មូលហេតុដែលនាំឲ្យខ្មែរមួយចំនួននៅតែក្រ ឬកាន់តែក្រីក្រឡើងៗ

ជាតិ

សង្គមជាតិ

សេដ្ឋកិច្ច

មូលហេតុដែលនាំឲ្យខ្មែរមួយចំនួននៅតែក្រ ឬកាន់តែក្រីក្រឡើងៗ

01, Oct 2015 , 1:47 pm

រូបភាព

ដោយ: លីម តុលា

កើតមកជាមនុស្សគ្មាននរណាចង់ស្ថិតនៅក្នុងស្ថានភាពទីទាល់ក្រីក្រនោះទេ។ ក្នុងអារម្មណ៍មនុស្សគ្រប់រូប ពួកគេតែងតែចង់ទទួលបាន«ភាពមានបាន» ឬភាពអស្ចារ្យលើសគេលើសឯងនិងអ្វីដែលបុគ្គលគ្រប់រូបមិនចង់ឃើញនោះ គឺភាពក្រីក្រតោកយ៉ាកក្នុងជីវិត។ តើមានកត្តាអ្វីខ្លះដែលនាំឲ្យបុគ្គលមួយចំនួននៅតែក្រីក្រ ឬអាចថា រឹតតែក្រីក្រជាងមុនផងនោះ?

ដោយមិននិយាយពីអ្នកក្រីក្រនៅប្រទេសក្រៅ, អ្នកក្រីក្រនៅក្នុងប្រទេសកម្ពុជាអាចបណ្តាលមកពីកត្តាសំខាន់ៗមួយចំនួនក្នុងនោះមាន៖ ទី១ គឺបណ្តាលមកពីកង្វះខាតដីធ្លីធ្វើស្រែ។ ទី២ គឺបណ្តាលមកពីគ្រួសារជួបប្រទះនឹងជំងឺដង្កាត់។ ទី៣ គឹបណ្តាលមកពីគ្រួសារជំពាក់បំណុលគេ។ ទី៤ គឺដោយសារអំពើហិង្សាក្នុងគ្រួសារឬការបែកបាក់គ្រួសារ។ ទី៥ គឺដោយសារ គ្រួសារមួយចំនួនបាត់បង់ដីធ្លីដោយសារតែការរំលោភពីសំណាក់ឈ្មួញមានអំណាច ឬអ្នកមានអំណាច។ ទី៦ គឺដោយសារគ្រួសារមួយចំនួនអន់បញ្ញា, ខ្វះចំណេះដឹង, ខ្វះការអប់រំ ឬខ្វះគំនិត ឬក្រគំនិត។ ទី៧ គឺដោយសារភាពខ្ជិលច្រអូស។ គ្រួសារក្រីក្រខ្លះ មិនសូវចង់ធ្វើការទេ តែចង់បានលុយច្រើន។ មួយថ្ងៃៗ ពួកគេគិតតែពីរឿងពិសាគ្រឿងស្រវឹង, ជជែកគ្នាលេង, មើលហ្វេសប៊ុក។ល។