កីឡាអន្តរជាតិ
អន្តរជាតិ
កីឡាករម្នាក់ព្យាយាមយកស្រារបស់ដៃគូឧបត្ថម្ភចេញពីមុខខ្លួននាសន្និសីទកាសែត
× បញ្ហារវាងសាសនា និងម្ចាស់ឧបត្ថម្ភកម្មវិធី ឬម្ចាស់លុយដ៏ធំក្នុងវិស័យកីឡាបានលេចជារូបរាងឡើងនៅក្នុងក្របខណ្ឌ La Ligaរបស់អេស្ប៉ាញកាលពីថ្ងៃព្រហស្បតិ៍កន្លងមក។ នាសន្និសីទសារព័ត៌មាន មួយ ខ្សែការពារអាល្លឺម៉ង់ ShkaodranMustafiនៃក្លិប Valencia បានព្យាយាមទាញដបស្រាចេញពីមុខរបស់ខ្លួន ប៉ុន្តែមិនអាចធ្វើទៅរួច ដោយសារតែស្រានោះ ជាដៃគូឧបត្ថម្ភដ៏ធំរបស់ក្លិប។
ខ្សែការពារ Mustafiដែលជាសមាជិកជើងឯក FIFA World Cup ឆ្នាំ២០១៤ ផងដែរនោះ ត្រូវបានគេមើលឃើញថា ជាអ្នកកាន់សាសនាឥស្លាមដ៏ខ្ជាប់ខ្ជួនម្នាក់ ដូច្នេះ គេមិនរីករាយឡើងនៅពេលឃើញគ្រឿងស្រវឹងនៅមុខរបស់ខ្លួន។
នៅពេលថ្លែងក្នុងសន្និសីទសារព័ត៌មាន Mustafiបានព្យាយាមដកដបស្រា Estrellaដែលជាដៃគូឧបត្ថម្ភដ៏ធំចេញពីមុខរបស់ខ្លួន ប៉ុន្តែមន្ត្រីបានទាញយកទៅដាក់វិញ។ ដោយសារតែជាការតម្រូវរបស់ក្លិប កីឡាករ Mustafiមិនមានយោបល់អ្វីឡើយ ហើយគេគ្រាន់តែសម្តែងកាយវិការហួសចិត្តប៉ុណ្ណោះ។
យោងតាមរបាយការណ៍ដែលដកស្រង់ដោយ Business Insider គេបានលឺកីឡាករ Mustafiរអ៊ូរទាំងថា៖ «ខ្ញុំមិនចង់ឃើញដបស្រានេះ នៅមុខខ្ញុំនោះឡើយ»៕
សូមទស្សនាឃ្លីបវីដេអូ ដូចខាងក្រោម៖
© រក្សាសិទ្ធិដោយ thmeythmey.com