បក្សលោកស្រី អ៊ុងសាន ស៊ូជី ឈ្នះឆ្នោតអាចបង្កើតរដ្ឋាភិបាលតែឯងបាន

អន្តរជាតិ

នយោបាយអន្តរជាតិ

បក្សលោកស្រី អ៊ុងសាន ស៊ូជី ឈ្នះឆ្នោតអាចបង្កើតរដ្ឋាភិបាលតែឯងបាន

09, Nov 2015 , 4:26 pm

រូបភាព

ដោយ: ថ្មីៗ

ទូរទស្សន៍សិង្ហបុរី Channel NewsAsia ដែលដកស្រង់សម្តីអ្នកនាំពាក្យបក្សប្រឆាំង បានផ្តល់តួលេខប៉ាន់ស្មានចុងក្រោយដោយបញ្ជាក់ថា គណបក្សប្រឆាំងរបស់លោកស្រី អ៊ុងសាន ស៊ូជី ទទួលជោគជ័យ៧០%នៃអាសនៈរដ្ឋសភាជាតិដែលអនុញ្ញាតឲ្យគណបក្សប្រឆាំងបង្កើតរដ្ឋាភិបាលតែម្នាក់ឯងបាន។

គណបក្សលោក អ៊ុងសាន ស៊ូជី បានទទួលសំឡេងគាំទ្រប្រមាណ៨០ភាគរយនៃសន្លឹកឆ្នោតដែលបានរាប់រួចក្នុងមណ្ឌលបោះឆ្នោតដែលមានប្រជាជនច្រើនក្នុងប្រទេសមីយ៉ាន់ម៉ា។ នេះបើយោងតាមអ្នកនាំពាក្យរបស់គណបក្សប្រឆាំងលោក Win Htein ដែលថ្លែងប្រាប់ទូរទស្សន៍សិង្ហបុរី Channel NewsAsia។

អ្នកនាំពាក្យដដែលបន្តថា ក្នុងតំបន់ដែលមិនសូវមានប្រជាជនច្រើន ដូចជា រដ្ឋមន និងរដ្ឋកាយិន គណបក្សសម្ព័ន្ធជាតិដើម្បីប្រជាធិបតេយ្យដណ្ដើមបានសំឡេងចំនួន៦៥ភាគរយ។ រីឯក្នុងតំបន់ Mandalayវិញ គណបក្សប្រឆាំងរបស់លោកស្រី អ៊ុងសាន ស៊ូជីក៏មានសំឡេងនាំមុខដាច់ដែរ៕

ចុចអាន៖ លោក ថេន សេន ព្រមានពីសង្គ្រាមបង្ហូរឈាមប្រសិនបើបក្សខ្លួនចាញ់ឆ្នោត