តំណាងរាស្ត្រCNRP នឹងដាក់សំណើទៅលោក សម រង្ស៊ី ម្តងទៀត ក្រោយកិច្ចប្រជុំរសៀលនេះ

ជាតិ

នយោបាយជាតិ

តំណាងរាស្ត្រCNRP នឹងដាក់សំណើទៅលោក សម រង្ស៊ី ម្តងទៀត ក្រោយកិច្ចប្រជុំរសៀលនេះ

18, Nov 2015 , 12:43 pm

រូបភាព

ដោយ: ថ្មីៗ

ប្រធានស្តីទីគណបក្សសង្គ្រោះជាតិ លោក ប៉ុល ហំម បានប្រាប់សារព័ត៌មានថ្មីៗថា នៅរសៀលនេះ ក្រុមតំណាងរាស្ត្ររបស់គណបក្សសង្គ្រោះជាតិទាំងអស់ដែលមានវត្តមាននៅក្នុងប្រទេសកម្ពុជា និងសមាជិកព្រឹទ្ធសភា គណបក្សសម រង្ស៊ី នឹងជួបប្រជុំគ្នានៅស្នាក់ការកណ្តាលគណបក្ស នាវេលាម៉ោង ២ រសៀល នៅសង្កាត់ចាក់អង្រែក្រោម។

បើតាមលោក ប៉ុល ហំម កិច្ចប្រជុំដែលដឹកនាំដោយរូបលោកក្នុងនាមជាប្រធានស្តីទី នឹងលើកឡើងពីការវិលត្រឡប់របស់លោក សម រង្ស៊ី មកកាន់ប្រទេសកម្ពុជាវិញ និងស្ថានការណ៍នយោបាយបច្ចុប្បន្ន។

ទាក់ទងនឹងបញ្ហានេះលោក អេង ឆៃអ៊ាង មន្ត្រីស្និទ្ធនឹងលោក សម រង្ស៊ី បានប្រាប់កាសែត Cambodia Daily កាលម្សិលមិញថា ក្រោយពីកិច្ចប្រជុំនេះ គណបក្សសង្គ្រោះជាតិ នឹងដាក់សំណើទៅលោក សម រង្ស៊ី ដើម្បីឲ្យលោកប្រមុខបក្សប្រឆាំងសម្រេចចិត្តជុំវិញដំណើរមកកាន់កម្ពុជារបស់លោក។ ជាមួយគ្នានេះ លោក អេង ឆៃអ៊ាង ក៏បានបដិសេធនូវព័ត៌មានដែលបានផ្សាយថា លោក សម រង្ស៊ី នឹងត្រឡប់មកកម្ពុជានៅថ្ងៃទី ១៩ ខែវិច្ឆិកា ដែរ៕