លោក សាយ ឈុំ យល់ព្រមឲ្យលោក ជា ចំរើន ចេញពីបក្សហើយ

ជាតិ

នយោបាយជាតិ

លោក សាយ ឈុំ យល់ព្រមឲ្យលោក ជា ចំរើន ចេញពីបក្សហើយ

21, Nov 2015 , 11:20 am

រូបភាព

ដោយ: ថ្មីៗ

លោក សាយ ឈុំ អនុប្រធានគណបក្សប្រជាជនកម្ពុជា កាលពីថ្ងៃទី២០ ខែវិច្ឆិកា បានចេញសេចក្តីសម្រេចយល់ព្រមឲ្យលោក ជា ចំរើន លាចេញពីសមាជិកគណបក្សប្រជាជនកម្ពុជា។ នេះបើតាមចុះផ្សាយលិខិតនៅលើទំព័រហ្វេសប៊ុកផ្ទាល់របស់លោក ជា ចំរើន។

លោក ជា ចំរើន ដែលបានចូលបម្រើគណបក្សប្រជាជនកម្ពុជា តាំងពីឆ្នាំ១៩៩៣មកនោះ បានផ្ញើលិខិតមួយទៅលោកនាយករដ្ឋមន្ត្រី ហ៊ុន សែន និងជាប្រធានគណបក្សកាន់អំណាច ដើម្បីសុំលាលែង ពីបក្សកាលពីថ្ងៃទី១៨ ខែវិច្ឆិកា។ លោកមិនបានបញ្ជាក់ពីមូលហេតុនោះឡើយ។

ការលាលែងរបស់អតីតអ្នកតំណាងរាស្ត្ររូបនេះ ត្រូវបានគេមើលឃើញថា អាចបណ្តាលមកពីបញ្ហាចម្រូងចម្រាស់ខ្លះផ្នែកមុខជំនួញ។ ក្នុងបទសម្ភាសមួយជាមួយវិទ្យុ VOA លោកបាន ជា ចំរើន បានអះអាងថា លោកចង់ធ្វើការបង្រៀនក្មេងជំនាន់ក្រោយអំពីប្រជាធិបតេយ្យ និងត្រៀមបង្កើតគណបក្សនយោបាយមួយដែលប្រមូលផ្តុំដោយបញ្ញវន្ត និងយុវជន៕