អន្តរជាតិ
×![]()
អាជ្ញាធរថៃបានអះអាងថាជនសង្ស័យពីរនាក់ផ្សេងទៀត ដែលជាប់ពាក់ព័ន្ធករណីបំផ្ទុះគ្រាប់នៅErawan និងនៅ Sathon ប្រហែលជាកំពុងលាក់ខ្លួននៅប្រទេសកម្ពុជា។ អាជ្ញាធរថៃបានទាក់ទងសុំអន្តរាគមន៍ពីខាងអាជ្ញាធរកម្ពុជាដើម្បីតាមប្រមាញ់ជនសង្ស័យទាំងនេះហើយ។ នេះបើយោងតាមសារព័ត៌មានថៃបាងកកប៉ុស្តិ៍។
អាជ្ញាធរថៃបានអះអាងថាជនសង្ស័យសំខាន់ពីរនាក់ទៀតដែលជាប់ពាក់ព័ន្ធករណីបំផ្ទុះ គ្រាប់បែកនៅទីសក្ការហិណ្ឌូ Erawan និងនៅ Sathon នោះប្រហែលជាកំពុងលាក់ខ្លួននៅក្នុងប្រទេសកម្ពុជា។ នាយកដ្ឋានប្រឆាំងបទឧក្រិដ្ឋថៃបានបញ្ជាក់កាលពីយប់ម្សិលមិញថា អ្នកទាំងពីរកំពុងលាក់ខ្លួននៅក្នុងទឹកដីកម្ពុជា ហើយអាជ្ញាធរនេះបានទាក់ទងមកកាន់អាជ្ញាធរកម្ពុជារួចរាល់ហើយដើ់ម្បីសុំការអន្តរាគមន៍តាមចាប់ខ្លួនជនសង្ស័យទាំងពីរនាក់។
បើតាមប្រធានស្ថានប័នប្រឆាំងឧក្រិដ្ឋកម្មខាងលើ Akkaradej Phimonsri បានអះអាងថា ជនសង្ស័យពីរនាក់នេះស្ថិតក្នុងចំណោមជនសង្ស័យ៤នាក់ដែលពាក់ព័ន្ធការរៀបចំគម្រោងបំផ្ទុះគ្រាប់បែកនៅថ្ងៃ១៧ខែសីហាកន្លងមកដែលសម្លាប់មនុស្សជាង២០នាក់ផង។ ប៉ូលិសអះអាងថា បើតាមខ្សែអាត់វិដេអូដែលថតជាប់ជនសង្ស័យថ្ងៃកើតហេតុអ្នកទាំងពីរនេះមានម្នាក់ជាជនសង្ស័យដែលពាក់អាវលឿងដែលជាអ្នករៀបចំបំផ្ទុះគ្រាប់នៅទីសក្ការ Erawan និងម្នាក់ទៀតពាក់អាវពណ៌ខៀវដែលជាអ្នកដែលទម្លាក់ស្បោងគ្រាប់បែកពីលើស្ពាន។
សន្និដ្ឋានថាជនសង្ស័យពីរនាក់នេះដែលឆ្លងដែនមកកម្ពុជានោះ ក្រោយពេលដែលប៉ូលិសត្រួតពិនិត្យនៅកន្លែងការិយាល័យជនអន្តោប្រវេសន៍នៅតាមច្រកព្រំដែនថៃកម្ពុជា។គេរកឃើញថាជនទាំងពីរនាក់នេះបានឆ្លងដែនចេញពីច្រកព្រំដែនAranyaprathet នៅខេត្ត Sa Kaeo ចូលមកកាន់ក្រុងប៉ោយប៉ែតកម្ពុជា។ គេរំពឹងថាអាជ្ញាធរនឹងអាចចាប់ខ្លួនអ្នកទាំងពីរនេះក្នុងពេលឆាប់ៗខាងមុខនេះផង។
ជុំវិញការតាមប្រមាញ់ជនសង្ស័យនេះ ម្សិលមិញនេះ ឧត្តមសេនីយ៍ប្រាយុទ្ធបានលើកឡើងថា ករណីបំផ្ទុះគ្រាប់នេះអាចពាក់ព័ន្ធជាមួយក្រុមឈ្មួញដែលជួញដូរជនជាតិអ៊ុយហ្គួរផងដែរ។ ប៉ុន្តែព័ត៌មានលម្អិតបែបណារបបសឹកថៃមិនបានបង្ហើបឲ្យដឹងឡ់ើយ។
