ពីនេះ ពីនោះ
ប៉ៅឡូ ហ្វ្រ៊ែរ៉េ៖ គ្រូបង្រៀនជាអ្នកដឹកនាំប្រយុទ្ធប្រឆាំងដើម្បីសេរីភាព និងការពារយុត្តិធម៌!
×![]()
ដោយ: ថ្មីៗ
ភ្នំពេញ៖ ក្នុងសង្គមប្រជាធិបតេយ្យ សេរីភាព សន្តិភាព យុត្តិធម៌ សុខសុភមង្គលគឺសុទ្ធតែជាបញ្ញត្តិដែលមនុស្សទូទៅចង់បាន ចង់យកមកគាំពារខ្លួននៅក្នុងសង្គមដែលខ្លួនរស់នៅ។ ដើម្បីបានរបស់ទាំងនេះមនុស្សទូទៅតែងតែផ្ដោតសំខាន់ទៅលើចំណាត់ការរបស់រដ្ឋ ក្នុងការនាំយកមកឲ្យប្រជាជាតិ។ ទស្សនវិទូ ហើយក៏ជាគរុវិទូផងលោក ប៉ៅឡូ ហ្វ្រ៊ែរ៉េ យល់ឃើញថា «គ្រូបង្រៀនគឺជាអ្នកដឹកនាំប្រយុទ្ធប្រឆាំងដើម្បីសេរីភាព និងការពារយុត្តិធម៌»។ មូលហេតុអ្វីបានជាគ្រូបង្រៀនមានភារក្នុងកិច្ចនេះទៅវិញ?
ក្នុងនាមជា ទស្សនវិទូ និងគរុវិទូមួយរូប ហ្វ្រ៊ែរ៉េ មើលឃើញថា គ្រូបង្រៀនគឺជាភ្នាក់ងារអប់រំដ៏សំខាន់មួយដើម្បីបណ្ដុះពូជន៍មនុស្សថ្មីដែលមានគុណភាពក្នុងនាមជាមនុស្សនៅក្នុងសង្គម។ សិស្សម្នាក់តែងនាំមកជាមួយនូវបទពិសោធន៍ គំនិត វិចារណញ្ញាណ មនសិការ លទ្ធភាព សមត្ថភាព និងចំណេះដឹងរៀងៗខ្លួនដែលជាសម្បទានធម្មជាតិដែលពួកគេមាន និងអ្វីដែលគេមានតាមរយៈពិសោធន៍ជីវិតរបស់គេ។ ហើយសម្បទានធម្មជាតិទាំងនេះគឺទាមទារឲ្យមានពង្រឹងនិងពង្រីកបន្ថែម។
រីឯនៅក្នុងទស្សនវិជ្ជាអប់រំរបស់លោកហ្វ្រ៊ែរ៉េ យល់ថា អំណាចនៃការអប់រំ គឺជាអំណាចដែលអាចរំដោះ ឬធ្វើឲ្យប្រជាពលរដ្ឋដែលត្រូវបានគេគាបសង្កត់មានសេរីភាពចេញផុតពីលក្ខខណ្ឌសង្គម សេដ្ឋកិច្ច និងនយោបាយ ដែលធ្វើឲ្យពួកគេមិនអាចចូលរួមបាន មិនមានអំណាចប្រើប្រាស់សិទ្ធិ និងមានភាពលម្អៀងចំពោះពួកគេ។ ក្នុងលក្ខខណ្ឌទ្រឹស្ដីបែបនេះលោកចង់រំលេចពីតួនាទីរបស់គ្រូបង្រៀនថា ជាអ្នកជំរុញឲ្យសិស្សប្រើប្រាស់ខួរក្បាល ឲ្យបានច្រើនជាងមុន រលឹកសិស្សដោយវិធីសាស្ត្រនានា ដើម្បីឲ្យពួកគេប្រើប្រាស់សមត្ថភាពច្នៃប្រឌិតនិងសមត្ថភាពចងចាំ ក្នុងការគិតវិភាគឲ្យបានល្អិតល្អន់ក្នុងទិសដៅលើកកម្ពស់ការយល់ដឹងរបស់សិស្ស។
ការលើកឡើងខាងនេះមានន័យថា គ្រូបង្រៀនមិនមែនគ្រាន់តែជាការរំដោះខ្លួនឯងក្នុងនាមជាគ្រូ ដែលបានយល់ដឹង បានយល់ពីអ្វីដែលមាន និងចំណេះដឹងផ្សេងៗនោះទេ។ តែគ្រូបង្រៀនគឺជា អ្នកដឹកនាំដ៏សំខាន់ក្នុងបុព្វហេតុដើម្បីទៅរកសេរីភាព និង ការពារយុត្តិធម៌សង្គមតាមរយះការបង្រៀនសិស្សឲ្យស្គាល់ពីអ្វីទៅជាសេរីភាពសម្រាប់មនុស្ស និងយុត្តិធម៌។ ព្រោះគ្រូបង្រៀនមិនមែនកើតមានដោយចៃដន្យនោះទេ តែជាបុគ្គលដែលកើតចេញពីការប្រកួតប្រជែង ការតាំងចិត្ត ការព្យាយាម ការធ្វើអន្តរាគមន៍ជាមួយគំនិត ដើម្បីមានឱកាសទៅផ្លាស់ប្ដូរផ្នត់គំនិត ការគិត សមត្ថភាព របស់មនុស្ស។ ហើយគ្រូបង្រៀនមិនមែនគ្រាន់តែជាបុគ្គលដែលបង្រៀនតែទ្រឹស្ដីប៉ុណ្ណោះទេ តែជាអ្នកដឹកនាំធ្វើការអនុវត្តផ្ទាល់ផងដែរ។
