ជាតិ
សេដ្ឋកិច្ច
×![]()
ដោយ: ថ្មីៗ
កម្ពុជានាំចេញអង្ករទៅកាន់ទីផ្សារអន្តរជាតិបាន ចំនួន៣៤២,១៣៦តោន នៅក្នុងរយៈពេល៨ខែ ក្នុងឆ្នាំ២០១៥នេះ។ ចំនួននេះ កើនឡើង៤៦.៣០ភាគរយ បើធៀបនឹងរយៈពេលដូចគ្នាកាលពី ឆ្នាំ២០១៤ ដែលមានចំនួន២៣៣,៨៥៩តោន។
បើយោងតាមស្ថិតិនៃការនាំចេញអង្ករ របស់លេខាធិការដ្ឋានច្រកចេញចូលតែមួយសម្រាប់ បំពេញបែបបទនាំចេញអង្ករ ការនាំចេញអង្ករនៅក្នុងខែសីហាមានចំនួន២៩,៨១៩តោន ថយចុះ០.២០ភាគរយ ធៀបនឹងការនាំចេញក្នុងខែសីហាឆ្នាំ២០១៤ ។
ក្នុងចំណោមទីផ្សារទាំងអស់ដែលកម្ពុជាបាននាំអង្ករទៅ ប្រទេសចិនឈរនៅលំដាប់ទី១ ដោយនាំចូលក្នុងបរិមាណ ៧៤.០០៧៩៤៩តោន បារាំងលេខ២ នាំចូលក្នុងបរិមាណ៤៥,៤៩៣តោន និងប្រទេសប៉ូឡូញលេខ៣ នាំចូលក្នុងបរិមាណ៣៨,៣៧០តោន។
នៅឆ្នាំ២០១៥នេះ រដ្ឋាភិបាលបានប្រកាសថា កម្ពុជានឹងនាំចេញអង្ករឲ្យបាន១លានតោនប៉ុន្តែទំហំនេះ មិនអាចទៅរួចនោះទេ។ លោកបណ្ឌិតសេដ្ឋកិច្ច កង ចាន់តារារ័ត្ន បានប្រាប់សារព័ត៌មានថ្មីៗ មូលហេតុដែលរដ្ឋាភិបាលខ្មែរមិនអាចនាំចេញអង្ករចំនួន១លានតោនបានដូចការរំពឹងនោះ គឺដោយសារកង្វះខាតបរិមាណ និងគុណភាពនៅមានកម្រិត។ សម្រាប់លោក កង ចាន់តារារ័ត្ន ទីផ្សារអង្ករខ្មែរនៅក្រៅប្រទេសមានទំហំធំ តែបញ្ហាបរិមាណ និងគុណភាពកំពុងរារាំងការនាំចេញអង្ករខ្មែរនាពេលបច្ចុប្បន្ននេះ៕
Tag:
អង្ករ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
