ពីនេះ ពីនោះ
វិធីយកឈ្នះ ការអៀនខ្មាសច្រើន
× តើការនិយាយគ្នា នៅពីមុខមនុស្សជាច្រើន ធ្វើឲ្យអ្នកមានអារម្មណ៍មិនស្រួល ឬចង់គ្រុនហើយមែនទេ? បើសិនជាអញ្ជឹងមែននោះ អ្នកក៏មិនចាំបាច់បារម្ភអ្វីច្រើនដែរ។ មានមនុស្សច្រើនណាស់ កំពុងតែជួបបញ្ហាអៀនខ្មាស់ ពីកម្រិតតិចតួចទៅធ្ងន់ធ្ងរ និងកំពុងតែខិតខំប្រឹងប្រែងយកឈ្នះវាដែរ។ ខាងក្រោមនេះ យើងខ្ញុំនឹងបង្ហាញអំពីគន្លឹះខ្លះៗ ដែលអ្នកអាចយកឈ្នះ ការអៀនខ្មាស់បាន។
កំណត់គោលដៅសម្រាប់ខ្លួនឯង
វាមិនទាន់គ្រប់គ្រាន់ទេ ដែលគិតថា “ខ្ញុំនឹងទៅទីនោះឲ្យបាន ដោយគ្មានភាពអៀនខ្មាស់!” ឬនិយាយស្រដៀងគ្នាថា “ខ្ញុំចង់បានភាពអស្ចារ្យ។ តើអ្នកធ្វើម៉េចកើតទៅ? អ្នកត្រូវតែកំណត់គោលដៅ សកម្មភាពរបស់អ្នកឲ្យបានសិន ដូចជា ការនិយាយជាមួយមនុស្សដែលមិនស្គាល់គ្នា ឬការចាប់ផ្តើមកិច្ចសន្ទនាជាមួយមនុស្សប្រុស ឬស្រីស្អាតណាម្នាក់ ដែលអ្នកបានស្គាល់។ ចូរផ្តោតអារម្មណ៍ទៅលើ កិច្ចការប្រចាំថ្ងៃដ៏តូចមួយ បន្ទាប់មក ចាំវាវិវត្តទៅមុខទៀតបន្តិចម្តង។ បន្ទាប់មក អ្នកក៏អាចអនុវត្តការនិយាយ នៅចំពោះមុខមនុស្សជាច្រើនបានដែរ។
រកអ្វីដែលធ្វើឲ្យអ្នក មានផាសុខភាព
ការបង្វឹកខ្លួនឯង ដោយការផឹកស្រារាល់យប់នៅក្នុងក្លិប ប្រហែលជាមិនអាចទៅរួចទេ។ តែបើសិនជាអ្នក ទៅជួយកាត់ក្រចកជើង ឲ្យលោកយាយអ្នកវិញ គួរតែអាចធ្វើបានហើយ។ ដូច្នេះ អ្នកមិនគួរណាព្យាយាម ជម្នះនូវភាពអៀនខ្មាស់របស់ខ្លួន ក្នុងស្ថានភាពដែលអ្នកមិនអាចធ្វើបាននោះទេ ព្រោះវាគ្មានប្រយោជន៍នឹងធ្វើឡើយ។ អ្នកមិនគួរធ្វើនូវរឿងគ្រប់យ៉ាង ដែលមនុស្សគ្រប់គ្នាផ្សេងៗទៀត កំពុងតែធ្វើទេ។ ហើយបើសិនជាអ្នកធ្វើមែននោះ អ្នកនឹងមិនអាចធ្វើវាបាន ហើយក៏មិនអាចស្វែងរកនរណាម្នាក់ ដែលចង់អនុវត្តជាមួយដែរ។ បើសិនជាបរិយាកាសក្នុងបារ មិនត្រូវចិត្តអ្នកទេ វាពិតជាមិនមានអ្វីទាស់ខុសទេ ក្នុងការពង្រឹងជំនាញសង្គម ក្នុងហាងកាហ្វេ ឬកន្លែងធ្វើការ។
ចូលរួមក្នុងស្ថានភាព ដែលមិនផ្តល់ផាសុខភាពដល់ខ្លួនឯង
និយាយទៅ ចំណុចនេះ គឺផ្ទុយគ្នានឹងចំណុចខាងលើ ១៨០ ដឺក្រេតែម្តង ប៉ុន្តែ អ្នកពិតជាត្រូវការបញ្ចូលខ្លួនខ្លះ ទៅក្នុងស្ថានភាពដែលអ្នក អាចរក្សាអារម្មណ៍ខ្លួនឯងបាន ទោះបីជាវាមិនផ្តល់ផាសុខភាពដល់អ្នកក៏ដោយ។ ចូរចាប់ផ្តើមដោយការនិយាយ សន្ទនាគ្នាដ៏ខ្លីមួយ ជាមួយមនុស្សស្រី ជជែកគ្នាជាមួយមនុស្សម្នាក់ដែលអង្គុយជិតអ្នក។ មនុស្សភាគច្រើន អាចនឹងពិបាកធ្វើរឿងទាំងនេះណាស់ ប៉ុន្តែ ឱកាសសម្រាប់អ្នកអនុវត្ត គឺបានមកដល់ហើយ តើអ្នកនៅចាំដល់ណាទៀតទៅ?
ណែនាំខ្លួនឯងប្រាប់អ្នក ទើបស្គាល់ម្នាក់រាល់ថ្ងៃ
វាច្រើនតែជារឿងមួយ កាន់តែងាយស្រួល ក្នុងការនិយាយជាមួយ អ្នកដែលមិនធ្លាប់ស្គាល់ យ៉ាងហោចណាស់ ក៏អាចនិយាយរឿងដ៏ខ្លីមួយបានដែរ។ ដូច្នេះ ដោយសារតែអ្នកនឹងមិនអាច ជួបពួកគេម្តងទៀតនោះ តើពួកគេនឹងខ្វល់ថា អ្នកជានរណាដែរឬទេ? ពួកគេអាចជាមនុស្ស រស់នៅតាមចិញ្ចើមថ្នល់ ឬអ្នកចាំជិះឡានក្រុងជាដើម។ ចូរព្យាយាមប្រើខ្សែភ្នែក និងញញឹមដាក់ពួកគេទេ។ កាលណាអ្នកធ្វើបែបនេះកាន់តែច្រើន អ្នកនឹងយល់ថា មនុស្សទាំងនោះ មានភាពរាកទាក់ចំពោះអ្នកណាស់៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com