ព័ត៍មានសុខភាព
សុខភាព៖ ស្គាល់ ស្ពៃក្តោបចិន ដែរឬទេ? ដឹងពីអត្ថប្រយោជន៍វាទេ?
×
ស្ពៃប៉កចយ ឬ ស្ពៃក្តោបចិន គឺជាជម្រើសដ៏អស្ចារ្យមួយ ក្នុងការបន្ថែមជារបបអាហារប្រភេទបន្លែពណ៌បៃតង។ បន្លែប្រភេទនេះ ផ្ទុកទៅដោយជីវជាតិច្រើនណាស់ ដែលនាំឲ្យមានសុខភាពកាន់តែល្អ។ ខាងក្រោមនេះ យើងខ្ញុំនឹងបង្ហាញអំពីជីវជាតិមួយចំនួនរបស់វា។
ប៉ូតាស្យូម
ប៉ូតាស្យូម គឺជាជាតិរ៉ែដ៏មានប្រយោជន៍បំផុត សម្រាប់សុខភាព ហើយក៏សម្បូរក្នុងស្ពៃមួយនេះដែរ។ តម្រូវការជាតិប៉ូតាស្យូម នៅតែជាជម្រើសរបស់គ្រូពេទ្យដដែល ក្នុងការកំណត់របៀបព្យាបាលជំងឺ និងការប្រើប្រាស់ថ្នាំ។
អាស៊ីតហ្វូលិក
ស្ត្រីមានផ្ទៃពោះ ត្រូវការអាស៊ីតហ្វូលិកជារបបអាហារប្រចាំថ្ងៃ។ ចូរពិគ្រោះជាមួយគ្រូពេទ្យ អំពីជម្រើសណាមួយ ដែលសមស្របសម្រាប់របបអាហារអ្នកទៅ។ ចូរពិភាក្សាអំពីការប្រឈមមុខ និងអត្ថប្រយោជន៍នានា នៃអាហារសម្រាប់ការមានផ្ទៃពោះរបស់អ្នក។
វីតាមីន C
ក្នុងចំណោមផ្លែឈើជូរៗ វីតាមីន C ក៏មានក្នុងស្ពៃប៉កចយដែរ ដូច្នេះ វានឹងជួយអ្នកដោះស្រាយបញ្ហា ជំងឺឈាមអញ្ជាញធ្មេញបាន។ ការកង្វះវីតាមីន C នឹងនាំឲ្យមានបញ្ហាស្បែក និងជំងឺផ្សេងៗជាច្រើនទៀត។
អង់ទីអុកស៊ីដង់
វីតាមីនទាំងនេះ គឺមានប្រសិទ្ធភាពក្នុងការប្រឆាំង នឹងជំងឺបានយ៉ាងច្រើន ជាក់ស្តែក ជំងឺមហារីកតែម្តង។ បេះដូង ក៏មានតម្រូវការអង់ទីអុកស៊ីដង់ដែរ ដើម្បីទទួលបានសុខភាពល្អ។ ប៉ុន្តែ អ្នកអាចរកបានយ៉ាងស្រួល ពីក្នុងស្ពៃនេះ។
កាបូអ៊ីដ្រាត
កាបូអ៊ីដ្រាត គឺជាសមាសធាតុដ៏ពិបាកមួយ ក្នុងការចៀសវាងទទួលទាន។ វាត្រូវបានគេរកឃើញ ក្នុងអាហារជាច្រើនប្រភេទ។ មនុស្សម្នាក់អាចកាត់បន្ថយការញ៉ាំអាហារផ្សេងៗបាន ប៉ុន្តែ កាបូអ៊ីដ្រាត គឺមិនអាចឡើយ។ ស្ពៃប៉កចយ គឺជាផ្នែមួយនៃអាហារដ៏កម្រ ដែលមានកាបូអ៊ីដ្រាតទាប។ បើសិនជាអ្នកញ៉ាំអាហារ ចូរពិគ្រោះជាមួយគ្រូពេទ្យថាតើ កម្រិតកាបូអ៊ីដ្រាតប៉ុន្មាន ទើបសាកសមចំពោះអ្នក។
កាឡូរី
ក្នុងនាមជាបន្លែពណ៌បៃតង ស្ពៃប៉កចយ មិនមានកំហាប់ជាតិខ្លាញ់ និងស្ករខ្ពស់ ក្នុងការបង្កើនចំនួនកាឡូរីរបស់អ្នក ឲ្យឡើងខ្ពស់បានឡើយ៕
© រក្សាសិទ្ធិដោយ thmeythmey.com