖ « យើងមានជោគជ័យដូចថ្ងៃនេះ ក៏ព្រោះតែយើងប្រឹងប្រែងធ្វើការទាំងអស់គ្នា »៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
