ជាតិ
នយោបាយជាតិ
×![]()
ភ្នំពេញ៖ ពីពិធីចែកសញ្ញាបត្រដល់និស្សិតសាកលវិទ្យាល័យភ្នំពេញអន្តរជាតិ នៅថ្ងៃទី១៣នេះ នាវិទ្យាស្ថានជាតិអប់រំ នាយករដ្ឋមន្ត្រីលោក ហ៊ុន សែន ថ្លែងថា ផែនទីទាំង ១៨ ដែលអង្គសហប្រជាជាតិព្រមឲ្យកម្ពុជាខ្ចីផ្ទៀងផ្ទាត់នោះ នឹងបញ្ជូនមកដល់កម្ពុជានៅថ្ងៃទី១៨ សីហានេះ។ បន្ទាប់ផែនទីមកដល់ លោកបន្តថា រដ្ឋាភិបាលនឹងចុះហត្ថលេខាទទួលរួច ផ្ទៀងផ្ទាត់នៅថ្ងៃទី២០ ខែសីហា ដើម្បីឲ្យភាគីពាក់ព័ន្ធអស់មន្ទិលសង្ស័យលើផែទទីរបស់រដ្ឋាភិបាលបច្ចុប្បន្ន។ ក្នុងការផ្ទៀងផ្ទាត់ផែនទី លោកថា រដ្ឋាភិបាលនឹងអញ្ជើញតំណាងគណបក្សនយោបាយ ៣បក្សផ្សេងគ្នាចំនួន១៥នាក់ តំណាងព្រឹទ្ធសភា ៦នាក់ រដ្ឋសភា ៦នាក់ ឧត្តមក្រុមប្រឹក្សានៃអង្គចៅក្រម២នាក់ ក្រុមប្រឹក្សាធម្មនុញ្ញ២នាក់ និងគណកម្មាធិការស្រាវជ្រាវព្រំដែននៃរាជបណ្ឌិតសភាកម្ពុជាចំនួន ៤ទៅ៥នាក់ ព្រមទាំងអ្នកសារព័ត៌មាន ចូលរួមពិនិត្យផ្ទៀងផ្ទាត់ទាំងអស់គ្នាតែម្តង។
សំឡេងលោក ហ៊ុន សែន៖
កាលពីថ្មីៗនេះ ការផ្តល់ផែនទីតម្កល់ទុកនៅបណ្ណាល័យអង្គការសហប្រជាជាតិ Dag Hammarskjold ឱ្យកម្ពុជាខ្ចី ត្រូវបានគេចាត់ទុកជាករណីពិសេសមួយ។ អ្នកនាំពាក្យផ្ទាល់របស់អគ្គលេខាធិការអង្គការសហប្រជាជាតិបានបកស្រាយថា វាជាករណីពិសេសសម្រាប់កម្ពុជា ព្រោះថា ផ្អែកតាមគោលការណ៍ស្តង់ដាដែលអនុវត្តយូរអង្វែងមកហើយនោះ បណ្ណាល័យអង្គការសហប្រជាជាតិមិនដែលផ្តល់ផែនទីឲ្យគេយកចេញក្រៅ ការគ្រប់គ្រងរបស់ខ្លួន ឬក្រៅការថែទាំរបស់អង្គការសហប្រជាជាតិឡើយ។
កាលពីថ្ងៃទី៦ ខែកក្កដា ឆ្នាំ២០១៥ លោកនាយករដ្ឋមន្ត្រីហ៊ុន សែននៃប្រទេសកម្ពុជាបានសរសេរលិខិតទៅលោកអគ្គលេខាធិការ អង្គការសហប្រជាជាតិ បាន គីមូន ដើម្បីស្នើសុំខ្ចីផែនទីខ្នាត១/១០០.០០០ ដែលកម្ពុជាបានយកទៅតម្កល់ទុកនៅអង្គការសហប្រជាជាតិកាលពីឆ្នាំ១៩៦៤ ដើម្បីយកមកផ្ទៀងផ្ទាត់ជាមួយផែនទីរបស់រដ្ឋាភិបាលបច្ចុប្បន្ន បញ្ជាក់ពីភាពត្រឹមត្រូវរបស់រដ្ឋាភិបាល ខណៈដែលគណបក្សប្រឆាំងចោទថា រដ្ឋាភិបាលប្រើប្រាស់ផែនទីក្លែងក្លាយ។
