អន្តរជាតិ
×![]()
នៅថ្ងៃអាទិត្យ ម្សិលមិញ ពលរដ្ឋជប៉ុនជាង១សែននាក់ បានជួបជុំគ្នានៅមុខសភា ក្នុងក្រុងតូក្យូ ដើម្បីតវ៉ាប្រឆាំងនឹងច្បាប់ការពារជាតិថ្មី របស់នាយករដ្ឋមន្ត្រីស៊ីនហ្សូ អាបេ។ បក្សអភិរក្សនិយមរបស់លោកអាបេសង្ឃឹមថា សភានឹងអនុម័តច្បាប់ថ្មីនេះ ឆាប់។
ទោះ ជាមានភ្លៀងម្សិលមិញក្តី ក៏ប្រជាជនជប៉ុនមិនរួញរានឹងសំដែងការតវ៉ាប្រឆាំងច្បាប់ការពារជាតិ នេះដែរ។ ប្រជាជនជប៉ុនបាននាំគ្នាបាតុកម្មនៅទូទាំងប្រទេសតែម្តង។ ប្រជាជនយល់ថា ច្បាប់ថ្មីនេះនឹងនាំអោយជប៉ុនផុងខ្លួនក្នុងចម្បាំងវែងឆ្ងាយនៅក្រៅ ទឹកដីទៅវិញទេ។ តាមរយៈការកែទម្រង់ច្បាប់ថ្មីនេះ គេមើលឃើញថា រដ្ឋាភិបាលលោកអាបេ ចង់អោយកងទ័ពជប៉ុនលេចមុខមាត់ក្នុងឆាកអន្តរជាតិជាថ្មី។
សភាជាន់ទាប បានយល់ស្របអោយប្រើច្បាប់ថ្មីនេះហើយ។ បច្ចុប្បន្ន ព្រឹទ្ធសភាកំពុងពិភាក្សាជាបន្តទៀត។ ច្បាប់នេះអាចអោយជប៉ុនយកលេស បញ្ចេញទ័ពទៅជួយសម្ព័ន្ធមិត្តដូចជាអាមេរិក ក្នុងជម្លោះណាមួយក៏ថាបាន។ គួរបញ្ជាក់ថា អាមេរិកបានគាំទ្រច្បាប់ថ្មីរបស់ជប៉ុន។ ដោយឡែក ចម្បាំងក្រៅប្រទេសអាចជាចម្បាំងដែលមិនពាក់ព័ន្ធផ្ទាល់នឹងជាតិ ជប៉ុន។ អាមេរិកនិងជប៉ុនកំពុងភ័យពីសក្តានុពលចិនក្នុងតំបន់។ លើសពីនេះ ចិនកំពុងមានជម្លោះដែនទឹកជាមួយប្រទេសជាច្រើននៅសមុទ្រចិន។ ដូច្នេះ ច្បាប់ជប៉ុនថ្មីនេះមានទិសដៅទប់ទល់ចិនចៀសមិនផុតទេ។
ដោយឡែក ប្រជាជនជប៉ុនចង់បានសន្តិភាព។ ម្សិលមិញ បាតុករគ្រប់ស្រទាប់ក្នុងសង្គម បានលើកបដាតវ៉ា ប្រឆាំងនឹងសង្គ្រាម។ កាលពីថ្ងៃព្រហស្បត្តិ៍ បាតុករខ្លះបាននាំគ្នាធ្វើកូដកម្មមិនបរិភោគអាហារ។ ម្សិលមិញ ប្រជាជនក៏បានទាមទារអោយនាយករដ្ឋមន្ត្រីអាបេចុះពីតំណែងផងដែរ៕
Tag:
ជប៉ុន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