ដោយឡែកស្ត្រីម្នាក់ជាជនជាតិថៃ ដែលប៉ូលិសថៃចេញដីកាតាមចាប់ខ្លួននោះបានទូរសព្ទមកប៉ូលិស ដោយអះអាងថាខ្លួនកំពុងស្ថិតនៅក្នុងប្រទេសតួកគី។ ស្ត្រីម្នាក់កាន់សាសនាឥស្លាមដែលអាជ្ញាធរបានចេញដីកាចាប់ខ្លួនម្សិលមិញមានឈ្មោះថា Wanna Suasan ។នាងបានអះអាងនាងពិតជាភ្ងាក់ផ្អើលខ្លាំងមែនទែននៅពេលដែលអាជ្ញាធរតាមចាប់ខ្លួននាងបែបនេះ។ នាងបន្ថែមថា នាងបានមករស់នៅតួកគីអស់រយៈពេលប្រហែល៣ខែមកហើយ ធ្វើម្តេចនាងអាចពាក់ព័ន្ធករណីបំផ្ទុះគ្រាប់នៅថៃទៅ។ បងប្អូនរបស់នាងបានអះអាងដូចគ្នាថានាងពិតជាកំពុងស្ថិតនៅប្រទេសតួកគីមែន ហើយនាងចង់ត្រលប់មកវិញដើម្បីជួបមន្ត្រីប៉ូលិសដើម្បីបំភ្លឺរឿងនេះ។
ប៉ូលិសបានត្រួតពិនិត្យមើលរបាយការណ៍ធ្វើដំណើររបស់នាងដោយរកឃើញថានាងបានចាកចេញពីថៃនៅថ្ងៃ១កក្កដា ដើម្បីទៅទីក្រុងឌុយបៃ។ ខាងប៉ូលិសមិនជឿជាក់ថាស្ត្រីនេះនៅក្នុងប្រទេសតួកគីឡើយ ព្រោះគេបានសាកសួរសាក្សីនៅក្បែរខាងផ្ទុះល្វែង Min Buri ដែលប៉ូលិសបានឆែកឆែរកាលពីថ្ងៃអាទិត្យ។ សាក្សីអះអាងថាគេបានឃើញស្ត្រីខាងលើស្ថិតនៅប្រទេសថៃជាមួយបុរសម្នាក់ទៀតដែលស្ថិតក្រោមការចាប់ខ្លួននោះនៅក្នុងប្រទេសថៃចន្លោះពីថ្ងៃ១០ដល់ថ្ងៃ២០ខែសីហាកន្លងទៅនេះ៕
អាជ្ញាធរថៃបានអះអាងថាជនសង្ស័យសំខាន់ពីរនាក់ទៀតដែលជាប់ពាក់ព័ន្ធករណីបំផ្ទុះ គ្រាប់បែកនៅទីសក្ការហិណ្ឌូ Erawan និងនៅ Sathon នោះប្រហែលជាកំពុងលាក់ខ្លួននៅក្នុងប្រទេសកម្ពុជា។ នាយកដ្ឋានប្រឆាំងបទឧក្រិដ្ឋថៃបានបញ្ជាក់កាលពីយប់ម្សិលមិញថា អ្នកទាំងពីរកំពុងលាក់ខ្លួននៅក្នុងទឹកដីកម្ពុជា ហើយអាជ្ញាធរនេះបានទាក់ទងមកកាន់អាជ្ញាធរកម្ពុជារួចរាល់ហើយដើ់ម្បីសុំការអន្តរាគមន៍តាមចាប់ខ្លួនជនសង្ស័យទាំងពីរនាក់។
បើតាមប្រធានស្ថានប័នប្រឆាំងឧក្រិដ្ឋកម្មខាងលើ Akkaradej Phimonsri បានអះអាងថា ជនសង្ស័យពីរនាក់នេះស្ថិតក្នុងចំណោមជនសង្ស័យ៤នាក់ដែលពាក់ព័ន្ធការរៀបចំគម្រោងបំផ្ទុះគ្រាប់បែកនៅថ្ងៃ១៧ខែសីហាកន្លងមកដែលសម្លាប់មនុស្សជាង២០នាក់ផង។ ប៉ូលិសអះអាងថា បើតាមខ្សែអាត់វិដេអូដែលថតជាប់ជនសង្ស័យថ្ងៃកើតហេតុអ្នកទាំងពីរនេះមានម្នាក់ជាជនសង្ស័យដែលពាក់អាវលឿងដែលជាអ្នករៀបចំបំផ្ទុះគ្រាប់នៅទីសក្ការ Erawan និងម្នាក់ទៀតពាក់អាវពណ៌ខៀវដែលជាអ្នកដែលទម្លាក់ស្បោងគ្រាប់បែកពីលើស្ពាន។
