ជាតិ
នយោបាយជាតិ
លោក ម៉ម សូណងដូ នឹងរៀបចំក្បាលម៉ាស៊ីនបក្សឡើងវិញនៅក្នុងសមាជបក្សថ្ងៃទី១២ ធ្នូ
×![]()
ដោយ: ថ្មីៗ
គណបក្សសំបុកឃ្មុំសង្គមប្រជាធិបតេយ្យ នឹងរៀបចំសមាជវិសាមញ្ញនៅថ្ងៃទី ១២ ធ្នូ ខាងមុខនេះ ដើម្បីរៀបចំក្បាលម៉ាស៊ីនមន្ត្រីក្នុងបក្សខ្លួនឡើងវិញ ក្រោយពីមានភាពរង្គោះរង្គើផ្ទៃក្នុងគណបក្សកាលពីខែមុន។
លោក ម៉ម សូណងដូ បានបញ្ជាក់ថា ការធ្វើសមាជបក្សនេះ គឺដើម្បីបោសសម្អាតមន្ត្រីដែលមានបញ្ហានៅក្នុងបក្ស និងរៀបចំតួនាទីដល់មន្ត្រីបក្សខ្លួនឲ្យបានត្រឹមត្រូវឡើងវិញ។ ប្រធានគណបក្សសំបុកឃ្មុំសង្គមប្រជាធិបតេយ្យរូបនេះ បន្ថែមថា បញ្ហាផ្ទៃក្នុងបក្សកន្លងមកនេះ គឺធ្វើឲ្យរូបលោក បានដឹងច្រើនពីអត្តចរិតមនុស្ស ហើយក៏ជួយឲ្យលោកងាយស្រួល ក្នុងការរៀបចំផ្ទៃក្នុងបក្ស កុំឲ្យមានបញ្ហាដូចមុនទៀត។
ថ្លែងប្រាប់សារព័ត៌មានថ្មីៗ លោក ម៉ម សូណងដូ បានបញ្ជាក់យ៉ាងដូច្នេះ៖«យើងធ្វើសមាជដើម្បីបោសសំអាតបញ្ហាក្នុងបក្ស រៀបចំបក្សឲ្យបានល្អ។ហើយយើងនឹងរៀបចំមន្ត្រីដែលយើងធ្វើការទុកចិត្តគ្នា តាមតួនាទីក្នុងបក្ស ។ ហើយក្រោយពីសមាជហើយយើងដំណើរការស្រួល»។
លោក ម៉ម សូណងដូ បានឲ្យដឹងថា អនុប្រធានគណបក្សមានតែមួយរូបប៉ុណ្ណោះ គឺលោក ហារី សំអាត ដោយលោកមិនរៀបចំឲ្យមានអនុប្រធានចំនួន២ដូចមុនទៀតនោះទេ។
កាលថ្ងៃទី ៩ ខែ កញ្ញា គណបក្សសំបុកឃ្មុំសង្គមប្រជាធិបតេយ្យ បានគាំទ្រឲ្យលោក ម៉ម សូណង់ដូ ធ្វើជាប្រធានបក្ស និងអនុប្រធានបក្សពីររូបទៀត គឺលោកបណ្ឌិត ហ៊ាង រិទ្ធី អ្នកវិភាគស្ថានការណ៍នយោបាយ និងលោក ហារី សំអាត ។ តែក្រោយមកក៏មានបញ្ហាផ្ទៃក្នុងបក្ស ដោយកាលនោះលោក ហ៊ាង ឫទ្ធី អនុប្រធានគណបក្សនេះ បានដាក់បណ្តឹងទៅតុលាការស្នើសុំឲ្យផ្អាកដំណើរការ ឬរំលាយគណបក្សនេះ តែត្រូវបានតុលាការបដិសេធសំណើរនេះ៕
លោក ម៉ម សូណងដូ បានបញ្ជាក់ថា ការធ្វើសមាជបក្សនេះ គឺដើម្បីបោសសម្អាតមន្ត្រីដែលមានបញ្ហានៅក្នុងបក្ស និងរៀបចំតួនាទីដល់មន្ត្រីបក្សខ្លួនឲ្យបានត្រឹមត្រូវឡើងវិញ។ ប្រធានគណបក្សសំបុកឃ្មុំសង្គមប្រជាធិបតេយ្យរូបនេះ បន្ថែមថា បញ្ហាផ្ទៃក្នុងបក្សកន្លងមកនេះ គឺធ្វើឲ្យរូបលោក បានដឹងច្រើនពីអត្តចរិតមនុស្ស ហើយក៏ជួយឲ្យលោកងាយស្រួល ក្នុងការរៀបចំផ្ទៃក្នុងបក្ស កុំឲ្យមានបញ្ហាដូចមុនទៀត។
ថ្លែងប្រាប់សារព័ត៌មានថ្មីៗ លោក ម៉ម សូណងដូ បានបញ្ជាក់យ៉ាងដូច្នេះ៖«យើងធ្វើសមាជដើម្បីបោសសំអាតបញ្ហាក្នុងបក្ស រៀបចំបក្សឲ្យបានល្អ។ហើយយើងនឹងរៀបចំមន្ត្រីដែលយើងធ្វើការទុកចិត្តគ្នា តាមតួនាទីក្នុងបក្ស ។ ហើយក្រោយពីសមាជហើយយើងដំណើរការស្រួល»។
លោក ម៉ម សូណងដូ បានឲ្យដឹងថា អនុប្រធានគណបក្សមានតែមួយរូបប៉ុណ្ណោះ គឺលោក ហារី សំអាត ដោយលោកមិនរៀបចំឲ្យមានអនុប្រធានចំនួន២ដូចមុនទៀតនោះទេ។
កាលថ្ងៃទី ៩ ខែ កញ្ញា គណបក្សសំបុកឃ្មុំសង្គមប្រជាធិបតេយ្យ បានគាំទ្រឲ្យលោក ម៉ម សូណង់ដូ ធ្វើជាប្រធានបក្ស និងអនុប្រធានបក្សពីររូបទៀត គឺលោកបណ្ឌិត ហ៊ាង រិទ្ធី អ្នកវិភាគស្ថានការណ៍នយោបាយ និងលោក ហារី សំអាត ។ តែក្រោយមកក៏មានបញ្ហាផ្ទៃក្នុងបក្ស ដោយកាលនោះលោក ហ៊ាង ឫទ្ធី អនុប្រធានគណបក្សនេះ បានដាក់បណ្តឹងទៅតុលាការស្នើសុំឲ្យផ្អាកដំណើរការ ឬរំលាយគណបក្សនេះ តែត្រូវបានតុលាការបដិសេធសំណើរនេះ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
