ពេជ្រ សោភា ប្រកាសឈប់ពីហង្សមាស

ជាតិ

ពេជ្រ សោភា ប្រកាសឈប់ពីហង្សមាស

06, Dec 2015 , 4:25 pm

រូបភាព

ដោយ: ថ្មីៗ

អ្នកនាងពេជ្រ សោភា បានប្រកាសលាឈប់ពីផលិតកម្មហង្សមាស និងរស្មីហង្សមាស។ តារយៈសារនៅក្នុងទំព័រហ្វេសប៊ុកផ្ទាល់ខ្លួនតាំងពីព្រឹកព្រលឹម ថ្ងៃទី៦ខែធ្នូ របស់តារាចម្រៀងមានដើមកំណើតនៅក្នុងខេត្តព្រៃវែងរូបនេះ បានបញ្ជាក់ថា នាងនឹងលាឈប់បន្ទាប់ពីកម្មវិធី The Voice Cambodia រដូវកាលទី២ បញ្ចប់។

អ្នកនាងពេជ្រ សោភា បានសរសេរយ៉ាងនេះថា៖«នាងខ្ញុំពេជ្រ សោភា នឹងលាឈប់ធ្វើនៅហង្សមាស និងរស្មីមាសហើយ តែនាងខ្ញុំនឹងធ្វើការងាររបស់នាងឲ្យចប់គឺ (the voice Cambodia) »។

ជាមួយគ្នានោះ អ្នកនាង ក៏បានអរគុណដល់ក្រុមហ៊ុន ហង្សមាស ដែលធ្វើឲ្យជីវិតគ្រួសាររបស់នាងបានល្អរហូតមកដល់ថ្ងៃនេះ។ អ្នកនាង ពេជ្រ សោភាថា៖« ខ្ញុំមានថ្ងៃនេះ គឺបានមកពីហង្សមាសទាំងអស់»។

តែយ៉ាងណាក៏ដោយ នៅសំណេរដ៏ខ្លីនៅក្នុងទំព័រហ្វេសប៊ុកនេះ អ្នកនាង ពេជ្រ សោភាព មិនបានបញ្ជាក់ពីមូលហេតុនៃការលាឈប់នេះទេ។ សារព័ត៌មានថ្មីៗ ក៏មិនអាចសុំការបំភ្លឺ ពីសាមីខ្លួនបានដែររហូតមកទល់ពេលនេះ។

សូមបញ្ជាក់ថា កម្មវិធី The Voice Cambodia រដូវកាលទី២កំពុងតែធ្វើការប្រឡងជម្រុះបេក្ខជននៅតាមបណ្តាខេត្តនានាក្នុងប្រទេសកម្ពុជា ក៏ដូចជាក្នុងរាជធានីភ្នំពេញ ដែលអ្នកនាង និងតារាចម្រៀងប្រចាំផលិតកម្មហង្សមាស៣រូបទៀតគឺកញ្ញា ឱក សុគន្ធកញ្ញា លោក ណុប បាយារិទ្ធិ និងលោក ឆន សុវណ្ណារាជ នឹងធ្វើជាគ្រូបង្វឹក៕