កីឡាជាតិ
ជាតិ
×![]()
ដោយ: ថ្មីៗ
អ្នកប្រដាល់ចំនួន ៥៤៥នាក់ ក្នុងនោះកីឡាការិនីចំនួន៨នាក់ មកពី ១៨ រាជធានី-ខេត្ត បានចួលរួមប្រកួតកីឡាប្រដាល់ក្បាច់បុរាណខ្មែរ និងសាកលជ្រើសរើសជើងឯកជាតិ ប្រចាំឆ្នាំ២០១៥ ដែលចាប់ផ្តើមកាលពីរសៀលថ្ងៃទី១៩ ខែតុលា ដោយគ្រោងបញ្ចប់នៅថ្ងៃទី២៨ ខែតុលាខាងមុខនេះនៅពហុកីឡដ្ឋានជាតិអូឡាំពិក។
សម្រាប់ការប្រកួតប្រដាល់ក្បាច់បុរាណខ្មែរ មានកីឡាករចូលរួមចំនួន៣១៦នាក់ ឯប្រដាល់សាកលមានកីឡាករ២២១នាក់ នៅក្នុងការប្រកួតបែងចែកជា ២ ក្របខ័ណ្ឌ ក១ និងក២ ទៅតាមប្រភេទវិញ្ញាសា។ ចំណែកកីឡាការិនីទាំង៨នាក់នោះ ត្រូវប្រកួតលើជំនាញប្រដាល់សាកល លើប្រភេទទម្ងន់តែមួយប៉ុណ្ណោះ។ ហើយសម្រាប់កីឡាករ កីឡាការនីដែលចូលរួមប្រកួត ត្រូវមានអាយុមិនក្រោម១៦ឆ្នាំ និងមិនលើស៣០ឆ្នាំ។
«គ្រូបង្វឹក និងមន្ត្រីដឹកនាំទាំងអស់ ត្រូវធ្វើការណែនាំកីឡាកររបស់ខ្លួនឲ្យគោរពវិន័យទាំងមុនពេលប្រកួត និងក្នុងពេលប្រកួត ដើម្បីធ្វើឲ្យការប្រកួតដំណើរការទៅបានល្អ សម្រាប់ការហូបចុក និងស្នាក់នៅត្រូវប្រកបដោយអនាម័យត្រឹមត្រូវ ហើយនៅក្នុងអំឡុងពេលប្រកួតនេះខ្ញុំនឹងដាក់ពេទ្យឲ្យប្រចាំការ២៤ម៉ោងក្នុងទីស្នាក់ការសហព័ន្ធ»។ នេះបើយោងតាម លោក តែម ម៉ឺន ប្រធានសហព័ន្ធកីឡាប្រដាល់កម្ពុជា។
ថ្នាក់ដឹកនាំសហព័ន្ធកីឡាប្រដាល់កម្ពុជា សហការជាមួយនាយកដ្ឋានអប់រំ និងកីឡា បើកកិច្ចប្រជុំគណៈកម្មការបច្ចេកទេស កាលពីថ្ងៃអាទិត្យ ទី១៨ ខែតុលា ដើម្បីធ្វើការណែនាំដល់មន្ត្រីបច្ចេកទេសទាំងអស់ ធ្វើយ៉ាងណាជំរុញឱ្យការប្រកួតឆ្នាំនេះ ប្រព្រឹត្តទៅប្រកបដោយប្រសិទ្ធភាពខ្ពស់ និងទទួលបានលទ្ធផលល្អប្រសើរ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
