កីឡាអន្តរជាតិ
អន្តរជាតិ
Stoke ចំណាយលុយរហូតដល់១៩លានដុល្លារដើម្បីយក Shaqiri ពី Inter Milan
×
Stoke City បានចុះកិច្ចព្រមព្រៀងរួចរាល់អស់ហើយដើម្បីនាំយកខ្សែបម្រើស្លាប Xherdan Shaqiri ពីក្រុម Inter Milan ក្នុងតម្លៃ ១២លានផោន (ជិត១៩លានដុល្លារអាមេរិក) ក្នុងតម្លៃផ្ទេរជាកំណត់ត្រាថ្មីរបស់ក្លិបនៅអង់គ្លេសមួយនេះ។
ខ្សែបម្រើអន្តរជាតិស្វីសវ័យ២៣ឆ្នាំ ដែលបង្ហាញខ្លួនឲ្យក្រុមជម្រើសជាតិបាន៤៦ដង និងរកគ្រាប់បាល់បាន ១៧គ្រាប់នេះ បានចុះកិច្ចសន្យារយៈពេល៥ឆ្នាំឲ្យ Stoke ហើយ Shaqiri ក៏ជាកីឡាករទី៩ផងដែរដែលអ្នកចាត់ការទូទៅលោក Mark Hughes នាំយកមកក្នុងដូវកាលនេះ។
វត្តមានរបស់អតីតកីឡាករ Bayern Munich មកកាន់ទឹកដី Britannia នេះបានបំបែកកំណត់ត្រាចាស់របស់ខ្សែប្រយុទ្ធ Peter Crouch ដែល Stoke ទិញមកពីក្លិប Tottenham Hotspurs ក្នុងតម្លៃ ១០លានផោន (ជាង ១៥លានដុល្លារ) កាលពីឆ្នាំ២០១១។
មុនការផ្ទេជាផ្លូវការ Shaqiri ក៏បានមកទស្សនាការប្រកួតបើកឆាកក្របខណ្ឌ Premier League រវាង Stoke និង Liverpool ផងដែរនាពហុកីឡដ្ឋាន Britannia កាលពីថ្ងៃអាទិត្យ។
ការផ្ទេរកីឡាករកន្លងមក៖
១១ សីហា
Xherdan Shaqiri [Inter Milan - Stoke] តម្លៃ ជិត១៩លានដុល្លារ
Jussi Jaaskelainen [West Ham - Wigan] គ្មានតម្លៃខ្លួន
Salomon Rondon [Zenit St Petersburg - West Brom] តម្លៃ ជិត១៩លានដុល្លារ
Emiliano Martinez [Arsenal - Wolves] ខ្ចីជើង
៦ សីហា
Yann M'Vila [Rubin Kazan - Sunderland] ខ្ចីជើង
Ivan Toney [Northampton - Newcastle] តម្លៃបិទជិត
Angel Di Maria [Manchester United - Paris St-Germain] ជាង ៦៧លានដុល្លារ
Bakary Sako [Wolves - Crystal Palace] គ្មានតម្លៃខ្លួន
Aly Cissokho [Aston Villa - Porto] ខ្ចីជើង
២៨ កក្កដា
Filipe Luis [Chelsea - Atletico Madrid] តម្លៃបិតជិត
Arturo Vidal [Juventus - Bayern Munich] តម្លៃបិតជិត
Abou Diaby [Arsenal - Marseille] គ្មានតម្លៃខ្លួន
២៧ កក្កដា
Ibrahim Afellay [Barcelona - Stoke City] គ្មានតម្លៃខ្លួន
Jordan Ayew [Lorient - Aston Villa] តម្លៃបិតជិត
Steven Berghuis [AZ Alkmaar - Watford] ជាង ៧លានដុល្លារ
Sergio Romero [Sampdoria - Manchester United] គ្មានតម្លៃខ្លួន
© រក្សាសិទ្ធិដោយ thmeythmey.com