ព័ត៍មានសុខភាព
អស្ចារ្យណាស់! ប្រទាលកន្ទុយក្រពើ ល្អបំផុតសម្រាប់ស្បែកផង និងជួយឲ្យសក់ដុះច្រើនទៀត
×
នៅពេលមនុស្សយើងគិតអំពី ប្រទាលកន្ទុយក្រពើ ពួកយើងច្រើនតែប្រើវា សម្រាប់ព្យាបាលបញ្ហារលាកស្បែក ដោយសារពន្លឺព្រះអាទិត្យ។ ទោះបីជាយ៉ានេះក្តី វាក៏មានអត្ថប្រយោជន៍ច្រើនដល់សុខភាព និងសម្រស់ផងដែរ ហើយក៏មិនមានមនុស្សច្រើន ដឹងអំពីរឿងនេះឡើយ។
ប្រទាលកន្ទុយក្រពើ ពិតជាមានវីតាមីន A, C, E និង B (B1, B2, B3, B6 និង Folic Acid) ខ្ពស់ ព្រមទាំងជារុក្ខជាតិមួយ ដែលមានវីតាមីន B12 ដែរ។ ក្រៅពីនេះ វាក៏ផ្ទុកទៅដោយជាតិរ៉ែជាច្រើនទៀតដូចជា កាល់ស្យូម ម៉ាញ៉េស្យូម ស័ង្គសី ក្រូម៉ូញ សេឡេញ៉ូម សូដ្យូម ជាតិដែក ប៉ូតាស្យូម និងម៉ងហ្គាណេស។
សមត្ថភាពក្នុងការជួយឲ្យឆាប់ជាវិញ របស់ប្រទាលកន្ទុយក្រពើ ត្រូវបានគេយកទៅប្រើប្រាស់ សម្រាប់ព្យាបាលបញ្ហាស្បែក អស់រយៈពេលច្រើនសតវត្សន៍ទៅហើយ។ គេអាចយកវា សម្រាប់លាបលើដំបៅដោយសារតែរលាកភ្លើង រហែកស្បែក ជំងឺស្រែង និងកន្ទួលរមាស់ បានយ៉ាងមានប្រសិទ្ធភាព។ វាដើរតួនាទីជាសារធាតុ Astringent ដើម្បីធ្វើឲ្យជាលិកាកន្ត្រាក់ ដូច្នេះ វានឹងជួយកាត់បន្ថយ ការហូរឈាមចេញពីកន្លែង ដែលមានរបួសតូចៗបាន។ វាក៏មានមុខងារ បំបាត់ការឈឺចាប់ដែរ៕
© រក្សាសិទ្ធិដោយ thmeythmey.com