កាលពីថ្ងៃ១៥កក្កដា លោកនាយករដ្ឋមន្ត្រីខ្មែរ ហ៊ុន សែន ក៏បានសរសេរលិខិតចំនួន៣ ទៅប្រធានាធិបតីនៃសហរដ្ឋអាមេរិក លោក បារ៉ាក់ អូបាម៉ា ទៅប្រធានាធិបតីបារាំង ហ្វ្រង់ស័រ ហូឡង់ និងនាយករដ្ឋមន្ត្រីអង់គ្លេស ដេវីត ខេមេរ៉ុន ដើម្បីស្នើសុំផ្ទៀងផ្ទាត់ និងចម្លងផែនទីរបស់កម្ពុជាជាមួយវៀតណាម ដែលរដ្ឋាភិបាលកម្ពុជាគិតថាប្រទេសមហាអំណាចទាំង៣នេះរក្សាទុកដល់ សព្វថ្ងៃនេះ៕
សំឡេងលោក ហ៊ុន សែន៖
កាលពីថ្មីៗនេះ ការផ្តល់ផែនទីតម្កល់ទុកនៅបណ្ណាល័យអង្គការសហប្រជាជាតិ Dag Hammarskjold ឱ្យកម្ពុជាខ្ចី ត្រូវបានគេចាត់ទុកជាករណីពិសេសមួយ។ អ្នកនាំពាក្យផ្ទាល់របស់អគ្គលេខាធិការអង្គការសហប្រជាជាតិបានបកស្រាយថា វាជាករណីពិសេសសម្រាប់កម្ពុជា ព្រោះថា ផ្អែកតាមគោលការណ៍ស្តង់ដាដែលអនុវត្តយូរអង្វែងមកហើយនោះ បណ្ណាល័យអង្គការសហប្រជាជាតិមិនដែលផ្តល់ផែនទីឲ្យគេយកចេញក្រៅ ការគ្រប់គ្រងរបស់ខ្លួន ឬក្រៅការថែទាំរបស់អង្គការសហប្រជាជាតិឡើយ។
កាលពីថ្ងៃទី៦ ខែកក្កដា ឆ្នាំ២០១៥ លោកនាយករដ្ឋមន្ត្រីហ៊ុន សែននៃប្រទេសកម្ពុជាបានសរសេរលិខិតទៅលោកអគ្គលេខាធិការ អង្គការសហប្រជាជាតិ បាន គីមូន ដើម្បីស្នើសុំខ្ចីផែនទីខ្នាត១/១០០.០០០ ដែលកម្ពុជាបានយកទៅតម្កល់ទុកនៅអង្គការសហប្រជាជាតិកាលពីឆ្នាំ១៩៦៤ ដើម្បីយកមកផ្ទៀងផ្ទាត់ជាមួយផែនទីរបស់រដ្ឋាភិបាលបច្ចុប្បន្ន បញ្ជាក់ពីភាពត្រឹមត្រូវរបស់រដ្ឋាភិបាល ខណៈដែលគណបក្សប្រឆាំងចោទថា រដ្ឋាភិបាលប្រើប្រាស់ផែនទីក្លែងក្លាយ។
កាលពីថ្ងៃ១៥កក្កដា លោកនាយករដ្ឋមន្ត្រីខ្មែរ ហ៊ុន សែន ក៏បានសរសេរលិខិតចំនួន៣ ទៅប្រធានាធិបតីនៃសហរដ្ឋអាមេរិក លោក បារ៉ាក់ អូបាម៉ា ទៅប្រធានាធិបតីបារាំង ហ្វ្រង់ស័រ ហូឡង់ និងនាយករដ្ឋមន្ត្រីអង់គ្លេស ដេវីត ខេមេរ៉ុន ដើម្បីស្នើសុំផ្ទៀងផ្ទាត់ និងចម្លងផែនទីរបស់កម្ពុជាជាមួយវៀតណាម ដែលរដ្ឋាភិបាលកម្ពុជាគិតថាប្រទេសមហាអំណាចទាំង៣នេះរក្សាទុកដល់ សព្វថ្ងៃនេះ៕
© រក្សាសិទ្ធិដោយ thmeythmey.com
