ជាតិ
សង្គមជាតិ
លោក ស ខេង បង្កើតក្រុមអ្នកនាំពាក្យទាក់ទងជាមួយសាធារណជន និងអ្នកសារព័ត៌មាន
× ភ្នំពេញ៖ រដ្ឋមន្ត្រីក្រសួងមហាផ្ទៃលោក ស ខេង បានសម្រេចបង្កើតក្រុមអ្នកនាំពាក្យចំនួន ២២នាក់ នៃអគ្គលេខាធិការដ្ឋាន អគ្គស្នងការដ្ឋាន អគ្គនាយកដ្ឋាន និងអង្គភាពនានា ចំណុះក្រសួងមហាផ្ទៃ ដើម្បីទំនាក់ទំនងជាផ្លូវការជាមួយសាធារណជន និងអ្នកសារព័ត៌មានជាតិ-អន្តរជាតិ និងបំពេញការងារតាមការបញ្ជា។
យោងតាមសេចក្តីសម្រេចស្តីពី ការបង្កើតក្រុមអ្នកនាំពាក្យសម្រាប់អគ្គនាយកដ្ឋាន និងអង្គភាពនានា ចំណុះក្រសួងមហាផ្ទៃ ចុះថ្ងៃទី ៣ ធ្នូ ឆ្នាំ២០១៥នេះ ក្រុមអ្នកនាំពាក្យតាមអគ្គនាយកដ្ឋាន និងអង្គភាពទាំងនោះ រួមមាន អ្នកនាំពាក្យអគ្គលេខាធិការដ្ឋាន គឺលោក ប៉ោ ភក្តិ អគ្គលេខាធិការរង និងលោក ម៉ែន ប៊ុនរិទ្ធ ប្រធាននាយកដ្ឋានកិច្ចការរដ្ឋបាល។ អ្នកនាំពាក្យអគ្គស្នងការដ្ឋាននគរបាលជាតិ គឺលោក គៀត ច័ន្ទថារិទ្ធ អគ្គស្នងការរង និងលោក សារ៉ាន កំសត់ ប្រធាននាយកដ្ឋានសរុបផែនការ។
អ្នកនាំពាក្យអគ្គនាយកដ្ឋានរដ្ឋបាល គឺ លោកស្រី តៅ សុខម៉ារ៉ា អគ្គនាយករង និងលោក ឆាន់ ចន្ទសុភក្តិ៍ ប្រធាននាយកដ្ឋានរដ្ឋបាលសរុប។ អ្នកនាំពាក្យអគ្គាធិការដ្ឋាន គឺលោក ហួន ចន្ទកក្កដា អគ្គាធិការរង និងលោក សុខ លីនណា អគ្គាធិការរង។ អ្នកនាំពាក្យអគ្គនាយកដ្ឋាន ពន្ធនាគារ គឺលោក នុត សវនា អគ្គនាយករង និងលោក សន កែវ អនុប្រធាននាយកដ្ឋានអប់រំកែប្រែ។ អ្នកនាំពាក្យអគ្គនាយកដ្ឋានអន្តោប្រវេសន៍ លោក កែវ វណ្ណថន អគ្គនាយករង និងលោក កែវ សារិន ប្រធាននាយកដ្ឋានរដ្ឋបាលសរុប។ អ្នកនាំពាក្យអគ្គនាយកដ្ឋានអត្តសញ្ញាណកម្ម លោក ចាន់ គឹមសេង អគ្គនាយករង និងលោក តុប នេត អគ្គនាយករង។ អ្នកនាំពាក្យភស្តុភារ និងហិរញ្ញវត្ថុ លោក ចេន ចាន់តុង ប្រធាននាយកដ្ឋានផ្សព្វផ្សាយអប់រំ និងលោក កុសល ភិរម្យ ប្រធានាយកដ្ឋានរដ្ឋបាលសរុប។
អ្នកនាំពាក្យបណ្ឌិត្យសភានគរបាលកម្ពុជា គឺលោក ឯក មនោសែន អនុប្រធានបណ្ឌិត្យសភានគរបាលកម្ពុជា និងជាប្រធាននាយកដ្ឋានបណ្តុះបណ្តាល និងលោក ស្វាយ ចាន់ដា អនុប្រធានបណ្ឌិត្យសភានគរបាលកម្ពុជា។ អ្នកនាំពាក្យអគ្គនាយកដ្ឋានសវនកម្មផ្ទៃក្នុង លោក ម៉ែន សូរិយន់ អគ្គនាយករង និងលោក ហូវ លេនីន អនុប្រធាននាយកដ្ឋានសវនកម្មផ្ទៃក្នុង។ និងអ្នកនាំពាក្យក្រុមប្រឹក្សានីតិកម្ម គឺ លោក ប៉ាង រ៉ាស៊ី អនុប្រធានក្រុមប្រឹក្សានីតិកម្ម និងលោក មុនី វីរៈ អនុប្រធានក្រុមប្រឹក្សានីតិកម្ម។
លោក ស ខេង បានប្រគល់ភារកិច្ចដល់លោក ខៀវ សុភ័គ អ្នកនាំពាក្យក្រសួងមហាផ្ទៃ និងជាអគ្គលេខាធិការនៃអគ្គលេខាធិការដ្ឋាន ឲ្យបណ្តុះបណ្តាលជំនាញ និងផ្តល់បទពិសោធន៍ការងារអ្នកនាំពាក្យដល់ក្រុមអ្នកនាំពាក្យសម្រាប់អគ្គនាយកដ្ឋាន និងអង្គភាពទាំងអស់ខាងលើ៕
Tag:
លោក ស ខេង
អ្នកនាំពាក្យ
© រក្សាសិទ្ធិដោយ thmeythmey.com