ពីនេះ ពីនោះ
×![]()
ដោយ: ថ្មីៗ
នៅក្នុងប្រទេសជឿនលឿនស៊ីវិល័យ ប្រជាធិបតេយ្យ គោរពច្បាប់ ការឡើងតំណែងត្រូវបានគេផ្តោតការយកចិត្តទុកដាក់ទៅលើភាពហ្មត់ចត់ សមត្ថភាព ចំណេះដឹង ភាពវ័យឆ្លាត និងអតីតភាពនៃការងាររបស់បុគ្គល។ តែនៅក្នុងប្រទេសរំដួលវិញ សមត្ថភាព ភាពហ្មត់ចត់ ចំណេះដឹង ភាពវ័យឆ្លាត និងអតីតភាពការងារត្រូវបានគេឲ្យតម្លៃតិចតួចណាស់។ ជាការពិត នៅក្នុងប្រទេសរំដួល ចំណេះដឹងត្រូវបានគេឲ្យតម្លៃខ្លះដែរ តែអំណាចបក្សពួក និងអំណាចទឹកប្រាក់នៅមានឥទ្ធិពលខ្លាំងជាង។ ឡើងតំណែង តែគ្មានខ្នងបង្អែក ពួកគេហាក់បីដូចល្ហើយឆ្អឹងខ្នងគ្រប់ពេលវេលា។ អ្នកឡើងតំណែងគ្មានខ្នងនៅពីក្រោយ អាចប្រឈមនឹងការបាត់បង់តំណែងវិញគ្រប់ពេលវេលា ខុសពីអ្នកឡើងតំណែងដែលមានខ្សែពួរនៅពីក្រោយ។
ដោយសារតែផ្នត់គំនិតនេះហើយ ទើបអ្នកឡើងតំណែងនៅក្នុងប្រទេសរំដួលគ្រប់គ្នាត្រូវតែរត់ទៅរកខ្នងរៀងៗខ្លួនដើម្បីផ្អែក។ បើគ្មានខ្នងផ្អែកទេ ពួកគេអាចដួលរំលំគ្រប់ពេល។ ការរក្សាគំនិតចាស់គំរិលនេះវានឹងបំផ្លាញការដឹកនាំសម័យទំនើបបែបប្រជាធិបតេយ្យ។ ការដឹកនាំដែលនិយមបក្សពួក និយមលុយកាក់ អាចឈានទៅរកភាពបរាជ័យ៕
Tag:
រំដួល
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
