ជាតិ
នយោបាយជាតិ
រដ្ឋសភា នឹងពិភាក្សាលើរបៀបវារៈចំនួន៦នាសម័យប្រជុំលើកទី៥ នៅថ្ងៃទី២០ខែតុលា
×![]()
ដោយ: ថ្មីៗ
រដ្ឋសភានឹងបើកសម័យប្រជុំរដ្ឋសភាលើកទី៥ នីតិកាលទី៥ នៅថ្ងៃទី២០ខែតុលាខាងមុខ ក្រោមអធិបតីភាព លោក ហេង សំរិន ប្រធានរដ្ឋសភា។
យោងតាមសេចក្តី ជូនដំណឹងរបស់រដ្ឋសភា ចុះថ្ងៃទី៦ខែតុលា កិច្ចប្រជុំនេះ នឹងពិនិត្យ និងពិភាក្សាលើរបៀបវារៈចំនួន៦ រួមមាន៖
១. ព្រះរាជសារព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជូនសម័យប្រជុំរដ្ឋសភាលើកទី៥ នីតិកាលទី៥ ។
២. របាយការណ៍ស្តីពីសកម្មភាពរបស់រដ្ឋសភា ចន្លោះសម័យប្រជុំរដ្ឋសភាលើកទី៤ និងលើកទី៥ នីតិកាលទី៥ ។
៣. ការពិភាក្សា និងអនុម័តសេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀងស្តី ពីកិច្ចសហប្រតិបត្តិការពាណិជ្ជកម្ម និងសេដ្ឋកិច្ចរវាងរដ្ឋាភិបាលកម្ពុជា និងរដ្ឋាភិបាលបេឡា រុស។
៤. ការពិភាក្សា និងអនុម័តសេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀងរវាងរដ្ឋាភិបាលកម្ពុជា និងរដ្ឋាភិបាលបេឡារុស ស្តីពីការជំរុញ និងការការពារទៅវិញទៅមកនៃវិនិយោគ ។
៥. ការពិភាក្សា និងអនុម័តសេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀងរវាងរដ្ឋាភិបាលកម្ពុជា និងរដ្ឋាភិបាលរុស្ស៊ី ស្តីពីការជំរុញ និងការការពារទៅវិញទៅមកនៃវិនិយោគ។
និងទី៦. ពិភាក្សា និងអនុម័តសេចក្តីស្នើច្បាប់ស្តីពីវិសោធនកម្មមាត្រាទី២១ នៃច្បាប់ស្តីពីលក្ខន្តិកៈសមាជិកព្រឹទ្ធសភា៕
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