សន្និដ្ឋានថាជនសង្ស័យពីរនាក់នេះដែលឆ្លងដែនមកកម្ពុជានោះ ក្រោយពេលដែលប៉ូលិសត្រួតពិនិត្យនៅកន្លែងការិយាល័យជនអន្តោប្រវេសន៍នៅតាមច្រកព្រំដែនថៃកម្ពុជា។គេរកឃើញថាជនទាំងពីរនាក់នេះបានឆ្លងដែនចេញពីច្រកព្រំដែនAranyaprathet នៅខេត្ត Sa Kaeo ចូលមកកាន់ក្រុងប៉ោយប៉ែតកម្ពុជា។ គេរំពឹងថាអាជ្ញាធរនឹងអាចចាប់ខ្លួនអ្នកទាំងពីរនេះក្នុងពេលឆាប់ៗខាងមុខនេះផង។
ជុំវិញការតាមប្រមាញ់ជនសង្ស័យនេះ ម្សិលមិញនេះ ឧត្តមសេនីយ៍ប្រាយុទ្ធបានលើកឡើងថា ករណីបំផ្ទុះគ្រាប់នេះអាចពាក់ព័ន្ធជាមួយក្រុមឈ្មួញដែលជួញដូរជនជាតិអ៊ុយហ្គួរផងដែរ។ ប៉ុន្តែព័ត៌មានលម្អិតបែបណារបបសឹកថៃមិនបានបង្ហើបឲ្យដឹងឡ់ើយ។
ដោយឡែកស្ត្រីម្នាក់ជាជនជាតិថៃ ដែលប៉ូលិសថៃចេញដីកាតាមចាប់ខ្លួននោះបានទូរសព្ទមកប៉ូលិស ដោយអះអាងថាខ្លួនកំពុងស្ថិតនៅក្នុងប្រទេសតួកគី។ ស្ត្រីម្នាក់កាន់សាសនាឥស្លាមដែលអាជ្ញាធរបានចេញដីកាចាប់ខ្លួនម្សិលមិញមានឈ្មោះថា Wanna Suasan ។នាងបានអះអាងនាងពិតជាភ្ងាក់ផ្អើលខ្លាំងមែនទែននៅពេលដែលអាជ្ញាធរតាមចាប់ខ្លួននាងបែបនេះ។ នាងបន្ថែមថា នាងបានមករស់នៅតួកគីអស់រយៈពេលប្រហែល៣ខែមកហើយ ធ្វើម្តេចនាងអាចពាក់ព័ន្ធករណីបំផ្ទុះគ្រាប់នៅថៃទៅ។ បងប្អូនរបស់នាងបានអះអាងដូចគ្នាថានាងពិតជាកំពុងស្ថិតនៅប្រទេសតួកគីមែន ហើយនាងចង់ត្រលប់មកវិញដើម្បីជួបមន្ត្រីប៉ូលិសដើម្បីបំភ្លឺរឿងនេះ។
ប៉ូលិសបានត្រួតពិនិត្យមើលរបាយការណ៍ធ្វើដំណើររបស់នាងដោយរកឃើញថានាងបានចាកចេញពីថៃនៅថ្ងៃ១កក្កដា ដើម្បីទៅទីក្រុងឌុយបៃ។ ខាងប៉ូលិសមិនជឿជាក់ថាស្ត្រីនេះនៅក្នុងប្រទេសតួកគីឡើយ ព្រោះគេបានសាកសួរសាក្សីនៅក្បែរខាងផ្ទុះល្វែង Min Buri ដែលប៉ូលិសបានឆែកឆែរកាលពីថ្ងៃអាទិត្យ។ សាក្សីអះអាងថាគេបានឃើញស្ត្រីខាងលើស្ថិតនៅប្រទេសថៃជាមួយបុរសម្នាក់ទៀតដែលស្ថិតក្រោមការចាប់ខ្លួននោះនៅក្នុងប្រទេសថៃចន្លោះពីថ្ងៃ១០ដល់ថ្ងៃ២០ខែសីហាកន្លងទៅនេះ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
