ជាតិ
វៀតណាម ផ្តល់ជំនួយម៉ាស៊ីនផ្សាយវិទ្យុ ១៥ គ្រឿងដល់ ក្រសួងពត៌មានកម្ពុជា
×
រដ្ឋាភិបាលវៀតណាម បានផ្តល់ជំនួយម៉ាស៊ីនផ្សាយវិទ្យុ ១៥ គ្រឿងដល់ក្រសួងពត៌មានកម្ពុជា ដើម្បីយកទៅបំពាក់នៅតាមបណ្តាខេត្តនានានៅក្នុងប្រទេសកម្ពុជា កាលពីថ្ងៃទី១២ ខែសីហា តាមរយៈ លោក Nguyen Dang Tien អគ្គនាយកវិទ្យុសំឡេងប្រជាជនវៀតណាម។
រដ្ឋាភិបាលវៀតណាម បានផ្តល់ជំនួយម៉ាស៊ីនផ្សាយវិទ្យុ ១៥គ្រឿង ដល់ក្រសួងពត៌មានកម្ពុជា ដើម្បីយកទៅបំពាក់នៅតាមបណ្តាខេត្តនានានៅក្នុងប្រទេសកម្ពុជា តាមរយៈ លោក Nguyen Dang Tien ក្នុងដំណើរបំពេញទស្សនៈកិច្ចរយៈពេល ៤ថ្ងៃ ចាប់ពីថ្ងៃទី១២ ខែសីហា ដល់ថ្ងៃទី១៥ ខែសីហា។ ដោយឡែកម៉ាស៊ីនផ្សាយធំជាងគេ កម្លាំង១០គីឡូវ៉ាត់បូក១០គីឡូវ៉ាត់ ត្រូវបានបំពាក់នៅស្ថានីយ វិទ្យុជាតិ FM 96MHz ហើយនឹងធ្វើការសម្ពោធដាក់ឱ្យដំណើរការនៅថ្ងៃទី១៣ខែ សីហា ឆ្នាំ២០១៥ រីឯចំនួន១៤គ្រឿងទៀត ត្រូវបានបំពាក់នៅតាមបណ្តាខេត្ត ចំនួន១៤ ដែលមានកម្លាំងផ្សាយ៥គីឡូវ៉ាត់២គីឡូវ៉ាត់ និង១គីឡូវ៉ាត់ ។ នេះបើតាមការលើកឡើងរបស់ លោក តូច សារ៉េត ប្រតិភូរាជរដ្ឋាភិបាលទទួលបន្ទុកវិទ្យុ FM ទូទាំងរាជធានី-ខេត្ត ក្នុងឱកាសទទួលស្វាគមន៍។
អគ្គនាយកវិទ្យុសំឡេងវៀតណាម ព្រមទាំងគណៈប្រតិភូបានមកដល់ព្រលានយន្តហោះអន្តរជាតិភ្នំពេញ កាលពីរៀលថ្ងៃទី១២ ខែសីហា ដោយមានការទទួលស្វាគមន៍ពីសំណាក់ លោក លី វ៉ាន់ហុង អនុរដ្ឋលេខាធិការ ក្រសួងពត៌មាន និង លោក តូច សារ៉េត ប្រតិភូរាជរដ្ឋាភិបាលទទួលបន្ទុកវិទ្យុ FM ទូទាំងរាជធានី-ខេត្ត។
លោក Nguyen Dang Tien ការផ្តល់ជំនួយម៉ាស៊ីន ផ្សាយវិទ្យុមកដល់ក្រសួងព័ត៌មានកម្ពុជានេះ គឺធ្វើឡើងតាមរយៈកិច្ចសហ ប្រតិបត្តិការរវាងប្រទេសទាំងពីរ ដែលបានចុះអនុស្សរណៈយោគយល់គ្នាកន្លង មក ហើយវៀតណាមនឹងពិភាក្សាលើការផ្តល់ជំនួយម៉ាស៊ីនផ្សាយវិទ្យុដល់ខេត្ត នានានៅប្រទេសកម្ពុជា ដែលមិនទាន់មានវិទ្យុជាបន្តទៀត ។
ប្រភព ៖ AKP
© រក្សាសិទ្ធិដោយ thmeythmey.com