ជារួម ក្នុងគោលគំនិតរបស់លោក គឺចង់ផ្ដោតសំខាន់ទៅលើភារកិច្ចដ៏សំខាន់របស់គ្រូក្នុងចលនាតស៊ូផ្នែកគំនិត ដែលគ្រូត្រូវបង្រៀនសិស្សឲ្យយល់ ឲ្យស្គាល់ពីតម្លៃនៃសេរីភាព និងយុត្តិធម៌សង្គម ហើយធ្វើការទាមទារក្នុងបុព្វហេតុនៃ បដិវត្តន៍វប្បធម៌ឆ្វេង របស់លោក។ ដែលបដិវត្ដន៍នេះផ្ដោតទៅលើការស្រឡាញ់ជីវិត ផ្ដើមចេញពីការទាមទារសេរីភាព៕
ក្នុងនាមជា ទស្សនវិទូ និងគរុវិទូមួយរូប ហ្វ្រ៊ែរ៉េ មើលឃើញថា គ្រូបង្រៀនគឺជាភ្នាក់ងារអប់រំដ៏សំខាន់មួយដើម្បីបណ្ដុះពូជន៍មនុស្សថ្មីដែលមានគុណភាពក្នុងនាមជាមនុស្សនៅក្នុងសង្គម។ សិស្សម្នាក់តែងនាំមកជាមួយនូវបទពិសោធន៍ គំនិត វិចារណញ្ញាណ មនសិការ លទ្ធភាព សមត្ថភាព និងចំណេះដឹងរៀងៗខ្លួនដែលជាសម្បទានធម្មជាតិដែលពួកគេមាន និងអ្វីដែលគេមានតាមរយៈពិសោធន៍ជីវិតរបស់គេ។ ហើយសម្បទានធម្មជាតិទាំងនេះគឺទាមទារឲ្យមានពង្រឹងនិងពង្រីកបន្ថែម។
រីឯនៅក្នុងទស្សនវិជ្ជាអប់រំរបស់លោកហ្វ្រ៊ែរ៉េ យល់ថា អំណាចនៃការអប់រំ គឺជាអំណាចដែលអាចរំដោះ ឬធ្វើឲ្យប្រជាពលរដ្ឋដែលត្រូវបានគេគាបសង្កត់មានសេរីភាពចេញផុតពីលក្ខខណ្ឌសង្គម សេដ្ឋកិច្ច និងនយោបាយ ដែលធ្វើឲ្យពួកគេមិនអាចចូលរួមបាន មិនមានអំណាចប្រើប្រាស់សិទ្ធិ និងមានភាពលម្អៀងចំពោះពួកគេ។ ក្នុងលក្ខខណ្ឌទ្រឹស្ដីបែបនេះលោកចង់រំលេចពីតួនាទីរបស់គ្រូបង្រៀនថា ជាអ្នកជំរុញឲ្យសិស្សប្រើប្រាស់ខួរក្បាល ឲ្យបានច្រើនជាងមុន រលឹកសិស្សដោយវិធីសាស្ត្រនានា ដើម្បីឲ្យពួកគេប្រើប្រាស់សមត្ថភាពច្នៃប្រឌិតនិងសមត្ថភាពចងចាំ ក្នុងការគិតវិភាគឲ្យបានល្អិតល្អន់ក្នុងទិសដៅលើកកម្ពស់ការយល់ដឹងរបស់សិស្ស។
ការលើកឡើងខាងនេះមានន័យថា គ្រូបង្រៀនមិនមែនគ្រាន់តែជាការរំដោះខ្លួនឯងក្នុងនាមជាគ្រូ ដែលបានយល់ដឹង បានយល់ពីអ្វីដែលមាន និងចំណេះដឹងផ្សេងៗនោះទេ។ តែគ្រូបង្រៀនគឺជា អ្នកដឹកនាំដ៏សំខាន់ក្នុងបុព្វហេតុដើម្បីទៅរកសេរីភាព និង ការពារយុត្តិធម៌សង្គមតាមរយះការបង្រៀនសិស្សឲ្យស្គាល់ពីអ្វីទៅជាសេរីភាពសម្រាប់មនុស្ស និងយុត្តិធម៌។ ព្រោះគ្រូបង្រៀនមិនមែនកើតមានដោយចៃដន្យនោះទេ តែជាបុគ្គលដែលកើតចេញពីការប្រកួតប្រជែង ការតាំងចិត្ត ការព្យាយាម ការធ្វើអន្តរាគមន៍ជាមួយគំនិត ដើម្បីមានឱកាសទៅផ្លាស់ប្ដូរផ្នត់គំនិត ការគិត សមត្ថភាព របស់មនុស្ស។ ហើយគ្រូបង្រៀនមិនមែនគ្រាន់តែជាបុគ្គលដែលបង្រៀនតែទ្រឹស្ដីប៉ុណ្ណោះទេ តែជាអ្នកដឹកនាំធ្វើការអនុវត្តផ្ទាល់ផងដែរ។
ជារួម ក្នុងគោលគំនិតរបស់លោក គឺចង់ផ្ដោតសំខាន់ទៅលើភារកិច្ចដ៏សំខាន់របស់គ្រូក្នុងចលនាតស៊ូផ្នែកគំនិត ដែលគ្រូត្រូវបង្រៀនសិស្សឲ្យយល់ ឲ្យស្គាល់ពីតម្លៃនៃសេរីភាព និងយុត្តិធម៌សង្គម ហើយធ្វើការទាមទារក្នុងបុព្វហេតុនៃ បដិវត្តន៍វប្បធម៌ឆ្វេង របស់លោក។ ដែលបដិវត្ដន៍នេះផ្ដោតទៅលើការស្រឡាញ់ជីវិត ផ្ដើមចេញពីការទាមទារសេរីភាព៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
