អន្តរជាតិ
×![]()
បុរសខ្លាំងរុស្ស៊ីលោក វ្ល៉ាឌីមៀ ពូទីន បានប្រកាសថា រុស្ស៊ីនឹងសងសឹកដោយដាក់ទណ្ឌកម្មក្រុមរដ្ឋឥស្លាម ទោះក្រុមនេះស្ថិតនៅទីណាក៏ដោយ។ មេដឹកនាំរុស្ស៊ីបានអះអាងដូច្នេះក្រោយពេលដែល ក្រុមស៊ើបអង្កេតរុស្ស៊ីប្រកាសថា ក្រុមភេរវជនរដ្ឋឥស្លាមនៅស៊ីរីនិងអ៊ីរ៉ាក់នេះឯងជាអ្នកនៅពីក្រោយការធ្លាក់យន្តហោះរុស្ស៊ីនៅអេហ្ស៊ីប។
សូមស្តាប់ព័ត៌មានលម្អិត៖
និយាយក្នុងទឹកមុខប្រកបដោយកំហឹង លោក វ្ល៉ាឌីមៀ ពូទីន បានសន្យាថានឹងតាមព្យាបាទក្រុមរដ្ឋឥស្លាម និងដាក់ទណ្ឌកម្មក្រុមនេះឲ្យសមនឹងអំពើដែលពួកគេបានប្រព្រឹត្តកន្លងមក។ លោក ពូទីន ក្តៅក្រហាយខ្លាំងដោយសារក្រុមភេរវជននេះបន្តអុកឡុកពិភពលោក និងគំរាមកំហែងជីវិតប្រជាជនរុស្ស៊ី។
លោក ពូទីនបានលើកឡើងថា៖« យើងនឹងស្វែងរកក្រុមនេះនៅគ្រប់ទីកន្លែងទាំងអស់នៅលើពិភពលោក ហើយនិងដាក់ទណ្ឌកម្មពួកគេ»។ សម្តីរបស់លោក ពូទីន បញ្ជាក់កាន់តែច្បាស់ហើយថា ទោះក្រុមនេះលាក់ខ្លួននៅទីណាក៏ដោយ រុស្ស៊ីនឹងមិនខ្លាចតាមកម្ចាត់ក្រុមនេះទេ។
តាមពិតទៅលោក ពូទីន ខឹងខ្លាំងបែបនេះក្រោយពេលដែលក្រុមស៊ើបអង្កេតបានប្រកាសថា យន្តហោះស៊ីវិលរបស់រុស្ស៊ីដែលធ្លាក់នៅស៊ីណៃនោះគឺដោយសារស្នាដៃរបស់ក្រុមភេរវជន។ ការគំរាមកំហែងជីវិតប្រជាជនរុស្ស៊ីនេះហើយដែលធ្វើឲ្យលោក ពូទីន ខឹងខ្លាំងណាស់នោះ។
គេឃើញថា យន្តហោះចម្បាំងរុស្ស៊ីដែលបានចាប់ផ្តើមប្រតិបត្តិការកម្ទេចក្រុមរដ្ឋឥស្លាមនៅស៊ីរីតាំងពីចុងខែកញ្ញាកន្លងមកនោះបានបង្កើនសកម្មភាពរបស់ខ្លួនកាន់តែខ្លាំងដោយវាយសន្ធប់លើទីតាំងសំខាន់ៗរបស់ក្រុមភេរវជនរដ្ឋឥស្លាម។
-រុស្ស៊ីដង្ហើយឲ្យលោកខាងលិចនិងខាងកើតសហការគ្នាតបតសង្គ្រាមប្រឆាំងអារ្យប្រទេស
