ស្ដ្រីខ្មែរ រងគ្រោះ២នាក់ទៀត ត្រូវបានជួយសង្គ្រោះពីប្រទេសចិន

ជាតិ

សង្គមជាតិ

ស្ដ្រីខ្មែរ រងគ្រោះ២នាក់ទៀត ត្រូវបានជួយសង្គ្រោះពីប្រទេសចិន

02, Oct 2015 , 4:45 pm

រូបភាព

ដោយ: ថ្មីៗ

ស្ថានអគ្គកុងស៊ុលកម្ពុជាប្រចាំទីក្រុងក្វាងចូវ ប្រទេសចិន បានអន្តរាគមន៍ជួយស្ដ្រីខ្មែររងគ្រោះ២នាក់ទៀត ដែលត្រូវបានចាញ់បោកមេខ្យល់នាំយកទៅរៀបការជាមួយបុរសជនជាតិចិន។

ស្ដ្រីខ្មែររងគ្រោះទាំង២នាក់ នឹងមកដល់អាកាសយានដ្ឋានអន្តរជាតិភ្នំពេញ នៅម៉ោង១១និង៣០នាទីយប់ ថ្ងៃទី៣ ខែ តុលា តាមជើងយន្តហោះ CZ៣២៣ និងម្នាក់ទៀតនឹងមកដល់អាកាសយានដ្ឋានអន្តរជាតិទីក្រុងសៀមរាប នៅម៉ោង៣រសៀល ថ្ងៃទី៦ខែតុលា តាមជើងយន្តហោះ K ៦៦៥។ នេះជាការបញ្ជាក់របស់ លោក ជុំ សុន្ទរី អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ។

បើតាមលោក ជុំ សុន្ទរី ក្រសួងការបរទេស ក៏បានណែនាំ ដល់ស្ថានឯកអគ្គរាជទូតកម្ពុជា ប្រចាំប្រទេសចិន ឲ្យទាក់ទងទៅអាជ្ញាធរចិន ដើម្បីសង្គ្រោះស្ត្រីខ្មែរ២នាក់ ដែលត្រូវមេខ្យល់នាំយកទៅរៀបការជាមួយបុរសជនជាតិចិន តាំងពីឆ្នាំ២០១៣មក ហើយត្រូវប្តីវាយធ្វើបាប និងបិទសិទ្ធិសេរីភាព ឲ្យបានវិលត្រឡប់មកកម្ពុជាវិញ តាមការស្នើសុំរបស់ឪពុកម្តាយជនរងគ្រោះទាំងពីរ៕