ជាតិ
×![]()
ដោយ: ថ្មីៗ
ក្រសួងការងារ និងបណ្តុះបណ្តាលវិជ្ជាជីវៈ នឹងរៀបចំវេទិកាអំពីវិស័យអប់រំបណ្តុះបណ្តាលបច្ចេកទេស និងវិជ្ជាជីវៈ ដល់សិស្សានុសិស្ស ដែលប្រព្រឹត្តនៅសាលមហោស្រពកោះពេជ្រ នាថ្ងៃទី២៦ ខែកញ្ញា ឆ្នាំ២០១៥ ។ នេះបើតាមសេចក្តីជូនដំណឹងនៃក្រសួងការងារ និងបណ្តុះបណ្តាលវិជ្ជាជីវៈ ចុះថ្ងៃទី១៥ ខែកញ្ញា។
វេទិកាផ្សព្វផ្សាយអំពីវិស័យអប់រំបណ្តុះបណ្តាលបច្ចេកទេស និងវិជ្ជាជីវៈ នឹងត្រូវរៀបចំឡើងដោយក្រសួងការងារ និងបណ្តុះបណ្តាលវិជ្ជាជីវៈ ក្នុងគោលបំណងឲ្យសិស្សានុសិស្សគ្រប់រូប បានយល់ដឹងពីជំនាញដែលទីផ្សារការងារត្រូវការនាពេលបច្ចុប្បន្ន និងទៅអនាគត ដើម្បីជាមូលដ្ឋានគ្រឹះក្នុងការសម្រេចចិត្តជ្រើសរើសជំនាញមកសិក្សា។ បើតាមសេចក្តីជូដំណឹងរបស់ក្រសួងការងារវេទិកានេះនឹងផ្តល់សារៈប្រយោជន៍សម្រាប់យុវជនគ្រប់រូប ជាពិសេសសិស្សានុសិស្សដែលទើបប្រឡងបញ្ចប់សញ្ញាបត្រធម្យមសិក្សាទុតិយភូមិ ឆ្នាំ២០១៥នេះ និងឆ្នាំកន្លងមក ព្រមទាំងសិស្សានុសិស្សដែលបានបញ្ចប់ការសិក្សាត្រឹមថ្នាក់ទី៩ ។
លើសពីនេះទៅទៀត គ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈ នៃក្រសួងការងារ នឹងណែនាំលើមុខជំនាញបច្ចេកទេសដល់សិស្សានុសិស្ស ដែលខ្លួនកំពុងធ្វើការបណ្តុះបណ្តាល ហើយទទួលបានជោគជ័យនាពេលកន្លងមក៕
© រក្សាសិទ្ធិដោយ thmeythmey.com
