កីឡាជាតិ
ជាតិ
ថោង ច័ន្ទកិត្យា និង គឹម ស៊ីពិសាល អាជ្ញាកណ្ដាលកម្ពុជាទៅកាត់សេចក្ដីពាន U-19 នៅឡាវ
×![]()
សហព័ន្ធកីឡាបាល់ទាត់អាស៊ីភាគអាគ្នេយ៍ ឬ ហៅអាស៊ាន ( AFF ) បានកោះហៅអាជ្ញាកណ្ដាលរបស់កម្ពុជា ចំនួន ២ រូបដែលមានកម្រិត FIFA ទៅកាត់សេចក្ដីក្នុងពានរង្វាន់បាល់ទាត់យុវជនក្នុងតំបន់ AFF U-19 Championship 2015 ដែលរៀបចំនៅប្រទេសឡាវ ចុងខែសីហា នេះ។
យោងតាមប្រភពពីសហព័ន្ធកីឡាបាល់ទាត់កម្ពុជា បានឱ្យដឹងថា លោកអាជ្ញាកណ្ដាលទាំង ២ រូបនោះមានលោក ថោង ច័ន្ទកិត្យា ជាអាជ្ញាកណ្ដាលលើទីលាន និង លោក គឹម ស៊ីពិសាល ជាអាជ្ញាកណ្ដាលខ្សែបន្ទាត់ (ជំនួយការអាជ្ញាកណ្ដាល)។ បុរសជនជាតិខ្មែរទាំង ២ រូបនេះនឹងធ្វើការជាមួយអាជ្ញាកណ្ដាលប្រមាណជា ១០ នាក់ផ្សេងទៀតមកពីប្រទេសជាសមាជិកតំបន់អាស៊ាន ក្នុងការដឹកនាំការប្រកួតតាំងពីវគ្គជម្រុះតាមពូលរហូតដល់វគ្គផ្ដាច់ព្រ័ត្រ។
តាមគម្រោង AFF U-19 Youth Championship 2015 ដែលរៀបចំនៅទីក្រុងវៀងចន្ទន៍ ប្រទេសឡាវ នឹងចាប់ពីថ្ងៃទី ២២ ខែ សីហា ដល់ ៤ ខែ កញ្ញា ឆ្នាំ ២០១៥ ដោយមានក្រុមចូលរួមចំនួន ១១ ចែកជា ២ ពូល ដោយក្នុងពូល A មាន ថៃ, ប្រ៊ុយណេ, ហ្វីលីពីន, កម្ពុជា និង ម្ចាស់ផ្ទះ ឡាវ ហើយពូល B មាន វៀតណាម, មីយ៉ាន់ម៉ា, សិង្ហបុរី, ទីម័រខាងកើត និង ម៉ាឡេស៊ី។
ទន្ទឹមនឹងនេះក្រុមជម្រើសជាតិ U-19 កម្ពុជា ក៏នឹងត្រៀមចូលរួមក្នុងពានរង្វាន់នេះដែរ ដោយត្រូវជួបក្រុមម្ចាស់ផ្ទះឡាវ នៅថ្ងៃទី ២២ សីហា ហើយនៅថ្ងៃទី ២៤ សីហា ត្រូវ ជួបក្រុមប្រ៊ុយណេ រហូតដល់ថ្ងៃទី២៨ ខែ សីហា ត្រូវប្រកួតជាមួយហ្វីលីពីន មុនប្រកួតបិទពូល A ជាមួយក្រុមថៃ នៅថ្ងៃទី ៣០ ខែសីហា ឆ្នាំ ២០១៥ ៕
Tag:
AFF U19
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ម៉ោង
