ពីនេះ ពីនោះ
តើពាក្យ «សុជីវធម៌» មានលក្ខណៈអនុវត្តន៍បែបណា?
× ពាក្យថា សុជីវធម៌ គឺការរបៀបរស់នៅត្រឹមត្រូវ មាន ឥរិយាបថ ប្រកបដោយសណ្ដាប់ធ្នាប់ល្អ ដោយចេះប្រមាណគ្រប់អំពើ និង សកម្មភាពទៅតាមកាលៈទេសៈ ចេះធ្វើគារវកិច្ចក្នុងការប្រាស្រ័យទាក់ទងជាមួយមនុស្សគ្រប់ប្រភេទក្នុងសង្គម។
គេអាចសង្កេតឃើញថា សុជីវធម៌ ជាផ្នែកមួយនៃសីលវិជ្ជាផង និង សោភ័ណវិជ្ជាផង។ មនុស្សដែលមាន សុជីវធម៌ តែងតែចេះបង្ហាញឥរិយាបថ ចរិតមាយាទ និងចរិយាសម្បត្តិល្អ។ ដើម្បីស្វែងយល់ពីចរិតមាយាទមនុស្សម្នាក់ៗ យើងត្រូវសិក្សាចរិយាសាស្ត្រ។ ចរិយាសាស្ត្រ គឺជាគម្ពីរឬក្បួនខ្នាតដែលចែងអំពីផ្នត់គំនិត, ចរិយាសម្បត្តិ, និងចរិតលក្ខណៈរបស់មនុស្ស។
[ដកស្រង់ពីសៀវភៅ មូលដ្ឋានសីលវិជ្ជា របស់លោក ឈុន ផាវ៉េង]
© រក្សាសិទ្ធិដោយ thmeythmey.com