ជាតិ
នយោបាយអន្តរជាតិ
លោកអូបាម៉ាផ្ញើសារអបអរថ្វាយព្រះមហាក្សត្រកម្ពុជាក្នុងឱកាសបុណ្យឯករាជ្យជាតិ
×![]()
ដោយ: ថ្មីៗ
ប្រធានាធិបតីសហរដ្ឋអាមេរិក លោក បារ៉ាក់ អូបាម៉ា បានសរសេរលិខិតអបអរសាទរថ្វាយព្រះមហាក្សត្រ ព្រះករុណា សម្ដេចព្រះបរមនាថ នរោត្តម សីហមុនី ក្នុងឱកាសខួបទី ៦២នៃខួបបុណ្យឯករាជ្យជាតិកម្ពុជា ដែលនឹងធ្វើឡើងនៅថ្ងៃទី៩ ខែវិច្ឆកាខាងមុខនេះ។
ក្នុងលិខិតចុះថ្ងៃទី៣ ខែវិច្ឆិកា លោក អូបាម៉ា បានអបអរសាទរប្រជាជនកម្ពុជានាខួបទី៦២ថ្ងៃបុណ្យឯករាជ្យជាតិ។ លោកក៏បានគូសបញ្ជាក់ពីដំណើរទស្សនកិច្ចរបស់ភរិយាខ្លួនលោកស្រី មីឆែល មកប្រទេសកម្ពុជាកាលពីពេលកន្លងទៅដោយបានបង្ហាញពីមិត្តភាពដ៏ជ្រាលជ្រៅរវាងប្រជាជនអាមេរិកនិងប្រជាជនកម្ពុជា។ លិខិតដដែលបានបន្តថា លោកនឹងបន្តពង្រឹងមិត្តភាពក៏ដូចជាសុខដុមរមនីយកម្មសម្រាប់ជាប្រយោជន៍នៃប្រជាជនប្រទេសទាំងពីរ។
នៅចុងបញ្ចប់នៃលិខិត លោកអូបាម៉ាបានជូនពរប្រជាជនកម្ពុជាទាំងក្នុងនិងក្រៅប្រទេស ឱ្យមានសុខភាពល្អនិងភាពរីករាយក្នុងឱកាសការប្រារព្ធខ្ួបទី៦២នៃបុណ្យឯករាជជាតិ។
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
