ជាតិ
×![]()
លោក សម រង្ស៊ី បានបញ្ចប់ការសិក្សានៅក្នុងអំឡុងឆ្នាំ១៩៧៥ នៅប្រទេសបារាំង។ បច្ចុប្បន្ននេះ លោក សម រង្ស៊ី គឺជាប្រធានគណបក្សសង្គ្រោះជាតិ ។ ប៉ុន្ដែមុននឹងក្លាយជាអ្ននយោបាយ លោក សម រង្ស៊ី ក៏ធ្លាប់បម្រើការងារជាអ្នកកាសែតម្នាក់ដែរ។
ក្នុងអំឡុងពេលបញ្ចប់ការសិក្សានោះ លោក សម រង្ស៊ី បានបម្រើការងារនៅធនាគារមួយនៅទីក្រុងប៉ារីស។ ហើយលោក ក៏ឆ្លៀតពេលបម្រើការងារជាអ្នកកាសែត អស់រយៈពេលប្រមាណជា៤ឆ្នាំដែរ ពោលគឺចាប់ពីឆ្នាំ១៩៧៥ដល់ឆ្នាំ១៩៧៩ ។
ប្រធានគណបក្សសង្គ្រោះជាតិរូបនេះ បានសរសេរនៅលើហ្វេសប៊ុកខ្លួនដូច្នេះថា៖«អ្នកខ្លះតែងតែសួរខ្ញុំថា សម័យខ្មែរក្រហម ខ្ញុំនៅឯណា ហើយធ្វើអី? កាលពីឆ្នាំ ១៩៧៥ ខ្ញុំទើបតែរៀនចប់នៅប្រទេសបារាំង ហើយចាប់ផ្តើមធ្វើការនៅធនាគារមួយនៅទីក្រុងប៉ារីស។ ពីឆ្នាំ ១៩៧៥ ដល់ឆ្នាំ ១៩៧៩ ខ្ញុំឆ្លៀតពេល ក្រៅម៉ោងធ្វើការចិញ្ចឹមជីវិត ដើម្បីសរសេរ ចាត់ចែង និង ផ្សព្វផ្សាយ ព្រឹត្តិបត្រព័ត៌មាន មួយឈ្មោះ សេរីកា (Sereika) សម្លេងកម្ពុជាសេរី (La voix du Cambodge libre) ក្នុងគោលបំណង លាតត្រដាងស្ថានការណ៍ពិតនៅប្រទេសកម្ពុជាឲ្យអន្តរជាតិបានដឹងឮ ព្រមទាំងប្រឆាំងពួកខ្មែរក្រហមប្រល័យពូជសាសន៍ តាមផ្លូវនយោបាយ និងផ្លូវទូត»។
Tag:
លោក សម រង្ស៊ី
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
