ការដាក់ជើង ត្រាំក្នុងអំបិល អាចជួយឲ្យអ្នក មិនចំណាយលុយច្រើន ដើម្បីទៅស្ប៉ា ឬម៉ាស្សា។ វាពិតជាមានប្រយោជន៍ ដែលយើងនឹកស្មានមិនដល់។
"ជើង" គឺជាសរីរាង្គ ដែលធ្វើការធ្ងន់បំផុត ដោយសារតែវាត្រូវទ្រទម្ងន់ រាងកាយយើងទាំងមូល ហើយយើងត្រូវការជើងទាំងពីរ ដើម្បីធ្វើដំណើរ ឬធ្វើកិច្ចការអ្វីមួយ។
ដូច្នេះ បើអាណិតជើង អ្នកគួរតែថែរក្សាវាឲ្យបានល្អ ជាពិសេស មនុស្សស្រីដែលចូលចិត្តលេងម៉ូតស្បែកជើងកែង។
ថ្ងៃនេះ យើងនឹងលើកយកនូវ វិធីសាស្ត្រថែទាំសុខភាពជើង ជាមួយនឹងអំបិល ហើយវាមិនប៉ះពាល់ ដល់សុខភាពអ្នកឡើយ គឺការត្រាំជើងក្នុងទឹកអំបិល។
អត្ថប្រយោជន៍
- ជម្រះកាកសំណល់ ឬកម្ទេចដីដែលនៅជាប់ជើង
- បន្ថយស្ត្រេស និងធ្វើឲ្យអ្នកមានអារម្មណ៍ល្អ
- បណ្តេញជាតិពុលចេញពីរាងកាយ។
ល្អចំពោះសុខភាព
១. កាត់បន្ថយការឈឺចាប់ និងការហើមជើង
២. កាត់បន្ថយការឈឺក្នុងពោះ
៣. រំញោចដល់សរីរាង្គកាយទាំងមូល
៤. ជួយសម្រួលដល់ការរំលាយអាហារ
៥. បង្ការការត្រជាក់ដៃ ត្រជាក់ជើង ពិសេស អំឡុងរដូវរងារ
៦. កាត់បន្ថយការរលាកច្រមុះ និងបំពង់ក
៧. ជួយឲ្យអ្នកគេងលក់ស្រួល៕