ជាតិ
នយោបាយជាតិ
លោក ហ៊ុន សែន ថា សម រង្ស៊ី-អ៊ុងសាន ស៊ូជី ជាស្លឹកឈើជ្រុះមិនឆ្ងាយពីគល់ តែខុសត្រង់...
×![]()
ដោយ: ថ្មីៗ
តាមរយៈហ្វេសប៊ុករបស់ខ្លួន ពីពាក់កណ្តាលអាធ្រាត្រ ឈានចូលថ្ងៃព្រហស្បតិ៍នេះ លោកនាយករដ្ឋមន្ត្រី ហ៊ុន សែន បានបញ្ចេញប្រតិកម្មខ្លាំងៗ តបទៅនឹងការប្រៀបធៀបលោក សម រង្ស៊ី ប្រធានគណបក្សសង្គ្រោះជាតិ ទៅនឹងប្រធានគណបក្សប្រឆាំងមីយ៉ាន់ម៉ា លោកស្រី អ៊ុងសាន ស៊ូជី ដែលទទួលបានសំឡេងគាំទ្រភ្លូកទឹកភ្លូកដី នាការបោះឆ្នោតតាមបែបប្រជាធិបតេយ្យលើកដំបូងនៅមីយ៉ាន់ម៉ា។ 
«ស្អីនឹងគេដែរ ឯកឧត្តម បើមួយជាភូមា មួយទៀតជាកម្ពុជា និងមួយទៀតឆ្នាំ ២០១៥ហើយ មួយទៀតឆ្នាំ២០១៨។ រឿងរ៉ាវខុសគ្នា របបនយោបាយសេដ្ឋកិច្ចសង្គមខុសគ្នា ភាពលំបាកនិងងាយស្រួលខុសគ្នា សូម្បីតែការបោះឆ្នោតក៏ខុសគ្នា ដែលភូមាមិនដែលបោះឆ្នោត ឯកម្ពុជាបោះឆ្នោត៥ដងរួចមកហើយ»។ នេះជាការចម្ងល់បែបចំអករបស់លោក ហ៊ុន សែន ទៅកាន់លោក សម រង្ស៊ី។
លោកនាយករដ្ឋមន្ត្រី ហ៊ុន សែន បានបញ្ជាក់ថា លោកមិននៅស្ងៀមចំពោះការប្រមាថរបស់កូនជនក្បត់ជាតិបានទេ ហើយលោកទើបមានពេលទំនេរវាយបក បន្ទាប់ពីរវល់ក្នុងពិធីបុណ្យជាតិ និងថ្ងៃកាន់ទុក្ខកូនប្រុសដ៏កម្សត់របស់ខ្លួន។
ជាមួយនឹងសំណេរដ៏វែង អមដោយរូបភាពដែលមានការប្រៀបធៀបគ្នារវាងលោក សម រង្ស៊ី និងលោកស្រី អ៊ុងសាន ស៊ូជី លោកនាយករដ្ឋមន្ត្រី បានសរសេរថា ជ័យជម្នះបក្សប្រឆាំងនៅមីយ៉ាន់ម៉ា នាំឲ្យមេប្រឆាំងនៅកម្ពុជា បើកការវាយប្រហារទៅលើខ្លួនដោយបានបំផ្លាញសារជាថ្មីនូវវប្បធម៌សន្ទនាដែលទើបបាននឹងកំពុងជួសជុល។
លោក ហ៊ុន សែន បានលើកឡើងថា លោក សម រង្ស៊ី និងលោកស្រី អ៊ុនសាន ស៊ូជី ដូចជាស្លឹកដែលជ្រុះមិនឆ្ងាយពីគល់ ប៉ុន្តែត្រង់មួយជាកូនក្បត់ជាតិ។ លោកនាយករដ្ឋមន្ត្រី បានបញ្ជាក់យ៉ាងដូច្នេះថា៖ «បើពុំមានការធ្វើនិតិសម្បទាណាមួយទេ ឯកឧត្តមនៅតែមានឈ្មោះថាជាកូនអាក្បត់ជាតិ។ ពាក្យអាក្បត់ជាតិមិនមែនជាពាក្យខ្ញុំដាក់ទេ តែរាជរដ្ឋាភិបាលសង្គមរាស្ត្រនិយមរបស់ សម្តេចព្រះ នរោត្តម សីហនុ ជាអ្នកប្រសិទ្ធនាមឲ្យ។ ឯកឧត្តមហៅខ្ញុំជាមនុស្សផ្តាច់ការកប់ៗមាត់ ថ្ងៃនេះខ្ញុំហៅឯកឧត្តមថាកូនអាក្បត់ជាតិ»។
លោក ហ៊ុន សែន បានបន្ថែមថា លោកមិនបានដៀលពូជលោក សម រង្ស៊ី ឡើយ តែលោកហៅតាមអ្នកជំនាន់មុនប៉ុណ្ណោះ។ លោកទទួលស្គាល់ថា ពាក្យនេះពិបាកស្តាប់ក្នុងសម័យថ្មី តែលោកមិនហ៊ានកែប្រវត្តិសាស្ត្រ ពីក្បត់ជាតិទៅស្នេហាជាតិ ពីអាក្បត់ជាតិទៅជាឯកឧត្តមក្បត់ជាតិបានទេ។
