បក្ស GDP សោកស្តាយចំពោះលោក ហ៊ុន សែន ដែលគំរាមថា មានសង្គ្រាម បើ CPP ចាញ់ឆ្នោត

ជាតិ

នយោបាយជាតិ

បក្ស GDP សោកស្តាយចំពោះលោក ហ៊ុន សែន ដែលគំរាមថា មានសង្គ្រាម បើ CPP ចាញ់ឆ្នោត

15, Sep 2015 , 3:45 pm

រូបភាព

ដោយ: ថ្មីៗ

គណបក្សប្រជាធិបតេយ្យមូលដ្ឋាន បានសម្តែងការសោកស្តាយ ចំពោះប្រសាសន៍របស់ លោក នាយករដ្ឋមន្ត្រី ហ៊ុន សែន ដែលគំរាមម្តងហើយម្តងទៀតថា នឹងមានសង្គ្រាម ប្រសិនបើគណបក្សប្រជាជនកម្ពុជាចាញ់ឆ្នោត នៅពេលខាងមុខ។ នេះបើតាមសេចក្តីថ្លែងការណ៍របស់គណបក្សប្រជាធិបតេយ្យមូលដ្ឋានចុះផ្សាយ នៅថ្ងៃទី១៥ ខែកញ្ញា ឆ្នាំ២០១១៥ ។

បើតាមសេចក្តីថ្លែងការណ៍ដដែល គណបក្សប្រជាធិបតេយ្យមូលដ្ឋាន បានចាត់ទុកសារនយោបាយរបស់លោក ហ៊ុន សែន ថា ជាការគំរាមកំហែង បំភិតបំភ័យ ដល់ប្រជាពលរដ្ឋ។

សារនយោបាយបែបគំរាមកំហែងយ៉ាងនេះ មិនត្រឹមតែមិនផ្តល់ប្រយោជន៍ដល់សង្គមជាតិនោះទេ តែថែមទាំងឆ្លុះបញ្ចាំងនូវការមិនទទួលខុសត្រូវក្នុងនាមជាអ្នកដឹកនាំទៀតផង។

ក្រៅពីការសម្តែងការសោកស្តាយ គណបក្សថ្មីនេះ ក៏បានអំពាវនាវឲ្យអ្នកនយោបាយខ្មែរទាំងអស់ បញ្ឈប់ការប្រើភាសាបែបគំរាមកំហែង ដែលជាគំរូមិនល្អសម្រាប់កូនខ្មែរគ្រប់រូប។ ផ្ទុយទៅវិញ អ្នកនយោបាយគ្រប់បក្ស គួរបំពេញកាតព្វកិច្ចជាអ្នកដឹកនាំល្អ និងមានការទទួលខុសត្រូវខ្ពស់ ដើម្បីធានាសន្តិភាព និងការផ្លាស់ប្តូរទៅរកភាពរីកចម្រើនសម្រាប់ប្រទេសជាតិទាំងអស់គ្នា៕