អន្តរជាតិ
×![]()
ដោយ: ធីតា
មិត្តរួមការងារទាំងអស់ប្រហែលជាទ្រាំលែងបាននឹងក្លិនស្អុយបំពុលបរិយាកាស ក្នុងបន្ទប់ធ្វើការរាល់ហើយមើលទៅ។ លោក Richard Clem ជនជាតិអាមេរិកាំង អាយុ ៧០ ឆ្នាំត្រូវបណ្តេញចេញពីការងារ ដោយសារតែគាត់ផោមបំពុលមិត្តរួមការងារ ជារៀងរាល់ថ្ងៃ។
បន្ទាប់ពីត្រូវបណ្តេញចេញ បុរសចំណាស់នេះ និងភរិយារបស់គាត់ដែលបម្រើការក្នុងក្រុមហ៊ុនតែមួយនោះ បានដាក់ពាក្យបណ្តឹង។ ប្តីប្រពន្ធនេះបានចាត់ទុកថា នេះជាទង្វើរើសអើង។ ភរិយារបស់លោក Richard បានលាឈប់ពីការងារភ្លាមៗ ក្រោយពីគេបញ្ឈប់ស្វាមី ដោយសារតែមិនអាចទទួលយកនូវភាពរើសអើងនេះបាន។
មុននឹងឈានដល់ការបញ្ឈប់ពីការងារ នាយកក្រុមហ៊ុនធ្លាប់បានប្រាប់ឲ្យលោក Richard ធ្វើការពីផ្ទះមក ព្រោះថាអតិថិជនមួយចំនួនបានត្អូញត្អែរថា មិនអាចទ្រាំទ្រនឹងក្លិនផោមរបស់លោកបានទេ។
មូលហេតុដែលធ្វើឲ្យបុរសចំណាស់នេះផោមមិនឈប់ឈរ គឺមកពីបញ្ហាសុខភាព។ ដើមឡើយ គាត់មានទម្ងន់រហូតដល់ ១៩០ គីឡូក្រោម។ បន្ទាប់ពីធ្វើការវះកាត់ក្រពះមក គាត់បានស្រកទម្ងន់អស់ ៥៥ គីឡូក្រោម ព្រោះគាត់រាករូសឥតឈប់ឈរ ថែមទាំងផោមជារឿយៗទៀត។ ទីបំផុត ស្ថានភាពជំងឺរបស់គាត់ធ្វើឲ្យគាត់ត្រូវបាត់បង់ការងារ។
ប្តីប្រពន្ធទាំងពីរដាក់ពាក្យបណ្តឹងទាមទារប្រាក់សងជំងឺចិត្ត ហើយសំណូមពរឲ្យអតីតមិត្តរួមការងាររបស់ពួកគេរៀនក្រមសីលធម៌ឡើងវិញ៕
Tag:
ប្លែក
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