ក្រោយក្រុមភេរវជនអុកឡុកអឺរ៉ុប រដ្ឋាភិបាលរុស្ស៊ី បានចាប់ផ្តើមអំពាវនាវឲ្យបណ្តារដ្ឋទាំងអស់សាមគ្គី និងរួមដៃគ្នាដោះស្រាយបញ្ហាសន្តិសុខដោយបញ្ចប់ចលនាភេរវកម្មនេះ។ ក្នុងវេទិកាសហប្រតិបត្តិការសេដ្ឋកិច្ចអាស៊ីប៉ាស៊ីហ្វិកនៅហ្វីលីពីន នាយករដ្ឋមន្ត្រីរុស្ស៊ីលោក Dmitry Medvedev បានដង្ហើយឲ្យបណ្តាប្រទេសមហាអំណាចលោកខាងលិចនិងខាងកើតពួតដៃគ្នាដើម្បីប្រឆាំងសត្រូវរួម។ មន្ត្រីកំពូលរុស្ស៊ីរូបនេះបានហៅការអុកឡុករបស់ក្រុមភេរវជនរដ្ឋឥស្លាមថាជា «សង្គ្រាមប្រឆាំងអារ្យប្រទេស» ហើយលោកចាត់ទុកឲ្យរុស្ស៊ីឯកោររបស់លោកខាងលិចកន្លងមកជាកំហុសឆ្គងមួយផងដែរ។ នាយករដ្ឋមន្ត្រីរូបនេះរូបនេះក៏បានឆ្លៀតព្រលះលោកខាងលិចផងដែរជុំវិញបញ្ហាអសមត្ថភាពក្នុងការបង្កើតយុទ្ធសាស្ត្រប្រឆាំងភេរវជន។ លោកបានគូសបញ្ជាក់ថា ប្រទេសមហាអំណាចមួយក៏អាចធ្វើសង្គ្រាមប្រឆាំងភេរវជនបានដែរ ប៉ុន្តែបើប្រទេសមហាអំណាចច្រើនរួមគ្នាដើម្បីកម្ចាត់ភេរវជន វានឹងកាន់តែពិសេសនិងមានប្រសិទ្ធភាព។
-រុស្ស៊ីឈានទៅសហការជាមួយអាមេរិកនិងបារាំង
បច្ចុប្បន្ននេះ រុស្ស៊ីមិនមែនតាមកម្ចាត់ក្រុមភេរវជនរដ្ឋឥស្លាមម្នាក់ឯងទេ។ ក្រៅពីសហការជាមួយដៃគូក្នុងតំបន់ដូចជារដ្ឋាភិបាលលោក បាសា អាសាដ រដ្ឋាភិបាលអ៊ីរ៉ង់ និងក្រុមហេស្បូឡា រុស្ស៊ីក៏កំពុងតែឈានទៅរកការសហការជាមួយបណ្តាប្រទេសមហាអំណាចលោកខាងលិចមានបារាំងនិងអាមេរិកជាដើម។ ជំនួបរវាងលោក ពូទីន និងលោក បារ៉ាក់ អូបាម៉ានៅក្រៅកិច្ចប្រជុំប្រទេស២០នៅតួកគី បានត្រួសត្រាយផ្លូវសម្រាប់មេដឹកនាំទាំងក្នុងការឈានទៅបញ្ចប់ជម្លោះរ៉ាំរ៉ៃនៅស៊ីរី និងឈានទៅសហការគ្នាកម្ចាត់ចលនាភេរវកម្ម។ ប៉ុន្តែលោក ពូទីន ក៏ឆ្លៀតបរិហារប្រទេសលោកខាងលិចជាសមាជិកក្រុមប្រទេស២០មួយចំនួនផងដែរ ដែលបានរកស៊ីជាមួយក្រុមរដ្ឋឥស្លាម។
ដោយឡែករុស្ស៊ីក៏នឹងប្រកៀកស្មារជាមួយរដ្ឋាភិបាលក្រុងប៉ារីសដើម្បីប្រមាញ់ក្រុមភេរវជនដូចគ្នាដែរ។ លោក ហ្វ្រង់ស្វ័រហូឡង់ បានប្រកាសស្រេចថាលោកនឹងទៅម៉ូស្គូ ដើម្បីសុំការគាំទ្រពីរដ្ឋាភិបាលក្រេមឡាំង ក្នុងការពង្រឹងយុទ្ធសាស្ត្រកម្ចាត់ក្រុមភេរវជន។ ដោយសារលោកខាងលិចត្រូវការការសហការពីរុស្ស៊ីដើម្បីកម្ចាត់ក្រុមភេរវជន វិបត្តិអ៊ុយក្រែនត្រូវគេផ្អឹបទុកមួយឡែកសិន៕
