ជាតិ
អគ្គិសនីកម្ពុជា នឹងផ្អាកការផ្គត់ផ្គង់រយៈពេល ០៥ថ្ងៃ
× អគ្គិសនីកម្ពុជា នឹងផ្អាកការផ្គត់ផ្គង់នៅតាមតំបន់ចំនួន ១២ ទៅតាមពេលវេលា និងទីកន្លែងផ្សេងៗគ្នារយៈពេល ៥ ថ្ងៃ ចាប់ពីថ្ងៃទី១៦ ដល់ ថ្ងៃទី២០ ខែកញ្ញា ដើម្បីជួយសម្រួលដល់ការងារជួសជុល ផ្លាស់ប្តូរ តម្លើងបរិក្ខារ រុះរើគន្លងខ្សែបណ្តាញ និងដើម្បីបង្កលក្ខណៈងាយស្រួលដល់ការដ្ឋានពង្រីកផ្លូវ និងពិធីដង្ហែអដ្ឋិធាតុ លោក ជា ស៊ីម អតីតប្រធានព្រឹទ្ធសភា។
តំបន់ដែលត្រូវផ្អាកការផ្គត់ផ្គង់រួមមាន៖តំបន់នៅតាមបណ្តោយផ្លូវជាតិលេខ ៦A ចាប់ពីភូមិដើមគរ សង្កាត់ជ្រោយចង្វារ រហូតដល់ភូមិព្រែកលៀប សង្កាត់ព្រែកលៀប និងតំបន់នៅតាមបណ្តោយផ្លូវជាតិលេខ ៨ ចាប់ពីស្រុកខ្សាច់កណ្តាល ខេត្តកណ្តាល រហូតដល់ស្រុកពារាំង ខេត្តព្រៃវែង នៅថ្ងៃទី១៦ ខែសីហា ចាប់ពីម៉ោង ០៩ ព្រឹករហូតដល់ម៉ោង ០៥ ល្ងាច។
បើតាមសេចក្តីជូនដំណឹងរបស់អគ្គិសនីកម្ពុជា នៅថ្ងៃទី១៧ ខែកញ្ញា ចាប់ពីម៉ោង០៩ព្រឹក ដល់ម៉ោង ៥ល្ងាច នៅតំបន់លេខ P392 នៅតាមបណ្តោយផ្លូវលេខ១ សង្កាត់ព្រែកឯង ខណ្ឌច្បារអំពៅ។ តំបន់តាមបណ្តោយផ្លូវជាតិ៥៩៨ ចាប់ពីភូមិទួលគោក សង្កាត់ទួលសង្កែ ដល់ភូមិ១ សង្កាត់ច្រាំងចំរេះទី១ ខណ្ឌឬស្សីកែវ។ ហើយនឹងតំបន់ ភូមិព្រែកឬស្សី ភូមិក្រពើហា ភូមិតាក្តុល សង្កាត់ព្រែកឬស្សី ភូមិព្រែករាំង ភូមិកំពង់សំណាញ់ សង្កាត់កំពង់សំណាញ់ និងភូមិព្រែកហូរ សង្កាត់ព្រែកហូរ ក្រុងតាខ្មៅ ខេត្តកណ្តាល ។
ជាមួយគ្នានេះនៅថ្ងៃទី១៧ ខែកញ្ញាដដែល ចាប់ពីម៉ោង ០៩ព្រឹក ដល់ថ្ងៃសុក្រទី១៨ ខែកញ្ញា ម៉ោង០៥ល្ងាច តំបន់នៅតាមបណ្តោយផ្លូវជាតិលេខ ៦A ចាប់ពីគល់ស្ពានជ្រោយចង្វារប៉ែកខាងឆ្វេងផ្លូវ ក្នុងភូមិដើមគរ សង្កាត់ជ្រោយចង្វារ ដល់ ភូមិព្រែកលៀប សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។ ចំណែកនៅថ្ងៃទី១៨ ខែកញ្ញា ចាប់ពីម៉ោង ០៩ព្រឹក ដល់ម៉ោង០៥ល្ងាច នៅតំបន់លេខ ប.ត១៦៤ ភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ និងតំបន់ភូមិព្រៃល្វា ភូមិព្រៃសណ្តែក ភូមិព្រៃស្ពឺ ភូមិចោមចៅ ភូមិគោកចំបក់ ភូមិថ្មគោល សង្កាត់ចោមចៅ ខណ្ឌពោធិសែនជ័យ រាជធានីភ្នំពេញ។ នេះបើតាមសេចក្តីជូនដំណឹងខាងលើ។
ចំណែកនៅថ្ងៃទី១៩ ខែកញ្ញា ពីម៉ោង០៩ព្រឹក ដល់ម៉ោង០៥ល្ងាច តំបន់លេខ ប.ត១១៦ តាមបណ្តោយផ្លូវជាតិលេខ៥ ភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ និងតំបន់ភូមិទួលគោក សង្កាត់ទួលសង្កែ ភូមិ១ ភូមិ២ សង្កាត់ច្រាំងចំរេះទី ខណ្ឌឬស្សីកែវ រាជធានីភ្នំពេញ។
នឹងនៅថ្ងៃទី២០ ខែកញ្ញា ម៉ោង០៩ព្រឹក ដល់ម៉ោង ០៥ល្ងាច នៅតំបន់លេខ ប.ត១១៦ តាមបណ្តោយផ្លូវជាតិលេខ៥ ភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ និងតំបន់ភូមិព្រៃល្វា ភូមិថ្មគោល ភូមិចោមចៅ ភូមិរកាកុះ ភូមិព្រៃល្ង ភូមិទួលពង្រ ភូមិព្រៃសណ្តែក ភូមិស្រែជំរៅ សង្កាត់ចោមចៅ ខណ្ឌពោធិសែនជ័យ រាជធានីភ្នំពេញ។
ដោយ៖ សឿន វណ្ណដេត
© រក្សាសិទ្ធិដោយ thmeythmey.com