ជាតិ
លោក ហ៊ុន សែន ទៅស្ថានទូតបារាំងដើម្បីចូលរួមរំលែកទុក្ខរដ្ឋាភិបាល និងពលរដ្ឋបារាំង
×
លោកនាយករដ្ឋមន្ត្រី ហ៊ុន សែន នាព្រឹកថ្ងៃទី១៦ ខែវិច្ឆិកា នេះ បានដឹកនាំប្រតិភូរដ្ឋាភិបាលកម្ពុជាទៅស្ថានទូតបារាំងដើម្បីចូលរួមរំលែកទុក្ខជាមួយរដ្ឋាភិបាល និងប្រជាពលរដ្ឋបារាំង ដែលទទួលរងគ្រោះដោយអំពើភេរវកម្មក្នុងទីក្រុងប៉ារីស កាលពីថ្ងៃសុក្រ ទី១៣ ខែវិច្ឆិកា។
មេដឹកនាំរដ្ឋាភិបាលកម្ពុជា បានថ្កោលទោសយ៉ាងខ្លាំងចំពោះការវាយប្រហារភេរវកម្មដ៏គួរឲ្យស្អប់ខ្ពើមនេះ។ លោកលើកឡើងថា អំពើភេរវកម្មដែលសម្លាប់មនុស្សអស់១២៩នាក់ និងរបួសជាង៣០០នាក់ គឺជាអំពើឧក្រិដ្ឋកម្មមិនមែនតែសម្រាប់ពលរដ្ឋបារាំងទេ ប៉ុន្តែជាអំពើឧក្រិដ្ឋកម្មប្រឆាំងនឹងមនុស្សជាតិទូទៅ ដែលត្រូវតែទប់ស្កាត់អោយបាន។
លោកបានបន្ថែមថា កម្ពុជាគឺឈរជាមួយពលរដ្ឋ និងរដ្ឋាភិបាលបារាំងព្រមទាំងជាមួយប្រទេសដទៃៗទៀត ដើម្បីទប់ស្កាត់និងឈានទៅបំបាត់ទាំងស្រុងនូវអំពើភេកម្មគ្រប់ប្រភេទដែលប្រឆាំងនឹងមនុស្សជាតិ៕
© រក្សាសិទ្ធិដោយ thmeythmey.com