សូមស្តាប់ព័ត៌មានលម្អិត៖
និយាយក្នុងទឹកមុខប្រកបដោយកំហឹង លោក វ្ល៉ាឌីមៀ ពូទីន បានសន្យាថានឹងតាមព្យាបាទក្រុមរដ្ឋឥស្លាម និងដាក់ទណ្ឌកម្មក្រុមនេះឲ្យសមនឹងអំពើដែលពួកគេបានប្រព្រឹត្តកន្លងមក។ លោក ពូទីន ក្តៅក្រហាយខ្លាំងដោយសារក្រុមភេរវជននេះបន្តអុកឡុកពិភពលោក និងគំរាមកំហែងជីវិតប្រជាជនរុស្ស៊ី។
លោក ពូទីនបានលើកឡើងថា៖« យើងនឹងស្វែងរកក្រុមនេះនៅគ្រប់ទីកន្លែងទាំងអស់នៅលើពិភពលោក ហើយនិងដាក់ទណ្ឌកម្មពួកគេ»។ សម្តីរបស់លោក ពូទីន បញ្ជាក់កាន់តែច្បាស់ហើយថា ទោះក្រុមនេះលាក់ខ្លួននៅទីណាក៏ដោយ រុស្ស៊ីនឹងមិនខ្លាចតាមកម្ចាត់ក្រុមនេះទេ។
តាមពិតទៅលោក ពូទីន ខឹងខ្លាំងបែបនេះក្រោយពេលដែលក្រុមស៊ើបអង្កេតបានប្រកាសថា យន្តហោះស៊ីវិលរបស់រុស្ស៊ីដែលធ្លាក់នៅស៊ីណៃនោះគឺដោយសារស្នាដៃរបស់ក្រុមភេរវជន។ ការគំរាមកំហែងជីវិតប្រជាជនរុស្ស៊ីនេះហើយដែលធ្វើឲ្យលោក ពូទីន ខឹងខ្លាំងណាស់នោះ។
គេឃើញថា យន្តហោះចម្បាំងរុស្ស៊ីដែលបានចាប់ផ្តើមប្រតិបត្តិការកម្ទេចក្រុមរដ្ឋឥស្លាមនៅស៊ីរីតាំងពីចុងខែកញ្ញាកន្លងមកនោះបានបង្កើនសកម្មភាពរបស់ខ្លួនកាន់តែខ្លាំងដោយវាយសន្ធប់លើទីតាំងសំខាន់ៗរបស់ក្រុមភេរវជនរដ្ឋឥស្លាម។
-រុស្ស៊ីដង្ហើយឲ្យលោកខាងលិចនិងខាងកើតសហការគ្នាតបតសង្គ្រាមប្រឆាំងអារ្យប្រទេស
ក្រោយក្រុមភេរវជនអុកឡុកអឺរ៉ុប រដ្ឋាភិបាលរុស្ស៊ី បានចាប់ផ្តើមអំពាវនាវឲ្យបណ្តារដ្ឋទាំងអស់សាមគ្គី និងរួមដៃគ្នាដោះស្រាយបញ្ហាសន្តិសុខដោយបញ្ចប់ចលនាភេរវកម្មនេះ។ ក្នុងវេទិកាសហប្រតិបត្តិការសេដ្ឋកិច្ចអាស៊ីប៉ាស៊ីហ្វិកនៅហ្វីលីពីន នាយករដ្ឋមន្ត្រីរុស្ស៊ីលោក Dmitry Medvedev បានដង្ហើយឲ្យបណ្តាប្រទេសមហាអំណាចលោកខាងលិចនិងខាងកើតពួតដៃគ្នាដើម្បីប្រឆាំងសត្រូវរួម។ មន្ត្រីកំពូលរុស្ស៊ីរូបនេះបានហៅការអុកឡុករបស់ក្រុមភេរវជនរដ្ឋឥស្លាមថាជា «សង្គ្រាមប្រឆាំងអារ្យប្រទេស» ហើយលោកចាត់ទុកឲ្យរុស្ស៊ីឯកោររបស់លោកខាងលិចកន្លងមកជាកំហុសឆ្គងមួយផងដែរ។ នាយករដ្ឋមន្ត្រីរូបនេះរូបនេះក៏បានឆ្លៀតព្រលះលោកខាងលិចផងដែរជុំវិញបញ្ហាអសមត្ថភាពក្នុងការបង្កើតយុទ្ធសាស្ត្រប្រឆាំងភេរវជន។ លោកបានគូសបញ្ជាក់ថា ប្រទេសមហាអំណាចមួយក៏អាចធ្វើសង្គ្រាមប្រឆាំងភេរវជនបានដែរ ប៉ុន្តែបើប្រទេសមហាអំណាចច្រើនរួមគ្នាដើម្បីកម្ចាត់ភេរវជន វានឹងកាន់តែពិសេសនិងមានប្រសិទ្ធភាព។
-រុស្ស៊ីឈានទៅសហការជាមួយអាមេរិកនិងបារាំង
បច្ចុប្បន្ននេះ រុស្ស៊ីមិនមែនតាមកម្ចាត់ក្រុមភេរវជនរដ្ឋឥស្លាមម្នាក់ឯងទេ។ ក្រៅពីសហការជាមួយដៃគូក្នុងតំបន់ដូចជារដ្ឋាភិបាលលោក បាសា អាសាដ រដ្ឋាភិបាលអ៊ីរ៉ង់ និងក្រុមហេស្បូឡា រុស្ស៊ីក៏កំពុងតែឈានទៅរកការសហការជាមួយបណ្តាប្រទេសមហាអំណាចលោកខាងលិចមានបារាំងនិងអាមេរិកជាដើម។ ជំនួបរវាងលោក ពូទីន និងលោក បារ៉ាក់ អូបាម៉ានៅក្រៅកិច្ចប្រជុំប្រទេស២០នៅតួកគី បានត្រួសត្រាយផ្លូវសម្រាប់មេដឹកនាំទាំងក្នុងការឈានទៅបញ្ចប់ជម្លោះរ៉ាំរ៉ៃនៅស៊ីរី និងឈានទៅសហការគ្នាកម្ចាត់ចលនាភេរវកម្ម។ ប៉ុន្តែលោក ពូទីន ក៏ឆ្លៀតបរិហារប្រទេសលោកខាងលិចជាសមាជិកក្រុមប្រទេស២០មួយចំនួនផងដែរ ដែលបានរកស៊ីជាមួយក្រុមរដ្ឋឥស្លាម។
ដោយឡែករុស្ស៊ីក៏នឹងប្រកៀកស្មារជាមួយរដ្ឋាភិបាលក្រុងប៉ារីសដើម្បីប្រមាញ់ក្រុមភេរវជនដូចគ្នាដែរ។ លោក ហ្វ្រង់ស្វ័រហូឡង់ បានប្រកាសស្រេចថាលោកនឹងទៅម៉ូស្គូ ដើម្បីសុំការគាំទ្រពីរដ្ឋាភិបាលក្រេមឡាំង ក្នុងការពង្រឹងយុទ្ធសាស្ត្រកម្ចាត់ក្រុមភេរវជន។ ដោយសារលោកខាងលិចត្រូវការការសហការពីរុស្ស៊ីដើម្បីកម្ចាត់ក្រុមភេរវជន វិបត្តិអ៊ុយក្រែនត្រូវគេផ្អឹបទុកមួយឡែកសិន៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
