FIFA៖ លោក Sepp Blatter កំពុងរងការស៊ើបអង្កេតពីបទឧក្រិដ្ឋពុករលួយ

កីឡាអន្តរជាតិ

អន្តរជាតិ

FIFA៖ លោក Sepp Blatter កំពុងរងការស៊ើបអង្កេតពីបទឧក្រិដ្ឋពុករលួយ

26, Sep 2015 , 1:02 pm

រូបភាព

ដោយ: ទេព ពិទូរ្យ

តុលាការនៃប្រទេសស្វីស កំពុងស៊ើបអង្កេតលើ លោក Sepp Blatter ប្រធានសហព័ន្ធកីឡាបាល់ទាត់ពិភពលោក (FIFA) ដោយសង្ស័យថាបានប្រព្រឹត្តិអំពើពុករលួយក្នុងអង្គភាពរបស់លោកនាពេលកន្លងមក។

ការិយាល័យរបស់អគ្គរដ្ឋអាជ្ញា លោក Blatter ត្រូវបានគេសង្ស័យថា បានចុះហត្ថលេខាលើកិច្ចសន្យាដែលមានភាពមិនប្រក្រតីក្នុងអង្គភាពរបស់FIFA ដោយការប្រើលុយខុសច្បាប់។ ករណីនេះក៏ជាប់ពាក់ព័ន្ធនឹងលោក Michel Platini ដែលជាប្រធានសហព័ន្ធបាល់ទាត់អឺរ៉ុបផងដែរ។ នេះបើយោងតាមសារព័ត៌មាន BBC ។

ជារឿយៗ បុរសវ័យ៧៩ឆ្នាំសញ្ជាតិស្វីសដែលឡើងកាន់តំណែងជាប្រធាន FIFA តាំងពីឆ្នាំ១៩៩៨ មកនោះ តែងតែបដិសេធរាល់សំណួររបស់អ្នកកាសែតដែលចោទសួរជុំវិញបញ្ហាខាងលើ។ ទោះជាយ៉ាងណាក៏ដោយ លោក Blatter បានអះអាងថា កិច្ចសន្យាខាងលើគឺត្រូវបានរៀបចំត្រឹមត្រូវតាមច្បាប់របស់ FIFA ៕