អត្តពលិកកម្ពុជាជាប់ជ័យលាភីច្រើនក្នុងការរត់ប្រណាំងនៅបូកគោ

កីឡាជាតិ

ជាតិ

អត្តពលិកកម្ពុជាជាប់ជ័យលាភីច្រើនក្នុងការរត់ប្រណាំងនៅបូកគោ

24, Oct 2015 , 4:02 pm

រូបភាព

ដោយ:

អត្តពលិកកម្ពុជាទទួលបានចំណាត់ថ្នាក់លេខមួយនៅរាល់វិញ្ញាសានៃការប្រកួតរត់ប្រណាំងអន្តជាតិពាក់កណ្តាលម៉ារ៉ាតុង ដែលប្រព្រឹត្តទៅនៅភ្នំបូកគោ ខេត្តកំពត នាថ្ងៃទី២៤ ខែតុលា ឆ្នាំ២០១៥ នេះ។

នៅក្នុងវិញ្ញាសា២១គីឡូម៉ែត្រ កីឡាករ ម៉ា វីរ៉ូ បានទទួលចំណាត់ថ្នាក់លេខមួយផ្នែកបុរស ខណៈ លេខមួយផ្នែកនារី បានទៅលើកីឡាការិនីអៀរឡង់ Jill Hamill។ កីឡាករអង់គ្លេស Neil Burns និងកីឡាការិនីបារាំង Veronique Messina បានលេខ២ ខណៈនាយ យ៉ាន ជនជាតិបារាំង និងជាអ្នកយកព័ត៌មានរបស់សារព័ត៌មានថ្មីៗផងដែរនោះ ស្ថិតនៅចំណាត់លេខ៣ជាមួយកីឡាការិនីកាណាដា Denise Reesor។

ក្នុងវិញ្ញាសា១០គីឡូម៉ែត្រ កីឡាករ កង ធឿន ក្លាយជាម្ចាស់ជើងឯកផ្នែកបុរស ហើយកីឡាការិនីអាមេរិក Olivia Harrow ទទួលបានជ័យលាភីផ្នែកនារី។ អត្តពលិកកម្ពុជា កីឡាករ ឈុន ប៊ុនធឿន និងកីឡាការិនី ហេង ម៉ីជូ បានចំណាត់ថ្នាក់លេខ២ ហើយលេខ៣ បានទៅលើកីឡាករបារាំង Christian Debenath និងកីឡាការិនីអាមេរិក Tanya Peitay។

សម្រាប់វិញ្ញាសា៥គីឡូម៉ែត្រ កីឡាករ ដេត សុវណ្ណ ភូមិន្ទ ជាប់ជ័យលាភីលេខ១ ផ្នែកបុរស ចំណែកកីឡាការិនីអាមេរិក Izzy Izzard បានលេខ១ផ្នែកនារី។ ចំពោះចំណាត់ថ្នាក់លេខ២ និងលេខ៣ អត្តពលិកកម្ពុជាដណ្តើមបានទាំងផ្នែកនារី និងបុរស។

បន្ថែមពីលើនេះ អត្តពលិកកម្ពុជាបីរូបដណ្តើមបានជ័យលាភីលើវិញ្ញាសា៣គីឡូម៉ែត្រ ដោយកីឡាករ ថៃ សុគន្ធ បានលេខមួយ យ៉ាត សុភ័ក្ត្រ បានលេខពីរ និងញ៉រ គឹមសី បានលេខបី៕