ជាមួយគ្នានេះផងដែរ លោក ហ៊ុន សែន បានបញ្ជាក់ថា ការបង្ហោះរូបប្រៀបធៀបនេះ គឺលោកយកចេញពីក្នុងហ្វេសប៊ុកមួយ ទោះវាមិនទាន់ពេញលេញ តែវាជាមូលដ្ឋានឲ្យយល់ពីលោកស្រី អ៊ុងសាន ស៊ូជី និងលោកសម រង្ស៊ី។ លោកក៏បានធ្វើការសុំទោសផងដែរចំពោះកំហុសអក្ខរាវិរុទ្ធ និងពាក្យពេចន៍ដោយសារលោកវាយម្នាក់ឯងនៅយប់ស្ងាត់៕
«ស្អីនឹងគេដែរ ឯកឧត្តម បើមួយជាភូមា មួយទៀតជាកម្ពុជា និងមួយទៀតឆ្នាំ ២០១៥ហើយ មួយទៀតឆ្នាំ២០១៨។ រឿងរ៉ាវខុសគ្នា របបនយោបាយសេដ្ឋកិច្ចសង្គមខុសគ្នា ភាពលំបាកនិងងាយស្រួលខុសគ្នា សូម្បីតែការបោះឆ្នោតក៏ខុសគ្នា ដែលភូមាមិនដែលបោះឆ្នោត ឯកម្ពុជាបោះឆ្នោត៥ដងរួចមកហើយ»។ នេះជាការចម្ងល់បែបចំអករបស់លោក ហ៊ុន សែន ទៅកាន់លោក សម រង្ស៊ី។
លោកនាយករដ្ឋមន្ត្រី ហ៊ុន សែន បានបញ្ជាក់ថា លោកមិននៅស្ងៀមចំពោះការប្រមាថរបស់កូនជនក្បត់ជាតិបានទេ ហើយលោកទើបមានពេលទំនេរវាយបក បន្ទាប់ពីរវល់ក្នុងពិធីបុណ្យជាតិ និងថ្ងៃកាន់ទុក្ខកូនប្រុសដ៏កម្សត់របស់ខ្លួន។
ជាមួយនឹងសំណេរដ៏វែង អមដោយរូបភាពដែលមានការប្រៀបធៀបគ្នារវាងលោក សម រង្ស៊ី និងលោកស្រី អ៊ុងសាន ស៊ូជី លោកនាយករដ្ឋមន្ត្រី បានសរសេរថា ជ័យជម្នះបក្សប្រឆាំងនៅមីយ៉ាន់ម៉ា នាំឲ្យមេប្រឆាំងនៅកម្ពុជា បើកការវាយប្រហារទៅលើខ្លួនដោយបានបំផ្លាញសារជាថ្មីនូវវប្បធម៌សន្ទនាដែលទើបបាននឹងកំពុងជួសជុល។
លោក ហ៊ុន សែន បានលើកឡើងថា លោក សម រង្ស៊ី និងលោកស្រី អ៊ុនសាន ស៊ូជី ដូចជាស្លឹកដែលជ្រុះមិនឆ្ងាយពីគល់ ប៉ុន្តែត្រង់មួយជាកូនក្បត់ជាតិ។ លោកនាយករដ្ឋមន្ត្រី បានបញ្ជាក់យ៉ាងដូច្នេះថា៖ «បើពុំមានការធ្វើនិតិសម្បទាណាមួយទេ ឯកឧត្តមនៅតែមានឈ្មោះថាជាកូនអាក្បត់ជាតិ។ ពាក្យអាក្បត់ជាតិមិនមែនជាពាក្យខ្ញុំដាក់ទេ តែរាជរដ្ឋាភិបាលសង្គមរាស្ត្រនិយមរបស់ សម្តេចព្រះ នរោត្តម សីហនុ ជាអ្នកប្រសិទ្ធនាមឲ្យ។ ឯកឧត្តមហៅខ្ញុំជាមនុស្សផ្តាច់ការកប់ៗមាត់ ថ្ងៃនេះខ្ញុំហៅឯកឧត្តមថាកូនអាក្បត់ជាតិ»។
លោក ហ៊ុន សែន បានបន្ថែមថា លោកមិនបានដៀលពូជលោក សម រង្ស៊ី ឡើយ តែលោកហៅតាមអ្នកជំនាន់មុនប៉ុណ្ណោះ។ លោកទទួលស្គាល់ថា ពាក្យនេះពិបាកស្តាប់ក្នុងសម័យថ្មី តែលោកមិនហ៊ានកែប្រវត្តិសាស្ត្រ ពីក្បត់ជាតិទៅស្នេហាជាតិ ពីអាក្បត់ជាតិទៅជាឯកឧត្តមក្បត់ជាតិបានទេ។
ជាមួយគ្នានេះផងដែរ លោក ហ៊ុន សែន បានបញ្ជាក់ថា ការបង្ហោះរូបប្រៀបធៀបនេះ គឺលោកយកចេញពីក្នុងហ្វេសប៊ុកមួយ ទោះវាមិនទាន់ពេញលេញ តែវាជាមូលដ្ឋានឲ្យយល់ពីលោកស្រី អ៊ុងសាន ស៊ូជី និងលោកសម រង្ស៊ី។ លោកក៏បានធ្វើការសុំទោសផងដែរចំពោះកំហុសអក្ខរាវិរុទ្ធ និងពាក្យពេចន៍ដោយសារលោកវាយម្នាក់ឯងនៅយប់ស្ងាត់៕
Tag:
វប្បធម៌សន្ទនា
ហ៊ុន សែន
សម រង្ស៊ី
អ៊ុងសាន ស៊ូជី
© រក្សាសិទ្ធិដោយ thmeythmey.com
