ជាតិ
នយោបាយជាតិ
ក្រសួងការបរទេស៖គ្មានពលរដ្ឋខ្មែរស្លាប់ ឬរងគ្រោះដោយសារអំពើភេរវកម្មនៅបារាំងឡើយ នៅទីបំផុតទៅក្រសួងការបរទេសកម្ពុជា បានចេញមុខប្រកាសអះអាងថា អំពើភេរវកម្មនៅកណ្តាលទីក្រុងប៉ារីសដែលបានសម្លាប់មនុស្សប្រមាណ ១៥០ នាក់ កាលពីថ្ងៃសុក្រនោះ មិនមានជនជាតិខ្មែរណាម្នាក់ស្លាប់ ឬរងគ្រោះនោះទេ។
ការប្រកាសរបស់ក្រសួងការបរទេសកម្ពុជាតាមរយៈទំព័រហ្វេសប៊ុកនេះ បានធ្វើឡើង បន្ទាប់ពីមានការព្រួយបារម្ភថា អាចនឹងមានពលរដ្ឋខ្មែររងគ្រោះក្នុងហេតុការណ៍នេះ ពីព្រោះតែការវាយប្រហារនោះធ្វើឡើងនៅកណ្តាលទីក្រុងប៉ារីស ហើយភោជនីយដ្ឋានខ្មែរមួយកន្លែងក៏ទទួលរងគ្រោះដោយសារអំពើឃោរឃៅនេះដែរ។ © រក្សាសិទ្ធិដោយ thmeythmey.com